قسمة ثم حب

١٦

ركبنا الطيارة واحمد قال لي ح اديك معلومات بسيطة عن البلد دي قلت لي اتفضل يا حضرت المرشد السياحي 
احمد : اولا البلد حلوه شديد بس حكومتهم صعبة شديد يعني لو بتتعاطي مخدرات اعرفي انوا حتنسجني الي ما لا نهاية 
انا : ههههههه انا بس بشرب بنقو ما حاجه خطيره 
احمد : يابت ماتجيبي لينا الهوا والله يجدعونا في البحر دا وفي حاجة ضرورية فتشي شنطتك كويس اذا في لبانه واحد في الشنطة اجدعيها لانوا اللبان ممنوع والغرامة كبيره شديد 
انا : حتي اللبان مبالغة لكن ديل مالم 
احمد: انتي سمعتي شي ديل لو تفيتي في الشارع ساي الله قال بيقولك ههههههه
انا : ما شافو السودان الواطة كلها تفاف وصعود وقرف 🙀 محتاجين قوانينهم دي نحنا 
وبنتكلم في الموضوع كدا المضيفة جابت لينا كتيب فيهو قوانين قام احمد قال لي شفتي الادب كيف ارح نقرا وقرينا حجات كدا مبالغ فيها ياخ لو جدعة ورقة في الارض دي بحاسبوك وبقينا نشيل ونقرا ونعلق الرحلة كلها كدا واحلي شي كان الجو حق الدرجة الاولة فلاي دبي انا دي لمن شكيت انوا فندق فخامة كدا لمن مبالغة وما خلينا حاجة وانا احمد اي شي جربناهو علي اساس قروشنا وكدا 😹😹 
واي شي ممكن يتشال شلناهو 😉
جنبا وحده امريكيه كدا تعاين ساي 
يمن ولا اشتغلنا بيها 😹😹
من دون مقدمات اتذكرت اول مره ركبت الطياره مع احمد وبقيت اضحك 
احمد : مالك 😱
انا : تتذكر اول مره ومحنا ماشين دبي 
احمد : هههههه رغم اني كنت كارهك بس ضحكت اليوم داك ضحك 
انا : لي 
احمد : كنتي بتاكلي اكل مانصاح 
انا : جيعانه لكن الاكلني منو 
وبقينا نتذكر ونضحك سبحان الله مواقف في لحظتها قمة الالم وبعد زمن تبقي اسباب للضحك 😍
الطيارة نزلت وفعلا من المطار انبهرت بلد نضيفة وسمحة وبقيت اقول لي احمد ياخ ليهم حق لكن بلد ذي الحلم ياخ تقول بتبقي لي دبي مستواهم واحد 😻بس طوالي جتنا عربية فخمة كدا واحمد قال لي الليلة حننزل في فندق وبكرة حنمشي الجزيرة انا بقيت عندي صدمة حضارية ما عرفة اعاين لي شنو واخلي شنو المهم وصلنا الفندق ودا كمان حاجة تانية مكان تتمني عمرك كلو يحبسوك في 
ومشينا غرفتنا انا لا عرفتها غرفة لا حديقة فيها شجر وحوض اسماك كبير والسرير قدر غرفتنا والعجب الحمام صالة عديل 

انا : احمد دا سويت موش 
احمد : هههه دي سنقل روم 
انا : كذاب والله 
احمد : سويت دا قدر الغرفة دي اربعه مرات 😳
انا : احمد انت دا شنو 
احمد : وينو انا راسي ضرب زاتوا هههههه 
انا : الشلال 
احمد : نافوره ياريم الله يفضحك ههههههه 
انا : انا ساحه انوا الغرفة دي ماحقيقية 
احمد : مابراك ارح نرتاح حبه ونقوم نفهم
ونمنا و كانت احلي نومة في حياتي ياخ السرير دا ما حسيت بي من النعومة والراحة والصباح صحينا وصلينا وجانا الفطور الماخمج فطور اكبر من فطور عرسنا شي عرفناهو وشي ماعرفناهو طاولة كلها حجات قال خفيفة للفطور اتذكر كان فيها تلاته انواع عسل سلة فواكه يعلم الله قدر تربيزت احمد.سيد الخدار وخمسه انواع جبنه ونوعين عيس وسمك وزيتون تلاته انواع ومربه وحجات كدا المهم اكلنا ونزلنا طوالي مشينا جزيرة اسمها سنتوسا المكان دا لو فقدت الذاكره ما ح انساهو جنة بس ورحلنا في منتجع وكانت البيوت علي الشاطي وهي بيوت خشبية علي شكل قطاطي 😻 المهم القطيه دي فيها غرفة وحمام وحوض سباحه صغنوني كدا وكل الحاجات دي خشب والاكل كلو بحري عندهم ومساج يومي ذي الاكل والشراب الموضوع دا طلع طبعا شبعت سمك وبليل عندهم جلسة علي ضوء الشموع فقط وفيها فنانين شعبين ومشاوي ونحنا انسحبنا نكمل سهرتنا برانا طبيعا ماف تفاصيل مع الهواءالبارد وقعدنا اسبوعين ولا اروع من حديقة طيور دي عبارة عن طيور بس لي حديقة زهور لي حديقة حيوانات لي غوص وسباحة وصيد سمك وعملنا حجات كتيره لو حكيت ليكم الرواية دي ما بتنتهي 😹😹 عايش الدور طبعا انا 😂😂😂 بس اهم حاجة واخطر شي قبل ما نرجع قال لي الا نطلع. الساقية دي لمن شفت الساقية انا قلبي قرب يقيف اسمها عجلة سنغافورا الدواره او سنغافورا فلاير ارتفاعها ١٦٥ متر قربت اموت فيها و احمد دا تقول لسانو اتقطع فيها و احساس مبالغة وبكيت وماخليت شي ماعملتوا وطبع
انا : انا شكلي ح اموت 
احمد: في زول داير يموت بقول داير اموت 
انا : والله راسي لافي 
احمد : انا شايفك تلاته تلاته 
انا : ارح نشوف لينا مكان نقعد في اي مكان 
احمد الاسبوعين ديل شغال مصور 😹 طبعا الصور دي ح يزلني بيها حياتنا كلها وتاني يوم كنا راجعين بس المفاجئة انوا راجعين السودان ما دبي 
نشوف البحصل شنو

سنعود قريبا