قسمة ثم حب

١٩

الصباح الباهي لونو اليوم التاريخي 
انا : حناااااان قومي يابت الوقت 
حنان : ريم انا امس مانمت خليني شويه بس 
انا : يابت قومي ياخ الايام دي ماف نوم ههههه 
حنان : ريم شويه بس 
اتا : اقعدي خلي وعد تجيك هههه 
حنان : لا قمت والله
انا : تخافي ارح الشاي جاهز ادخلي الحمام سريع سريع قبل ماوعد تجي 
حنان : طيب امري لي الله 
انا : امي انتي طالعه هسي 
امي : اي طالعه مع خالاتك ديل جاين بعد شويه وابوك الليلة ماراجع 
انا : اي خلاص انا طالعه مع اريج بعد حنان وووعد ح انتظر احمد الحفلة ح نجي نسوقك نمشي سوا 
امي : بري ما ماشا معاكم ماشا بي باص السيره ههه
انا : لي يا امي ورح معانا 
امي : لا لا راجل ومرتو البدخلني في نصكم شنو 
انا : اجي يا امي 😱😨
امي : لا ما تجي ح امشي مع نسوان الحله وانتي امشي مع راجلك 
انا : خلاص كويس لكن نرجع سوا 
امي : نشوف كدي
وامي طلعت وانا حنان قعدنا نشرب في الشاي وكان في جردك فطير العرس 😍😍😍 بنشرب كدا وعد جات طبعا خمسة دقايق بس طلعو وكان راجلها منتظرهم وفي بنات من اهل حنان ماشين الكوفير وكدا 
فضلت انا منتظره احمد وقاعده في الغرفة وماجايبه خبر كنت بعاين لي التوب ساي عجبني عجيب بس سمعت الباب جريت جري لقيت اريج واقفه وصاره وشها 
اريج : نايمه في اضانك انتي انا من قبل بدق قربت ارجع 
انا : هو مالك مابتعرفي الجرس 
اريج: ما عندكم 😒
انا : عندنا هههه 
اريج : يوم واحد شفتك دقيتي جرس مافة
انا : معليش يا روجي 😍😍
اريج : ههههه لا قولي زوجي احسن 
انا :واي مبالغة دي ماعربتو 
اريج : جبنا سرت القط ......... 
انا : يا حقار
احمد : سلام كيف اصبحتو 
انا : تمام التمام 
اريج : بخير الحمدلله 
احمد : اها طالعين هسي ولا كيف 
انا : لا شويه كدا 
ودخلنا انا واريج في القرفه وهو قعد في الصاله 
اريج : ريم خمي حجاتك سريع سريع ارح لانو الكوفير زحمة 
انا: انا ما عندي حاجه والله لكن اعمل قهوة ونشربها ونطلع 
اريج : تمام 
شربنا قهوتنا ديك وطلعنا وصلنا اريج نزلت وانا قاعده وهي ولا استنتي 
احمد : يا انزلي ههههههههه 
انا : غيتو 😞
احمد : برسل ليك واتس عارفك عندك موضوع ههه 
انا : خلاص كويس 😍 
دخلنا الكوفير وتقول نحنا زاتنا عرايس انا وعد دي من كلو ماخلينا شي واريج تشيل وتضحك فينا بس طلعنا نجوم ماف طريقه نقول قمرات عشان العروس 😂😂 
وحنان طلعت قمر والقمر زاتوا شين ياخ 
ومشينا اتصورنا 
نوصف ليكم 😍 توبي الاسود الخطير دا ومشفول بالاسود ودهبي بسيط ومكياج بسيط والروج احمر بس ما صارح خليت الكبدي 😢 والشعر ولا سبيبه بره 😂😂 وعد توب مشكل ولا بقولو شنو المهم في الوان فرايحيه ولمعه دماريه كدا والمكياج برضو حاجه بسيطه والشعر ولا شعره جوه واريج المسكينه ماف توب ياناس لابسه فستان يخلي الزول يغمض ويفاح وتاني يغمض ويفتح 😍😍 ومعاهو اكسسروارات فضية وكان لونو ازرق ملكي وعملت شعرها حاجه كدا بس اصلي مافهمتها اما العروس فستان اوف وايت وتسريحة بتاج و مكياج عند شهد عدلان والاسم براهو يعبر عن الرهابه 😍😍😍 
طلعنا من الكوفيرر
لقيت ليك احمد لابس بنطلون رمادي بي قميص اسود ياخ انا لمن رجلي اتلوت واتكعوجت لمن قربت اقع علي وشي ولا جبت خبر حنان ولا تاني 
احمد : ماشين استديو وين هم 
اظن اخدت تلاته دقايق عشان اجمع وارد 
انا : استديو __ كدا غلبني اسم استديو والله 
مشينا اتصورنا مع العروس وكدا وانا واحمد اتصورنا برانا نظام القشره دي حرام تروح بدون توثيق اظرف شي اوت دور زاتوا اتصورنا الناس لمن احتار زاتوا 
ومشبنا الصاله ٩:٣٠ طبعا الناس لا عرفت تعاين لي العروس ولا تعاين لي صحباتها ورجالهم 😳😉 
انا : احمد ممكن ارقص ،نظام البت مسكينه وكدا 
احمد : قومي ارح لكن ماتقول لي فترت ارح نقعد هه اصلا في عرسنا مارقصنا 😉
لقيتو ليك افظع مني رقصنا كدا لمن قلنا بس كان اليوم ظريف شديد والعرس بس ما اتعشينا 😂😂 انتهي 💔😖 
وودعنا صحبتنا والبكي والحال 
واي زول بعد دا مفروض يشوف بيتو 

انا : احمد ما انا جيعانه 
احمد : نشيل كيك وبارك من اي ظكان 
انا : لا والله توديني مطعم ناكل مادايره بارد وكيك 
احمد: ههه حاضر نفتش لكن الله يعلم نلقي 
انا : بنلقي 
وفتشنا لينا مطعم فاتح في الليل دا ولقينا واحد خلاص هم زاتم دايرين يقفلو 😂😂
شلنا كبسه بالليل دا 
احمد : الليلة الا تاكلي كلو الاكل دا 
انا : هههه حرام عليك 
احمد : يازولة نكملو بس 
وقنا العربية في الشارع بالجنبه واكلنا وشربنا ببسي 😍
ورجعني البيت لقيت ليك امي قاعده 
امي : عاد انتي وراجلك مابسألكم نهائي ههه
انا : هههه انا زاتي اتخلعت والله 
امي: اتحصنو يابتي الناس دي كلها تعلق 
انا : حاضر يا امي تصبحي علي خير
امي : وانتي من اهلو

نشوف بحصل شنو تاني

سنعود قريبا 😍