قسمة ثم حب

4

تاني يوم البنات من الدغش معاي جوني الساعة سبعة ونص كنت لسع بشرب في الشاي
سلام صباح الخير
اريج : خالتو نوال كيف اصبحتو معليش يا خالتو كابسناكم من الصباح لكن قلنا يادوب نلحق
امي : معقولة ياخ تشرفو في اي وقت يا بناتي انتوا كيف والاهل ان شاء الله كلهم بخير
اريج : بخير والله بسلمو عليكم
وعد : جينا نخارج ليك العروس دي سريع سريع هههه
امي : هههههه اي ياخ طوالي نحنا زاتنا دايرين المخارجة دي
ابوي طالع من الغرفة ماشي علي العيادة
اهلييين بالشباب الليلة منورينا ياخ
جيتو لي العروس المستعجلة دي
حنان : صباح النور يا دكتور عبد الرحيم اي والله جينا قلنا نساعد وكدا ريم دي اختنا
ابوي : اوعك يا حنان تقولي لي يادكتور ياخ انا ذي ابوك ما بتقصرو والله ان شاء الله اهلكم كلهم بخير
كلهم : كلهم كويسين الحمدلله وطلع طبعا امي المسافة دي كبت شاي وعندنا بسكوت يانسون ظريف كدا جابتو وقعدنا وهي مشت تشوف التجهيزات
اما انا والبنات علي غرفتي طوالي
وعد : يخس عليك ياريم يجيك عريس ونحنا اخر من يعلم
انا: وعدي انتي عارفة انا عرفت اول امس بس الموضوع دا انا زاتوا خالعني انا لسع ما طلعت من الصدمة وامس كلمتكم حتي حنان كلمتها امس
اريج : يازولة انا امس اليوم كلو ما معاك في الشغل ما لك مافتحتي خشمك دا
انا : والله يا اريج كنت دايره احكي ليك لمن طارق جي وتاني عارفاني طلعت مستعجلة
حنان : هو انتوا جاين تشاكلو ولا تساعدو خلو حركاتكم دي
انا : والله معليش انتوا عارفني ما بخبي عنكم حاجة
اريج ووعد بي صوت واحد:شوفي الهبلة دي صدقت والله ولا زعلنا ولا شي بس قلنا نعمل ليك دراما
انا : الله يسامحكم ياخ 😓 عقدتوني عديل
وعد : معقولة نزعل العروس ياخ
انا : اها يا بنوت اشيروا علي
وعد : ريمو انتي متأكده دايره تتزوجي زواج تقليدي وشافني وشفتوا دا
اريج : هوي ياوعد انتي الحب دا قالوا بعد الزواج ماتقعدي تسوي البت ساي بعدين انتي عارفها ما ح تحب ولا ترتبط ف اطلعي من ابواب الحب دي وربنا يقدم الخير
حنان : ان شاء الله يا اريج بس ياريم ماتظلمي روحك بي زول مجهول واخدي وقتك واتعرفي عليهو
انا : استخرت انا ولو في قسمة بتبقي ان شاء الله وبتعرف علي في الفترة دي
وعد: تلاته شهور بسيطة وما واقعة لي لكن جايبك دبي دي واقعه لي شديد ياخ  😻💞
انا : اي فعلا بسيطة بس الظروف ان شاء الله خير بس لكن انا وانتي في دبي دي براها بالدنيا
حنان : قومي قدامي سريع دايره الناس تقول علينا شنو صحبتها تلاته ووحده متزوجه كمان وما جاهزة 😂 ارح قومي بس
اريج : اي يازولة ماف وقت العصر هسي بيجي عندنا مية حاجة من هسي اعرفي انوا انتي من اللحظة دي تحت يدنا نقول يمين تمشي يمين نقول شمال تمشي شمال
انا : حاضر يا استاذة
اريج : اول شي ح نشوف تلبسي شنو
حنان : انا دي خلوها علي وفعلا طوالي فتحت الدولاب وطلعت الفساتين وقالت لي اختاري
انا : الاسود اصلا جديد لبستو مرة وحده بس داير لي اكسسوارات
وعد : الاكسسوارات علي هسي بتصل علي سعيد يجيب لي هتشي تاني ناقصك شنو
انا : البسو بي شنو لكن كنت لابسة معاهو جزمة كبدية وطرحة دانتيل كبدي ينفعو
اريج : حنان طلعيهم
حنان : وووووواي ياريم جبتي الجزمة دي من وين يا خاينه دمار لكن
انا : ههههه صدفة والله اشتريتها زاتوا كان في العرس المشيت لي شندي تتذكري
حنان : دمار لكن والطرحة زاتها حلوة كدا الهدوم مرقت
وعد : ظابط يازولة كدا دي خطوه
اريج : شعرك علي ومكياجك علي وعد سريع وريني عدتك وين
انا : اي شي في الكمدينا انتوا الليلة ح تشتغلو في عربي وافرنجي 😂😂😎
حنان : دا كلامك هسي عشان الميك اب يظبك ليك بعدين لازم نعمل كم قناع كدا ونخلي الوش دا ينتعش
وعد : اي انتي يا حنان خبره انا بظبط ليها الحواجب والوش بعد اقنعتك وكدا
انا : انا اعمل شنو
اريج : انتي بس قومي اقعدي في الكرسي دا
حنان : انا ماشه المطبخ دايرين حاجة
اريج : اي جيبي بنابر عشان نقعد ليها سمح
وعد اتصلت علي سعيد وجاب الهتش وان شاء الله العلبة كلها فرشتها في السرير سوق ام دفسو بس 😂😂😂وعلي حظي في طقم خطير فيهو بي الكبدي والدهبي سلسل كبير ومعاهو حلق واسوره طقم دمار حجات دبي طبعا 😻
وانا طبعا الوش دا يطلعو البيض مع البن ويختو النشي مع الليمون و الوش بقي وردة ووعد واللمسة السحرية ظبطة لي حواجب لمن ما عرفت روحي ومافضل الا المكياج
وعد : اريج انتي اعملي ليها منكير وانا بمشي اساعد خالتو نوال في الفطور واشوف باقي التجهيزات
اريج : كبدي بي خطوط ذهبية حاجة بسيطة العلبة الاشتريناها من المول ديك وينا قاعده ولا اجيب حقتي
انا : هههههههه في الدولاب يختي ولا فتحتها
اريج : عارفك انا اشتريتها ساي بس
انا : يابت موضوعها طويل ياخ
اريج : 😹😹😹😹😹 جنس كسل
حنان : ريم اوعك بعد تعرسي تواصلي في الكسل دا بطلقوك يابت اوعك من البشتنة
انا : انتوا الليلة يومكم طبعا والله يا حنان ان شاء الله ح ابقي زولة نشيطة وعد مني ليك
وعد : اصلا هو