قسمة ثم حب

11

تاني يوم طلع بدري شديد انا قمت من النوم لقيتو مافي حتي ما صحاني نصلي الصبح مع بعض طوالي اتصلت علي ولا رد ولا حتي حاول يرجع يتصل علي 
بس القلق كتلني وصراحة حفت علي وبقيت افكر انوا حصلت لي حاجه و اتصلت علي صحبو وكان الوحيد العندي رقمو قال لي احمد ماجي الشركة بس انا خلاص حيلي برد واتصل علي احمد تاني مابرد وبقيت ذي المجنونة من غرفة لي غرفة وقلب الام سبحان الله اتصلت علي امير
امي: ريم الاسكريم كيفك واخبارك وصحتك وراجلك كيف 
انا : تمام التمام واحمد كويس بس مستاقه ليك ابوي كيف والجيران كلهم كويسين 
امي : ابوك كويس دايرين يعملو عياده خاصه هو وعمك عمر كلهم كويسين وبسلمو عليك حتي خالتك جميلة بتها مسافره دبي وسألو منك عشان تجيك 
انا : ها انا اتصلت علي امس مافتي لي الشمار لي ياخ 😖 كويس الا اتصل علي بعدك والله حاجه حلوه بديك العنوان طوالي اصلا انا زهجت من الحبسة دي 
امي :انتي عارفه ابوك زول كتوم بعدين انتي لسانك خفيف
انا : وااااي انا يا امي تقولي لي كدا 
امي: ما صاح هسي دايره اسألك دايره حاجه ارسلها ليك مع البت دي لانها قايمه في الاسبوع دا 
انا : والله ماعارفه يا امي برسلو شنو 
امي : وب انا الله يصبرني يابت انتي بقيتي مره ولسع في عمايلك دي 
انا : انا ياامي اعرف من وين لكن 
امي : تعرفي السرقة ياريم
انا : ههههه خلاص معليش رسلي لي اي شي برسلو لي الناس البره 
امي : طيب الله يهديك بس 
انا : انا زاتي بشوف وعد زاتها قربت تجي لو احتجت حاجه 
اها يا امي ماف شمارات تاني 
امي : شمارات في عينك مع السلامه زاتوا امشي اقضي شغلتك قبل ما راجلك يرجع وسلمي علي كتير 
انا : هسي يا امي احتمال ماعندي شي اعملو 
امي : من دي موش ريم بت بطني دي عارفاك انا قومي اتحركي 
انا : فعلا والله عندي سلطه اسود مامتمومه للغدا مع السلامه سلمؤ علي ابوي وقول لي ريم قالت ليك بجيب ليك ناسها تعالجهم مجاني 
قفلت الخط وقمت علي المطبخ كل الفضل لي اطعم الاسود طبعا سلطة اسود بيضا 😍😍 جيعانه والله ياناس 😂 بس الساعة اربعة وانا في مطبخي داك باب الشقة فتح جريت طوالي شايله معلقتي في يدي والحاله صعبه الشعر فاكي
و جريت علي الباب 
انا : احمد 
احمد : معليش ياريم تلفوني نسيتو في العربية وانا مشيت قعدت في حديقة ولقيت عمك كبير كدا والونسه جرت وما حسيت بي الزمن 
انا : طبعا قربت اديهو كف وبي زعل قلت لي خفت عليك حرام عليك ياخ 
احمد : بتخافي علي ياريم ؟ 
انا : اي لي ما اخاف موش راجلي
بس بقي يعاين لي 
انا : احمد الباب فاتح 
احمد : بي كل برود ، طوالي نقفل الباب ماعندك مشكلة
وقفل الباب 
انا : غرفتك سريع ياريم قبل ما الامور تطور ودايره امشي طبعا بس مسكني ليك
احمد : بتخافي علي ياريم وخت 
انا : اي بخاف مالي مازول
احمد : قبيل ما قلتي كدا ومسكني 
طوالي دفرتو
انا : يازول سمعت شنو انت
احمد : ههههههههه خفتي مني ولا شنو 
انا : طبعا ساكته ساي 
و هو مشي علي غرفتو وانا دي كرعيني ما شالوني لمن وصلت غرفتي وبقت ذي الهبلة في السرير اتكلم مع نفسي الليلة باسني 🙈 
وماقدرت اطلع اخت الغدا عديل
احمد : ريمي اطلعي الغدا ورح 
وعملت فيها نايمة طبعا ومانفعت الخطه لكن 
احمد : نايمة ولا خجلانه مني 
وانا :نظام بشخر وكدا 
احمد : يابت قومي بطلي تمثيل بعدين مافيها حاجه ياخ قومي 
انا : شنو هي المافيها حاجه 
احمد : ما قلنا نايمين وبنشخر 
انا : احمد 
احمد : راجل وباس مرتو في مشكلة انتي عندك مشكلة 
انا : لا 
احمد : اعتبر دا تصريح 
انا : هووووي لا انا ما قصدي كدا 
احمد : ههههههه قومي ارح الغدا والله انتي نكته عديل 
طبعا سكته ساي نزلت مشيت وراهو بس ذي السخلة اكلنا ودايره ارجع غرفتي بس 
احمد : وين ماشه ارح اقعدي جبت اسكريم بالعلبه الكبيره 
انا : قول والله 😻😻 بي خلعة كدا 
احمد: هو ما تقومي تاكليني 
انا : ههههههه انبسطه ياخ ان شاء الله شكولاته بس احمد : شكووووولاته اي 
انا : ماتحاكيني 
احمد : كويس جيبي العلبه والمعالق بس 
ولقينا ليك فلم ظابط وقعدنا اكلنا العلبة حقة الانتين كيلو كلها وانا شالتني نومه وخليتو ليك بحضر بس نص الليل كدا جاتني صحية لقيتو مافي عاينت للمطبخ ماف لي غرفتو ماف مشيت غرفتي ماف بس طوالي علي خرف النوم دا بقيت اكورك بس طلع من الحمام جاري يابت مالك وانا نعسانه 
انا : راجلي خطفو 
احمد : راجلك هههههههههههههه 
انا : ماتضحك 
احمد : يابت انتي شايلك حمار نوم 
انا : لا لع انت احمد 
احمد : هههههههههه اي احمد 
انا : طيب تصبح علي خير 
ومشيت ومغمضه كمان وتوش غرفة احمد للاسف 😹😹 الصباح صحيت ما اشوف ليك الا احمد جنبي بس قمت مخلوعة طبعا وصحيتو 
احمد : امس الزول كان يصورك ياخ سكرانه عديل بس 
انا : مالي 
احمد : حكي لي القصة طبعا 
انا : كذاب انا اصلا ما بهلوس ولا اي شي 
احمد : اي واضحك لمن هدي في غرفتي 
انا : انا جيت هنا متين 
احمد : اسألي روحك 
انا : احمد ماتهظر معاي 
احمد : جيتي براك والله 
انا : هههه طيب نعمل ليك الفطور عشان تلحق وجريت طلعته دخلت الحمام سريع سريع وعملت الفطور 
احمد : طبعا النوم في غرفتي دا ليهو ضرايب بس ما هسي لمن اجيك بعدين 
انا : ههههه ظريف امشي شغل بس اصلا انا مامصدقه 
احمد : جيتيني براك 😉 
انا دي مافضل لي الا ادخل تحت الطربيزه 
انا : مع السلامه جيب لينا معاك عيش بعدين 
احمد : ههههههه طيب 

نشوف بحصل شنو 

سنعود قريبا 😍😍😍