قسمة ثم حب

5

عدنا💃💃💃
طبعا الايام جارية جري وانا واحمد في تواصل بس كان كلاتي
احمد: صباح الخير
انا : صباح اانور
احمد: كيفك
انا : تمام التمام انت كيفك
احمد : تمام الحمدلله
وتاني الا تاني ونفس الموال ولو طول الحديث بكون عن الشغل ما اكتر كنت بحاول ابدا الكلام واامواضيع بس مافي امل كانت حاجة ما طبيعة حتي بديت افكر انوا اخلي الموضوع دا نهائي والغريبة ما حكيت لي اي زول بالبحصل حتي الثلاثي المرح ما قدرت احكي ليهم وفي نفس الوقت كانت التجهيزات ماشا والناس جهزة مشاعرها وكان فضل شهرين ومن دون مقدمات في يوم حافل بالحظ الشوم
اليوم كان صعب من البداية صحيت من النوم متأخره طلعت الشغل وحتي من دون الايام كان كتير وتىيج ماف واليوم كاتم وسخانه المهم الزول بحاول يتجاوز المواضيع دي علي قدر مايقدر خلصت الدوام طلعت ركبت العربية بس ان شاء الله حلفت ما تدور وطبعا ما ح افهم ليها اي شي نزلت عشان القي لي زول يشوف لي الحاصل شنو ان شاء الله تقول السزدان دا كلو غيري ماف وقفت قريب نص ساعة ولمن قنعت قلت خلاص اركب لي اي حاجة توصلني طلعت علي الشارع وماكانت المسافة بعده من الشركة واسانيت حافلة بري دي لمن قلبي وجعني طبعا ما وربتكم ساكنين بري جنب العرض نحنا 😹 المهم بعد تعب جات وحده وكرسي النص ودا اكتر كرسي بكرهو في حياتي قعدت علي امل زول يقوم واتحول من الكرسي المميت دا وطبعا ماف زول نزل 😰 استسلمت للامر الواقع واخير وصلت شارع بيتنا والحافلة قدر ما طقطقته ما وقفت نزلني بعد تلاته شوارع وما اتناقشت معاهو زاتوا نزلت بس وطرت البيت داخلة علي الصالة والحالة صعبة عيني ما تقع علي شهد وخالتو املل سلمت عليهم وانا كنت خلاص قافلة معاي وما كنت ح اطلع ليهم زاتوا بس الجبر استحمبت سريع سريع ولبست لي فستان بيت كدا وطلعت قعدت معاهم
خالتو امل : مشتاقين يا ريو ياخ اخبارك وصحتك
انا : بالاكتر يا خالتو تمام والله كيفكم كلكم وعمو كمال كيف وانتي ياشهد ابوكم كيف والاولاد ومشتاقييين والله
شهد : بالاكتر والله كلهم بخير ويسلمو عليك
خالتو امل : معليش شكلك تعبانة من الشغل
انا : لا عادي اصلو التعب دا لازم بس الليلة اليوم صعب شوية
امي : الحصل شنو ان شاء الله الليلة اتأخرتي
انا : العربية ما اشتغلت وكمان ما لقيت مواصلات الا بعد ساعة عديل
شهد : يحليلك ياريم والله تعبانة بس بعد دا خلاص تانب ترتاحي ماف ليك سغل
خالتو امل : اي يابتي احمد قال جاي نهاية الشهر دا وتعملو العرس بدايت الشهر الجاي عشان ما ادهو تلاته شهور والله وانا من قبل مع امك بدينا تجهيزات العرس ونحنا جبنا الحجات كلها
امي : ما مشكلة يا امل خير البر عاجلة والفتره دي بتكفي ودي ظرف ما مشكلة
انا : طبعا خشمي دا مافتحتو
امي طبعا حاولت تلطف الجو وهم زاتهم قعد شوية كدا وطلعو
انا : امي لي وافقتي الزمن دا ما ضيق كدا هسي الزول يعمل شنو ويخلي شنو
امي : الظروف ياريم ياحبيبه هم زاتهم متحسسين بس نعمل شنو الود قال كدا
انا : انا ما كلمني حتي ومابينا تواصل يا امي زاتوا وانا احترت
امي : ضغط الشغل ياريم بعدين مامعرف الحاصل لي شنو في الغربة دي ما تضايقي ساي
المهم هسي بضرب لي خالاتك وعماتك وانتي كلمي صحباتك تلاته اسابع فضل ليك
انا : حاضر يا امي الله يهون بس
اتصلت علي البنات وحكيت ليهم وحنان طوالي جات مت امها العصر واصرو اتحبس عندهم وشلت وفعلا رحلت عند حنان وعملنا معسكر مع البنات عديل
وبقينا ميتين موت مع الجري والتجهيز والحبسة الطلعوا بها عيني وسمنت طبعا 😂 وبقيت حلاتي واللون فتح والحكاية ظابطه شديد بس مع الجوطة دي كلها ما كنت بتكلم مع احمد نهائي الوضع بقي اكعب من الاول ومع الجري حق السوق والتعب وكدا حتي محاولاتي الكنت بعملها عشان اتكلم معاهو ومافي زول لاحظ لب الحاجه دي التلاته اسابع مرة ذي التلاته يوم بس الحمدلله كنا مخلصين اي حاجة وهو ما نجي السودان الا قبل العرس بي تلاته يوم 💔 وقالو لينا مالقي حجز طبعا انا قلبي ماطمني وحسيت انوا في شي غلط لكن الشعور دا في المرحلة دي لا بقدم لابأخر لانو كانت مرحلة مابعدها تراجع وجهزت نفسي لي الاسواء بس في نفس الوقت ما كنت حابه اصدق وعشت دور العروس المحظوظة ديل وما خليت زول يحس انوا في شي غلط بحصل ما اتصل نهائيوهو في السودان وحتي رسلت لي بعد ما شلت الرغم من شهد وكمان مارد وبقيت اكذب علي نفسي انوا دي حاجة عادية وحيكون مشغول للعرس وكدا وسكت علي كدا
قبل العرس بيومين
طبعا في بيت حنون رقيص وغنا وسهر وتجهيز وكان كلو تمام وعملنا حفلة بنات ودي فكره جديده حفلة بنات بس قبل الحنة ما كان فيها حتي النسوان الكبار ديل كان عندهم برنامج براهم في بيتنا ونحنا في بيت حنان و جو صحباتي الفي الجامعة وبنات الحلة وهلو المجرة 👭👭👭👭👭👭👭👭👭وكانت اغاني دلوكة وكدا يعني والناس اخدت راحتها وحتي بالعصر الحفلة والناس مشت ذي المغرب كدا فاض بي قمت حكيت لي وعد وقالت لي يكون داير يعمل ليك مفاجئة او ظروف بكون مشغول مع تجهي

زات العرس ماتقلقي وانا اصلا كنت دايره زول يطمني حتي لو بااكذب
يوم الخميس الصباح كانت حنتي لبست توب برتقالي خرافي والحنة كان حاجة تجنن ومشيت الكوفير من الصباح واتظبطه وعملوا لي احلي ميك اب وصحباتي كانوا لابسين تياب طبعا وكان منظرهم عجيب😍😍😍😍 كانت حنة بسيطة شديد والفنانه ابدعت وحتينهاو حت وكنت قدر ما اقعد وعد تقول لي قومي ارقصي العرس ما ح ترقصي كويس كملي هسي كلو الكلام دا عن تجربة شخصية واهل احمد مبسوطين شديد وعجبتهم وعزموا البنات والناس لي حنة احمد الاخيره بليل عشان حنتي كانت بالعصر  🙀😻 واختوا شهوده قالت لي انتي طبعا ما معزومة الا العرس تاني
و المغرب مشت الحفلة امي وحنان ووعد وكم زول كدا وقعدت معاي اريج وعمتي عشان نظبط باقي الامور ونهائي يا احمد ولاعبرتني حكيت لي عمتي طوالي قعت تقول لي خجلان وكلام كدا وصراحة بقيت احس انوا الوضع طبيعي وحسيت روحي مكبره الموضوع و بقيت حارسة الناس تجي من الحفلة وكدا 🙈😒 والشمار كاتلني قمت واتعشيت واريج تشيل وتقول لي وعد قالت ليك اكلي كويس تاني مابتلقي طريقة تاكي كويس قلت ليها وعد والوصاية العشره وقاعدين كدا بس جو من الحنة بدون ما اشعر قلت ليهم اها قالوا لي ابردي حنان تشيل وتقول لي بختك بختك بختك راجلك راجل السرور ووعد قالت لي دا يختي عرس لقطة الله اداك بس ووروني الصور وامي جات قالت لي ربنا يسعدك يابتي عريس الهنا وانا دي الفرحة دايره تشقني 😍😍 نسيت الحقيقة المخوفاني دي وعشت الدور

يحصل شنو يوم العرس واحمد مالو حنعرف
سنعود قريبا