قسمة ثم حب

10

#قسمة_ثم_حب
-١٠-
طبعا الحياة بقت لي حلوة والدنيا لونا اتغير في عيوني بعد السواد بقت قوس قزح بس 😹 احمد اخد اجازة وطبعا كلها عزومات وتسوق وطلعات ماليها اخر ولا اول وعرفني علي ناس جداد من مختلف الجنسيات وسودانيات عسولات شديد نسوان اصحابو وكدا وبقيت احس انوا حياتي كدا ماناقصة حاجة الكلام دا في اقل من اسبوعين وكان ماخد اجازه وكدا حياتنا اتغيرت ١٨٠ درجه بس اللحظات الحلوة بتمر سريع طبعا وانتهت الاجازة كيف ما عارفه و كانت احلي ايام لي 
رجع الشغل طبعا وانا قاعده في البيت رغم العلاقات الجديده دي كلها بس البناية الكنت فيها مافيها سودانية ولا بالغلط وانا بقيت امل من قعدت البيت والوضع بقي روتيني 
الصباح بصحي بطلع من غرفتي وطوالي علي المطبخ بعمل شاي وفطور خفيف جبنه وزيتون واكل سريعة كدا وفي الوقت دا بكون احمد طلع من غرفتو وجاهز ما فضل لي الا الفطور وبفطر سريع وجري علي الشغل وبعد كدا انا ابقي في نضافة وغسيل والاتنين ما اكتر من ساعة مكنسة كهربائية والبيت صغير وغسالة كل العلي ادخل الهدوم وبطبخ احيانا لانو احمد مابحب الطبيخ وبموت في الاكل الجاهز وباقي اليوم انوم واصحي افتح التلفزون واقرا كتب واتصل علي امي وصحباتي وما اخلي شي والقي يادوب الساعة ٤ واحمد ما بيجي الا سبعة بقيت ازهج واتضايق ضيق شديد انا متعوده علي الوحد بس ما لي الدرجة دي دا سجن عديل * الصراحة دا طلس مني ساي انا بشتاق لي احمد ما اكتر والفتره القاعد فيها في البيت كانت سمحة شديد 🙈
يوم من الايام احمد رجع بدري لقاني ليك ميته بالبكة جاني ليك جاري ياريم مالك وانا بس تقول قال لي ابكي زياده ياريم وبقي يحنس فيني 
احمد : ريم مالك يابت زعلانه مني 
انا : ........…...……..
احمد : حصل ليك شي في زول حصلت لي حاجة
انا : لا لا 
احمد : طيب مالك 
انا : مافي شي
احمد : دا كلو مافي شي
انا : اي 
احمد : حضني عليهو شديد معقولة ياريم مادايره توريني انا وانتي ما اصحاب قبل اي شي الكلام بي طريقة انا دموعي زاتها ماعرفتها طفشت وين بس بقيت مخلوعة من البحصل دا طوالي دايره اقوم 
احمد : لو ماحكيتي لي ماف ليك قومه من هنا انا دي قلبي قرب يقع في بطني 
انا : قلت لي زهجانه ماف زول قاعد معاي انا قاعده في حبس انفرادي ما قادره خلاص زهجت وووعد لسع ما جات عشان تجيني 
احمد : هههههههه انتي عسل ياخ هسي المناحة دي كلها زهجانه انا قايل حاصلة مصيبة بعدين يا قلبي انتي زهجتي عشان انا ما قاعد معاك ونزلت الشغل قولي مشتاقة لي بدل الموضوع دا بس 
انا : احمد قوم من جنبي وماتتكلم معاي قبل ما ارتكب فيك جريمة 🙀 
احمد : ياساتر من وين الشر دا كلو هههههههههه 
انا : انا ذح مني بس قام طوالي خلاني وقمت من جنبو وانا ماشا كدا 
احمد : ريم لو حابة نطلع انا ماعندي مشكلة انتي بس قولي دايره تمشي وين 
انا : طلعت من دور الزعلانة طوالي ياخ كلامو يرد الروح ، لا انا الليلة طابخة حاجة فنانه بدل انت وانا بجهز الاكل وانا علي المطبخ وهو علي غرفتو عشرة دقايق ونحنا قاعدين في الصفرة 😹 بنحب الاكل كيف 😎
كنت طابخة اكلات لقيتهم في مجلة 😂😂 مكرونة ايطالية وسلطة ولحمة ظابطة وتحلية جلي فراولة عشقي الابدي 😻 طبعا بجرب في الولد اي شي وهو مستحمل 
احمد : ريم طبخك رهيب 
انا : شكرا 
احمد : عارفة حاجة كنت ناوي ما اكل اكلك نهائي بس ما قدرت اقاوم 😻😻 
انا : كنت ح اخت ليك سم في يوم من الايام طبعا 
احمد : ههههههههه انا معرس مجرمة اكيد انتي ما طبيعية بس ليك حق كنت بمثل اسوء ادوار الحياة عليك بس اتمني تسامحيني في يوم ونعيش حياة حلو 
انا : في سري ، سامحتك بس لسع في خوف جواي ما قادرة اطلعو وما رديت علي طبعا سكت ساي 
احمد : انا بستاهل البحصل معاي دا انا الختيت المسافات بيني وبينك 
انا : ........
واحمد قام من الصفرة ودخل غرفتو وانا لميت الاكل وعلي غرفتي طوالي نفسي اتقفلت 😔
كنت زولة بعاند ما اكتر كان احساس غريب دايره اقرب منو وفي نفس الوقت ما دايره احيانا بقول احسن يستاهل واحيانا بقول حرام عليك ياريم اتجاوزي الماضي 

نشوف هل ريم حتتجاوز الماضي 

سنعود قريبا😍😍