قسمة ثم حب

١٢

رجع من الشغل معاهو صحبو مرت صحبو انا زاتي لمن ما زحيت من الباب سريع احمد دا لمن بقي يعاين لي مسافه 
انا : اهلا وسهلا اتفضلو يا مرحب الوقفه القبل شويه دي طبعا بتذكر في شي مجدوع ولا لا والحمدلله ربنا ستر من دون الايام البيت ذي الفل ولمن مبخرهو كمان 😻 
الضيف طبعا لازم نعرفكم
الصاحب اسمو محمد ومرتو اسمها مروة 

قعدتهم في الصاله ومشيت جبت المويه والعصي وكنت عاملة لي خبيز رهيييب 
مروة : واي ياريم الناعم عندك 
انا : تسلمي دا ذوقك الحلو
محمد : ان شاء اهلك كلهم كويسين واموكم تمام 
انا : الحمدلله في نعمه والله 
محمد : طبعا انا صاحب احمد دا من الثانوي يازولة الليلة بفتو ليك كلو 
انا : طوالي 😎😎 انا اصلا ما لاقي في فرصىة 
احمد : اوعك والله اطردك انت ومرتك يا محمد 
مروة : سجمي انا زاتي تطردني معاهو 
انا : هههههه قول ساي ما يهددك انتوا ضيوفي انا دي 
محمد : هههههه ياستي ايام الثاتدنوي دي صياعة تقيلة احمد دا كان بعرف ليك نص بنات المدرسة الجنبنا بس شغال بي الحيطه كان عندنا مجره بتاع مويه في الحيطه كدا وخاتين في طوبه بس دا كان صندوق البريد حقنا 
انا : يا سلام يا احمد ياسلام 
احمد : ما دام قلت كدا يا محمد انا زاتي بفتك 
مروة : اي بس كدا تعادل 
محمد : يازول هي انا كنت بعمل شيى
انا : كدي اقول ليكم حاجه 
احمد : اها 
انا : بالدور محمد يحكي لي واحمد يحكي لي مروة ولا ما كدا يا مروة 
مروة : ظابط يا زولة 
والونسة جرت طبعا دا يحكي وكدا يحكي وانا مروه متنا بالضحك والوقت اتأخر شديد ومشو قريب الساعة اتين عديل وانا كنت خلاص منتهيه 
احمد : اها الليلة النوم وين 
انا : انت يا رميساء واسماء وميعاد ولمياء وعلياء اسكت ساي بس بس تعال نسألك ميعاد دي مالا ذي الكلمة الشاذه كان تخليهم كلهم نهايتهم وحده تصبح علي خير 
احمد : هههههه وانتي من اهلو 
تاني يوم الصباح الساعة تسعة ما صحي مشيت قلت احتمال تعبان من سهر امس ماقدر يقوم امشي اشوفو و مشيت الغرفة وكان نايم ملاك بس اترددت اصحي ولا اخلي يقوم براهو وبقيت اتفرج في الغرفة صورة ليهو صغير شدتني شديد وكان حلاتو وبقيت اقول وحلاتي وشلت الصورة واعاين ليها وذي اي بت بتحب تبوس الشفع بست الصوره وعلي عوارتي لا مرة لا مرتين بس ما اسمع ليك الا الزول بقول لي الاصل وراك تبوسي في الصور مالك بس راسي ورم 😂😂😂عديل و جدعت الصورة والاطار انكسر ودايره اجري طلعت في القزاز وجرحت رجلي ووجعتني شديد ودموعي ديل دوش بس عشرة عشرة وقعدت في الارض وهو شاكلني وقال لي حرامية انتي يعني شنو لو دخلتي غرفتي ولا شفتي صوري بتخافي مني لي وانا بس الخجل والالم سكتني في نفس الوقت وهو نسي انوا انا ما جربت الا عشان كلامو العجيب دا 😻 وشالني وربط رجلي 
احمد : انتي الشلاقه ليك شنو 
انا : انا عملت شنو 
احمد : كسرتي الصوره 
انا : بي سببك انت هجمتني لكن
احمد : هسي يقولو علينا شنو 
انا : ناس منو 
احمد : جايننا ناس مهمين مفاجئة 
انا : بي فضول غريب_ شنو المفاجئة وناس منوو ؟
احمد : بس خايف يقولو انا قاعد اضربك 
انا : مافهماااك ناس ارشاد اسري يعني 
احمد : لافه رجلك هههههه اي ارشاد اسري 
انا : لي شنو 
احمد : عان دي صدقتي 
انا : اي 
احمد : صحبتك جايه بعد شويه ياخ 
انا : صحبتي منو 
احمد : وعوده بتدلعيها كيف ههههه اتصلت علي قلت ح تجيك الليلة وحتقعد معاك اسبوع 
من دون ما اشعر نطيت وحضتنو ودي من عاداتي الكنت بعملها لي ابوي كل ما انبسط 😻 وشوي كدا استوعبت عملتي 
احمد : بركاتك ياوعد 
انا : لازم ارتب البت واعمل كم حاجة قبل ما صحبتي تجي 
الساعة خمسة طلع يجيب وعد وانا منتظره وفي الوقت دا كنت ح اموت واشوف صحبتي عمري وسندي والاشتقت ليها وبفكر في الظروف وكيف انا وهي اتزوجنا ومشينا نفس البلد وحياتنا اتغيرت وكيف شفقنا علي العرس وكلامنا عن البوره وكل ما نسمع بت عرست بنعمل حداد علي قطرنا الاتقلب وكنا بنلبس عبيات اليوم البعد الخبر الصادم 😹😹😹 وانا بفكر كدا الباب فتح وجرت علي وجريت عليها وبكينا واحمد يحضر في الفلم ساي وبقينا نضحك وبراحة قالت لي براح اختك حامل وانا بقيت اصرخ من الفرحة ودخلنا لي جوه واحمد قال طالع وبرجع بليل وطلع 
انا :من متين حامل يابت ولي ما وريتيني انا يومي بتكلم معاك بالواتس
وعد : دا شمار واتس كمان دا الا تسمعي عديل وضحكت 
انا : واطية عشان كدا بعتيني ههههه وابيتي تجيني من السودان 
وعد : اي كيف ياخ ابيعك بيعه انا عندي كم بيبي وكم راجل 😹😹😹
انا: ليك كم شهر ؟😻😻
وعد : تلاته واسبوع و وعشرين ساعة وكم دقيقة وانتي يافرده ماف حاجة كدا ولا كدا 
انا : اسكتي ساي وقومي معاي 
وعد : الخجل دا يوم بكتلك هسي انا قلت ليك شي تسكتيني عشانو 
انا : هههههههه يابت ارح اورك دا بس
وعد : قمتي لي حركاتك دي ورح خلاص خليتك 
انا : شلت الشنط وعلي غرفتي طبعا ووعد وراي ودخلنا الغرفة
وعد : سجمي انت قاعده هنا 
انا : مشكلتك عدم الصبر اقول ليك ورح تقول لي حركات م وما حركات 
وعد : ماقل

ت لي سامحتو وما بعرف يابت انتي مجنونه قربتي تتمي سنه وقاعده في غرفة وهو في غرفة وهو ساكت ساي والناس حارسين عماركم ياريم بتبالغي لكن 
انا : كدي اقعدي نتفاهم اخدي نفس كدي انتي جيتي متين 
وعد : ريم ماتكوني زولة بارده كدا ياسجم بعرس فيك وبيتك بتخرب بشلبوك يا هبلة ذي احمد دا ما بخلو ليك وتعالي هنا انتي اديتيهو فرصة وسامحتي علي شنو طيب 
انا : وعد ابردي الموضوع دا بنتكلم في بي راحتنا بليل هسي كدي اهدي واحمد حيجي ولازم اجهز لي الاكل وانتي قومي ارتاحي وبدلي .
وعد : كويس نشوف لي بعدين لكن الليلة القصة دي لازم تنحسم فاهمة 
وخليت وعد تتشهود وطلعت علي المطبخ وخفت صراحة من الكلام حق وعد وبقيت افكر بس بعد ساعة كدا احمد جاني المطبخ وقال لي جيبي لي العشاء في غرفتي وجهزت الاكل وعلي غرفتو وقال لي اخدي راحتك مع صحبتك انا تاني ماطالع من الغرفة وكان مبسوط شديد وقلت لي حاضر قبل ما اطلع قال لي منظرك قبيل عمري ما حانساهو قرده بس وقلت لي ربنا يخليك لي طلعت من خشمي كيف ماعارفة لكن كلام وعد مفعولو بدا يظهر وطعلت من الغرفة ومشيت لي وعد واتعشينا ومسكتني تاني لي الموضوع واخر شي قالت لي الليلة اخر ليك يوم في الغرفة دي وانا بس كنت في صدمة تقول اتفقت مع احمد و قالت لي ماعشانك بس عشان مانعملها واضحة ما ح تتحنني بكره وتتدخني لكن الايام جايه اصبري لي ياريم 
احلي حاجة في وعوده انها الصحبة الواضحة الصريحة وما بتلف وتدور وبتسعي لي مصلحتك حتي لو غصبا عنك ونمنا علي الكلام دا وانا ما قدرت ارفض 

نشوف بحصل شنو في الايام الجاية دي

سنعود قريبا 😍😍😍