قسمة ثم حب

١٥

رجع من الصلاة 
انا : احمد صليت وين انت 
احمد : والله في الجامع والله ياريم 
انا : جيت جاري ولا شنو ههههه 
احمد : لا بس ما سلمت علي زول طوالي طلعت 
انا : ههه صحبك العيان كيف 
احمد : ماعندي صاحب عيان انتي لسع مصدقه صحبتك قالت لي انا وريم عاملين ليك مفاجئة عشان كدا قلت ليك احلي مفاجئة امس 
انا : الله يجازيك ياوعد شكيتك عندالله يابعيده يا تافه فضحتيني مع الراجل وطبعا سرحت مع النبز
احمد : بس شكلك ماعارفه كنتي 
انا : ماعارفة والله انا استغربت بس خليها تصبري لي احمد : الحصل ما عجبك وغمز لي 
انا : دايره ارجع السودان يا احمد
هو لمن ما قدر يرد علي انا ما بجبرك علي شي ما دايراهو اخدي راحتك ياريم و وبقي يتكلم اصلي ما فتحت خشمي خليتو ليك يتكلم عربي وافرنجي وبعد داك مت من الضحك ووقعت في الارض
انا : مشكلة المهندسين ديل الرص دا ترص الكلام طوب بس وتتوقع نسب من راسك وخخط من دون ما تعرف هسي القال ليك انا دايره ارجع السودان زعلانه منو قصدي اجازة اشتقت لي اهلي ودايره احضر عرس حنون صحبتي الجاب سريت علاقتنا شنو 
احمد : اصبري بس الليلة عشان تضحكي سمح واوريك الهندسة كويس 
انا : خلاص معليش والله اسفة 
احمد : انتي ما دام بتخافي بتتفاصحي لي .......... وكالعادة حنجر الشريط ونكتفي بحصل الحصل 
طبعا اليوم عدي و الاكل كنت عاملة احلي كبسة واكلنا وبعد الاكل جاهو تلفون وقال لي ضروري اطلع ومشي انا قعدت في البيت براي واخير بديت استوعب في الحاصل ومرات اتبسم ومرات اضحك وشوية ابكي المهم حالة هستيرية مبالغة قمت اتوضيت وصلت وبقيت اقرا قران خفت اجن لاعرفت روحي فرحانه ولا عرفت روحي زعلان بعد ما رجع قال لي بكره الصباح نمشي لي ناس مجدي مجدي دا صحبو متزوج بت عسل اسمها دلال وكانت ظريفه معاي وعمرنا قريب لي بعض وانبسط وفعلا مشينا وقدت مع دلال اليوم كلو واحمد ومجدي طلعو
دلال : ريم ماقادره امسك الكلام كلو كلو 
انا : كلام شنو 
دلال : احمد ومجدي ديل بعملو ليهم في حاجه لكن ماعرفتها شنو 
انا : عليك الله حاجه ذي شنو 
دلال : بري لكن ليهم كم يوم بتكلمو وكل مامجدي يشوفي بسكت وسألتو وقال ماف شي لكن اناة سمعت مجدي بتكلم معاهو لكن مافهمت عن موضوع 
انا : ياربي شنو 
دلال : بري لكن قلت اكلمك نخطط نعرف 
انا : يازولة طوالي كمان جابت ليها 
دلال : انا شاكه انوا مجدي داير يعرس فيني 
انا : ههههه دلال ماقدر دا 
دلال : انا سمعت تذاكر وسفر وحفلة واهل يعني شنو الكلام دا معناتو عرس العبارات دي ما بتجي مع بعض غير كدا 
انا : بتخيل ليك يا دلال ماتخوفيني ساي معاك احتمال احمد قال لي انوا نحنا مسافرين السودان نسلم علي الاهل 
دلال : لا لا يا ريم سمعت قال لي دولة اسيويه السودان في اسيا ياريم 
انا : دلال استغفري كدي وما تشككيني معاك ساي 
لكن ارح نتأكد كدي انا بحاول اشوف احمد الليلة دي 
دلال : طيب بس ماتخبي عني لو وراك ياريم 
انا : يابت ماف شي ماتعيشي الدور ساي 
واحمد ومجدي جو وبعدها انا واحمد رجعنا البيت وقبل ما نصل شقتنا احمد وقفني 
احمد عندي ليك مفاجئة ياريم بس اربطي الكرفته دي اول 
وربطه الكرفته في عيوني
انا : وصلنا 
احمد : قطر الحنه 
انا : وصلنا 
احمد : قطر الحنه 
انا : وصلنا
احمد : وصلنا 
انا : شلت الكرفته وفتحت ماف اي حاجة اتغيرت في البيت ياهو زاتوا وانا بقيت بفتش وبقي يضحك طبعا دموعي في طرف عيني زول في الدنيا دي بعمل مقلب كدا حرام علي ياخ
احمد : عايني كويس 
انا : قدر ما عاينه ماشفت شي
احمد: شايفة الشنط دي طبعا يا دوب انتبهت انوا في شنط سفر جنب الباب
انا :اي 
احمد : من مكانا دا ح نشيلم وطوالي علي سنغافورا انا طبعا اعجبكم في النطيط والسريخ وقت الفرح مع انوا سنغفورا دي ما بعرفها لكن تقولو شنو بس احمد: شهوش ح تلمي الجيران يابت واستوعبت انا بعمل في شنو وبراحة نزلت نزلت لاني حضنتوا ذي القرد بي يديني وكريعيني 😹😹😹 سنغافورا دي دولة رهيبة جنب ماليزيا جرانهم يعني بي نفس الرهابة واكتر وفعلا شال الشنط وطلعنا اصلا الساعة كانت عشرة والطيارة الاقلاع كان وحده بس قبل كدا مشينا المول واشترينا لينا كم حاجة كدا وشنطة سفر ودخلنا اي شي فيها فوضة شديد طبعا وعلي المطار طوالي 

نشوف البحصل في سنغافورا شنو