قسمة ثم حب

١٧

ركبنا الطيارة ،طيارات ساي استحملونا بس المهم ما عرفت انوا نازلين السودان الا من المضيفة وانخلعت وعاينت لي احمد 
احمد : نحضر عرس صحبتك ونقعد مع الاهل حبة ونرجع 
انا : احمد انا بريدك
احمد : بريدك الالكتروني
انا : رومانسية ماف هههه
وسكتنا لانو الطياره حتنزل في قطر ومن قطر تاني ح تقلع السودان قلت لي بالنسبة لي كاس العالم الحيكون هنا دا 
احمد : جاين بالبر انا واصحابي ان شاء الله 
انا : ما بتجيبني 
احمد : في بنات بحضرو كوره كمان هههههه 
انا : ما اتعرفنا لكن انا دايره امشي 
احمد : ماف ليك عديل 
المهم واتونسنا لمن وصلنا مطار الخرطوم وكان منتظرنا صحبو وعلي طول جينا بيتنا ولقيت امي وابوي منتظرني في الشارع وحضنتهم وبكيت ودخلنا البيت بعد السلام وبقينا نتونس 
امي : ان شاء الله البت دي ما عذبتك يا احمد بس 
ابوي : الزولة دي مجنونه رسمي طبعا جننتك 
احمد : لا لا والله ريم دي قدر ما اشكرها ما يكفيها تسلم الايادي الربتها والله 
وانا ساكتة ساي اكشف بس
بس شويه كدا قمنا علي بيت ناس احمد كمان 
لقيتهم عاملين لينا حفل استقبال عديل 
يوم مميز شديد ودخلنا سلمنا عليهم وشهد استلمتني بالاسألة والونسة وطبعا بتنا عندهم 
بعد العشاء الحبشية جات لي خالتي 
ماما غرفة جاهز 
خالتي شكرا ليك بعد كدا ارتاحي كفاك من الصباح شغالة 
خالتوا زولة طيبة وتعاملة راقي جدا وعجبني تعاملها مع الشغالة والله تقولوا بتها ودي حاجة مفروض كل الناس تعامل الناس بي قيمتها الانسانية ما بي طبقية 
وبعد الوقت اتأخر طلعنا علي غرفة احمد غرفة بسيطة وعادية بس كان في شي ظرف شديد في انوا في حيطة كاملة لي الرسم والقراية وكدا ههه ودخلت الغرفة ونمت طوالي ولا اتفاهمت معاهو زاتوا 
الصباح صحاني احمد للصلاة وهو كان طالع الجامع مع عمي ونزلت عملت الشاي بعد ما صلة واتظبطة وخالتي انبسط حاجة بسيطة بتفرح المهم اليوم عدي والناس جاية تسلم علينا لانوا اغلب الناس من الحفلة تاني ما شافونا واليوم انتهي وبليل مشيت الغرفة لقيت احمد قاعد صاري وشو انا دي لمن كنت ح ارجع اطلع 
قال لي تعالي هنا دا انا قلت الليلة سجمي طوالي مشيت علي 
قال لي انتي امس قلتي عني شنو 
انا : متين دا
احمد : في الطيارة 
انا : قلت شنو يا احمد وخلاص العبرة داي تخنقني 
احمد : قلتي ما رومانسي الا اوريك الليلة 
طبعا انا خلاص كنت مستعده لي البكة بقيت وافقة في مكاني وجي علي وعشان اتسدي حقي عضيتو واحسن نجر الشريط وكدا 
الصباح قمنا وصلينا ومشيت لي خالتي وعملنا الفطور ونحنا شغالين كدا قالت لي ماف حاجة كدا ولا كدا ياريم قلت ليها حاجة شنو بي خلعة قالت لي ما بقيتو تلاته طوالي ابتسمت ليها قلت ليها ان شاء الله يا خالتو ادعي لينا وتشيلي احفادك كدا وتربيهم وردي الظريف دا بعد ما قلنا حاجة قعدنا عندهم اسبوع وبعدها رحلت بيتنا وعرس حنونه وكدا والاجازة كلها شهر يعني الاسبوع الجاي دا وحنرجع

نشوف عرس حنونه ودراماتوا