قسمة ثم حب

7

دخل الشنط هو وصحبو وطلع واسبوعين ما رجع
الاسبوع الاول كنت ببكي واتحسر علي نفسي بس كنت برجع استغفر واقرا قران كنت عارفه انوا ربنا ح يفرج علي مهما ضاقت المشكلة ماف زول اتصل علي 😂😂 علي احساس عروس وكدا كان اسوء اسبوع في حياتي وبعدها قررت احكي لي زول عن الحاصل لي لانو ويشوف لي حل اتصلت علي حنون
حنان : وين با العروس شنو يعني تجافينا
انا : حنان ركذي معاي كويس وماتكلمي اي زول بالموضوع دا وخاصة امي
حنان : في شنو ياريم خوفتيني
انا انا في دبي والاسبوع دا كلو من محبوسة في شقة واحمد مافي واحمد بعاملني كعب شديد وماعرفة الحاصل شنو بس احتمال كبير يكون مريض نفسي اانوا والاه قدر ماحاولت القي مبررلي التصرفات حقتو مافهمت انا هسي اتصلعت عليك عشان لو حصل لي شي تكوني عارفة
حنان : وب علي ياريم اطلعي من البيت دا وبي وشك علي السفاره السودانية وبدت تبكي
انا : حنان اسمغيني ماتبكي انا كويسه وماعمل لي شي ومابقد اطلع لانو الشقة مقفولة وما ح اطلع ولا تجيبي سيره لي زول انا ما دايره اجيب لي اهلي كلام ومشاكل ح اصبر بس لمن اعرف المشكلة شنو بس ما تخليني براي اتصلو علي ورسلي لي الشغل حق الجمعية كلو انا بشتغلو ليكم واتصلي علي شهد شوفي برنامج التحرس ضد الاطفال القال حتعملو جاهز ولا لا
حنان : ريم انتي جنيتي جمعية شنو ودا كلام شنو انتي مستوعبة الوضع النتي فيهو دا
انا : حنان انا لو ما عملت كدا يادوب بجن اسمعي كلامي حنان انا قررت اصبر واقوي نفسي ودايراك تساعديني
حنان : ريم انا خايفة عليك
انا : ماتخافي بس حاولي ماتظهري لي زول نهائي انوا في مشكلة اتصرفي عادي طيب
حنان : طيب
انا : اوعديني ياحنان
حنان : اوعدك
الايام بتعدي عادي بقوم الصباح باكل كان في اكل في التلاجة كتير وحتي ما احتجت شي من بره وبصلي وبقرا قران وبفتح اللاتوب شغل الجمعية كنت بتونس مع الناس عادي ومانو ما حاصل شي احمد تم اسبوعين وفي يوم الباب فتح طبعا كنت دخلت حجاتي غرفة كدا ووعايشة علي اساس مافي شي دخل وعاين لي وقال لي سنه بس وح ارجعك اهلك
انا : ممكن اعرف في شنو يا احمد
احمد : كمان عينك قوية ماعارفة في شنو بعني
انا : لا
احمد : خليك ماعارفة طيب بس كلام وقلتو سنه وبيت اهلك
انا : ماضروري سنه هسي لو داير ترجعني رجعني
احمد : لا ياشاطره ح اخليك تتمني الموت اول
انا : انت مريض
احمد : احترمي نفسك وانا لي هسي ماتملت ليك شي
انا : صراحة خفت وسكتة دخل غرفتو ونهائي ماطلع
ماكنت مقصره في واجبي بنضف يومي وبعمل الاكل بس اي زول ب اهو اول فتره كان بجيب اكل من بره بس بعدين خلاهو حاولت كم مره لعرف في شنو او نتناقش بس لول ما افتح الموضوع دا بهيج ويكسر ويطلع وحفاظا علؤ نفسي قلت احسن اخلي وبقيت احسب باليوم عشان السنه تنتهي عديت شهرين وحنان كاتمه السر وبتتصل علي يومي وكانت كل مره بتحاول تقنعني اكلم اهلي بس كنت رافضة كل الفار ديل ما خليت امي وابوي يحسو وكانو مفتكريني سعيده واحمد كان بمثل نفس تمثيلي رغم المعاملة الكعبة والكلام الشين بس ما مد يدو علي ولايوم وانا كنت خاتي الضرب دا اخر حد ولو كان ضربني كنت ح ارجع اهلي بس اي شي تاني يهون وفي يوم من الايام والغريبة انوا ماحصل جاهو صاحب في البت طول الفتره دي كلها كان يوم جمعة وحتي احمد ما اظن كان عارف الجيه دي قعد مع احم قعده طويلة وانا ماقصرته شاي وقهوة وغداء وكانو ناس عادين ووحياتهم عادية بس سمعت صحبو بقول لي اتفاهم مع بت الناس دي ماتتصرف كدا وماتظلمها وبعد داك اندم عرفت الكلام عني طبعا وحسيت انوا في شي غريب طلعو الاتنين وانا بقيت منتظره الفرج واول مارجع ناداني وقال لي تعالي اقعدي طوالي قعدته احمد : عندي كم سؤال وياريت تجاوبي بي صراحة وتكوني صادقه
انا : اتفضل
احمد : بتحبي حسام ؟ ومتواصلة معاهو ؟ولا لا ؟ و وتجاوبيني بي صراحة
انا : حسام !!
احمد : اي حسام وما تعملي لي فيها ماعارفة
انا : انت بتعرف حسام من وين
احمد : جاوبي علي كلامي ياريم احسن ليك
انا : حسام كان ولد جيرانا وكنت مرتبطة بي فتره وانفصلنا وهو اتزوج وتواصلي معاهو انقطع نهائي
احمد :
انا : مافي بينا تواصل ولا حتي سلام
احمد:
انا : بس منو الحكي ليك القصة دي
احمد:انا صاحب حسام واتلاقينا قبل كدا ياريم
انا في اللحظة دي قربت اتشله وطوالي اتذكرت اتصال حسام وصحبو الدايرني وفقدت الوعي ...............

نشوف بحصل شنو