قسمة ثم حب

6

العرس 😻😻
قمت ليك الصباح بدري صليت وقريت قران وبين حالتين مبسوطة وما مبسوطة قاموا لقوني ليك صاحية و طوالي سريع سريع شربنا الشاي والبيت كان ملان واللمة حلوه ياخ الزول يتمني يقعد الناس بتونسو ويستمتعو بالعرس دا اكتر من العروس وفي عز البهجة ديك وما كنت ح اقوم وطوالي خالتي قالت لينا علي الكوفير بعد دا مافي زمن فعلا طلعنا انا ووعد وخالتي ونون العروس بت خالتي قالو عشان تكشف وكدا 😂😂 لانو عرساها قرب وصلنا الكوفير وبدينا المعركة قعدت لمن قلت بس مكياج وشعر وجرجة وكان كلاتي مكياج خفيف ولبست توب حرير مورد لونيو وردي حاجه نهارية كدا ورجعت طبعا البيت عشان العقد بعد صلاة الجمعة والعزومة فطور والناس ح تجي وكدا وصحباتي كانو لابسين فساتين بي البيج وكانوا دمار 😍😍
رجعنا البيت والناس عقدوا في الجامع وجاتني رسالة من احمد فيها مبروك انا اتخلعت معقولة مبروك بس دا مالوا دا 😔😖بس كانت بالنسبة بصيص امل
بس ابوي جاني وبارك لي وقال لي بقيتي مرة راجل بس دا ما بطلعك من مسئوليتي الود دا لو زعلك بس كلميني ووصاني علي بيتي الجديد والناس بعدها بقت تبارك واحلي شي في العرس دا الشفع ياخ يقعدو يعاينو ليك ويقعدو جنبك يدوك احساس انوا انتي ماحقيقية ومن ارض الخيال والناس البتتصور للذكره ديل ظريفين شديد المهم اليوم دا احساس العظمة بتملكك وطبعا قعدت مع الناس حبه وطوالي الكوفير الدور التاني لازم ندبل 😹 والمره دي كلو مضاعف قعده مضاعفة ومكياج مضاعف واي شي دبل هههههه حتي المشو معاي دبل واتجرجرنا كدا لين الساعة سبعة ونص بالضبط كان كلو من مجاميعو حتي البنات كلهم جاهزين وبقينا منتظرين العريس ومع الفرحة نسيت الموضوع وما فكرت انوا ممكن يقصد يجي متأخر او مايجي خلونا منو نوصف ليكم الفستان كيف كان فستاني بسيط دانتيل ومنفوش والشعر ماف ولا سبيبة بره 😂😂😂والمكياج ما خفيف وما تقيل وحلفت الا روج كبدي ولا ما طالعة لو ماعملو لي الروج كبديييييي لانو الكبدي دا عشقي الاساسي وطلعت قمر السما 🙈😍وجاني ورد احمر هدية وقطع قلبي قربت اكلو لانو والحمدلله ماشفت غدا بي عيني  🌸 تسعة ونص كدا قالو احمد بره تخيلو تسعة ونص يعني عديل نص العرس فات وما كدا بس مفروض نتصور كمان وطلعنا لي التصوير واكعب من دا كلو احمد قال لي المصور معاها لقطة وحده بس والباقي هي وصحباتها وبراها انا ما بنفع معاي الفلاش انا دي قربت ادوخ من الصدمة وبرضو مشيت الحدث عادي وطلعنا من الاستديو عشره علي بال ما وصلنا الصالة كانت عشره ونص كان سايق هو طبعا وماشي بي اقل سرعة وطول الطريق نهائي ما اتكلم معاي ونزلنا الصالة ورقصنا دقيقتين و قعدنا وتاني نهائي ماقمنا الحفلة رابه طبعا دي ااختمة الاخيره ديل والفنان غناي والناس دي ترقص ساي وانا دي الزعل داير يقتلني من تصرفات احمد بس الحفلة انتهت مافهمت اي شي غيتو وطلعنا بيتنا الجرتق وكدا ولبست توب احمر رهيب واجرتقنا وامي دي تبكي ساي وصحباتي ودعوني وبكيت انا اصلا العبرة خانقاني ولقيت طريقة وابوي قال ليهم خلوها تمشي بعد دا وودعني وقال لي ذي ما وصيتك وباس راسي 😍 ركبت العربية وماشين عادي قلت لي انا جيعانه ولا رد علي بس وقف في بقالة جاب لي كيك وبارد وقال لي امسكي ديل ماف غير ديل لمن نصل الفندق تتعشي  😔 اكلت كيكتي ديك وسكته وصلنا الفندق وطلب عشا وقال لي انا ما داير 😒اكلي انتي براك وطلع من الغرفة ولا كذبته اكلت واستحميت ورقدت
نرجع بالاحداث لي الحصل بالضبط مع احمد وسبب التصرفات دي شنو
احمد اتصل علي واحد صحبو من ايام الجامعة
وحكي لي وقال انوا خطب ريم عبد الرحيم
نشوف الحوار
الصاحب : ريم عبد الرحيم ادارية ماتكون بس
احمد : اي ياها زاتها بس بتعرفها من وين
الصاحب : والله انت داقس ساي دي كان حبيبة حسام ياخ
احمد : دفعتنا الواحد دا انت متأكد
الصاحب : متأكد شنو ياخ حبيبتو وحتي لمن عرس ما اظن خلاها لانو مامكن ياخ ما ارتبطت بعدو واخبارها كلها عندو كان بنكر انوا متواصل معاها بس علي منو ماعلينا الكلام دا
وقعتك شينة يا احمد لكن لو خطوبة بس احسن ترفع يدك من هسي
احمد : ماف طريقة انا اديتهم كلمة مابرجع منها بس ما برحمها الي اسود عيشتها
الصاحب : انت ماقلت لي بتعرفها من وين
احمد : مره شفتها في الطايف مع صحباتها في مطعم وسلمنا عليهم انا وحسام وقال لي دي بت جيرانا
الصاحب : وصدقت انت ههههه صاح كانت بت جيرانهم بس هي اكتر من كدا الله يعينك ياخ بس نصيحة البت دي مابتنفع معاك خليها وانتهي الحوار
نرجع لي احمد في العربية قراش الفندق
انا الوقعني الوقعة دي شنو والله حقو الزول يكتلها لا بتخجل لا بتخاف الله لكن الا اطلع عينها بعد داك اطلقها وحسام الخاين الا اخلي يندم عرىو كلو علي العملو فيني يقول لي مابتلقي احن منها وكمان جي العرس كانو ما حاصل شي والله ما اخليهم ونام علي كدا والصباح جا لقلني نايمه طوالي جرا مني البطانية قال لي قومي سريع انا اتخلعت منو وكان صاري تقول كاتله لي زول انا من الصدمة