قسمة ثم حب

9

طبعا الزول البكون مزعل الزول وعارف نفسو غلطان بحاول علي قدر الامكان يصلح او يعتزر بتكون تصرفاتو واضحة بحاول علي قدر الامكان يلم الكسر الاتسبب في وحتي تصرفاتو بتكون واضحة انوا متحسس
ودا كان الحاصل بيني وبين احمد

صيحيت الصباح عادي وصبح علي والحمدلله طلع لي لقب طالع الخوافة داخل الخوافة
كان اليوم جمعة وقاعد في البيت واخد راحتو في المكاوه وصلاة الجمعة قربت تفوتو طلعتو من البيت بالطرد وهو بس الخوافة الخوافة
كنت بكره المكاوه والهظار ومابحمل النوع دا من الناس بس ماحسيت بالاحساس دا الدوره دي 😍
رجع من المسجد وجبت ليهو عصير بارد وقعدنا
احمد :عندي ليك موضوع
انا : موضوع شنو
سكت مسافة احمد : ارح نمشي السوق عشان انتي من ماجيتي ماطلعتي
انا : طيب ولا كذبته طبعا 😎وقلت في نفسي الا اطلع عينوا ما حاخلي لي قرش هسي داير يعاملني كويس كلها كانت محاولات انتقام ما اكتر والسبب شنو ماكنت عارفة رغم اني سامحتو بس احساس الكبرياء المجروح دا كان برجعني لي نقطة الصفر وبتذكر عمايلو وبتجيني الافكار الشريره دي 😂😂😂ولبست وطلعنا مشينا المول يحليل سوق بحري والعربي حليل الزمن السمح 😍 مولات ساي بس بعد دا
دخلنا المول كنت بحاول اخفي الدهشة بس غلبني لنت وصلنا نافوره كدا اتسمرته طوالي وبقيت اعاين من انا وصغيره عندي حركة الوقفة دي وبفتح خشمي وابدء اتعاور وهو مشي مسافة بعد داك انتبه انوا انا ما معاهو ورجع لي سريع
احمد : ريم يابت مالك وقفتي
انا : اها لا صلحت جزمتي بس
احمد : ايوا ورح ولا دايره تقيفي هنا تشوفي العرض دا وابتسم
انا : لا لا ورح
احمد : ندخل المحل دا ظريف
انا :طيب كان محل مجوهرات
دخلنا وكانت حجات خرافية بس الاسعار نار الله الموقده انا من النوع الممكن اضارب بتاع الدكان لو قال لي سعر غالي 😂😂😂
احمد : ما دايره حاجه ماف شي عجبك
انا : لا لا طبعا لي اصلو شنو هو
احمد : هو شنو هو
انا : ما دايره عادي مع انوا كنت مخططه اشتري حجاتي غالية عشان انتقم بس جاتني فكره اشتري حجاتي كتيره بس ما غالية يعني كدا كدا لو فليس الراجل انا المتضرره
وبقينا داخلين من محل لي محل اخمخم كمية من الاكياس واطلع واصلو ما قال لي شي ياخ انا شدت خمية اخر شي لقيت خشبة منظر قلت لي ارح نشيلا بس وشلناها لي الان ماعارفه هي زاتوا بختوها كيف واتعشينا في مولنا داك اكل صيني وما سمح بس اكلته وابيت اخرب البرستيج حقي 💃😎ورجعنا البيت وانا فرحانه طبعا
احمد : بعد الخمخمة دي اعملي شاي يابت
انا : كويس بس ماتقول لي يابت تاني
احمد : طيب يا خوافة
ودخلت سريع غرفتي ختيت الاكياس وطلعت المطبخ عملت لي شاي بي نفس عشان مبسوطة وكدا وبنشرب في الشاي كدا
احمد : شايكي عينة لكن
ما رديت علي الحالة قامت طبعا
احمد : الايام بتجري سريع ياخ هسي انا شغال بكره انا : اي صاح فضل لينا ستة شهور واي زول يمشي في طريق
ولا رد علي طلع سجاير وبقي يدخن وانا قمت من جنبو عشان ريحة السجاير قبل ما اصل غرفتي ما حسيت الا الزول ماسك يدي وقرب يكسر يدي زاتوا
احمد : فضل شنو
انا قلبي من الخوف وقع ودموعي عشرة عشرة
احمد : فضل شنو
انا : سسسته
احمد : اسكتي وخبط الحيطة وطلع من الشقة وصحبتكم من الخوف جاها هبوط عديل وندمت علي كلامي
وانتظرتو لين الساعة وحده ما رجع طوالي اتصلت علي
انا : الو
احمد : انا راجع ماتخافي
وربع ساعة بس سمعت صوت الباب فتح كنت قاعده قصاد الباب طبعا
احمد : كيف
انا : مخلعوعة من تصرفوا الطبيعي تمام انت كيفك احمد : تمام التمام
دخل الغرفة وانا دخلت غرفتي الصباح جاني ليك مغص فظيع دا الخوف يا ناس 😂
احمد جاني : انا طالع
انا : مارديت علي
خبط الباب تاني احمد :يا ريم انا ماشي
انا : مارديت
فتح الباب احمد : يابت ريم
انا كنت مكرفسة وحالتي صعبة 😔😔
احمد : مالك ياريم
انا : ما عندي شي
احمد : بطلي كذب ماشايفة روحك مكرفسة ذي الكديسة كدا
انا : عندي مغص شوية كدا واقوم ماف شي علي امل يفهم ويتخارج
احمد : ارح الدكتور والمكيف دا بجمدك انتي من القطب الجنوبي يابت وقفل المكيف قومي قدامي
انا : خلاص الليلة انفضحتي مع الراجل هسي اشرح لي كيف دا
احمد : سرحانه وين
التلفون اتصل طبعا حمدت ربي علي اساس خلاص كدا
احمد : دي شهد
انا : ايوا
احمد : وين ياكعبة مابسألي من اخوك شنو ياخ مقاطعاني كدا
شهد : انت المقاطع ماصدقت عرست وطوالي فتحت لينا
احمد : هههههه اي والله زول معاهو ريم ويتذكر شهد معقوله دي
شهد : كويس يا احمد بنتلاقي اديني ريم زاتوا ما دايره اتكلمومعاك
احمد : قالت عايزه تسلم عليك واداني التلفون
انا : شهوده كيفك واخبارك ومشتاقيين
شهد : انتي زاتك خاينه ذي راجلك بلاش بكش معاك
انا : لا والله مابكش انتي كيف واولادك كيف
شهد : كويسين بس صوتك دا مالو كدا
انا : عندي مغص بس
احمد : كلميها ياشهد تسمع الكلام
شهد : دا مالو
انا : قال الا نمشي الدكتور ياشهد انا ما عيانه عندي مغص عادي
شهد : ههههه فهمتك اديني الولد دا
ومديت ليهو التلفون
شهد : احمد يابومه البت دي غندها مغص دا مامرض دكتور اعمل ليها حاجة دافية بس واقعد معاه طبعا
احمد : حاجه دافية ايوا هههههه حرجل يعني
شهد : بس اي
احمد : طيب مع السلامة
طبعا اقعد معاه دي ضرتني بيها بس 😢
احمد : ماتقولي لي مغص خرجل انتي
انا : مارديت طبعا وراسي لمن حسيت بي ورم
احمد : طيب خلاص انا ماشي
طلع المطبخ وعمل الحرجل وجابو كباية وجك قدر الضربة
انا من ماشفت المنظر الضحك كتلني ضحكت لمن بكيت نسيت مغصي زاتوا
احمد : مالك بتضحكي
انا : ما شبع هو لكن
احمد : ياخ انا عارف اشربي بس
وطوالي قعد في طرف السرير ما قدرت اقول لي شي اخد لي خمسة دقايق وما اشوف ليك الا الزول رقد انا : هي ما في شغل الليلة
احمد : مرتي عيانة الشغل لي شنو بعدين شهد قالت يقعدو معاك
انا : الله يسامحك يا شهد بس
احمد : نعم قلت حاجه
انا : لا سلامتك اكب ليك تشرب
احمد : اي لكن تعالي نسألك بعمل شنو هو
انا : احمد اتفضل امشي غرفتك لو سمحته احمد : دا سؤال علمي بعدين انتي ابوك دكتور مفروض تكوني عارف
انا : ما عارفه والله يا احمد
احمد : خلاص كبي لي
انا : لا اتذكرته ما بشربوهو الاولاد طبعا قطعتها من راسي دي
احمد : عليك الله ودايره تشربيني كنتي
انا : نسيت ياخ عادي
احمد : هسي لو حصلت لي مصيبة
انا : ههههه مابتجيك حاجه بعدين الكلام دا من راسي
احمد : ايوا يعني بتمشي فيني
انا :معليش يا احمد
احمد : ريم
انا : نعم
احمد : انا بحبك 😍
اتخلعت خلعه تقول ادوني كف
انا : احمد
احمد :قلب احمد
انا : انا دايره انوم
احمد : دا طرد عديل طيب ياريم اخدي راحتك
وطلع
ونمت لي الصباح طبعا
وجاني الغرفة قال لي الممغوصة اصبحتي كيف 😹😹الزول دا ما طبيعي بحب يرفع ضغطي بس 😡 انا : اهلا يا المطرود
احمد: اصلا انا امس زوق مني ساي طلعت ولو ما داير ما كنت طلعت
انا : لا والله
احمد : والله هههه
وبنشرب في الشاي وقال لي الليلة برضو قاعد معاك
انا : علي كيفك مالي ومالك انا
احمد : دي معنتتها اي موش
وطلعت الهول فتحت التلفزون بس طوالي جاني ليك احمد : اسمعي ياريم
ولا رديت ، احمد : قولي والله يابت
انا : والله
احمد : عريسك عبدالله
انا: ظريف ههه
احمد : اناجادي لمن امس قلت ليك بحبك والله
انا : .........
احمد : انا عارف انوا عاملتك كعب واي شي بس والله بحبك ياريم انتي ماقصرتي معاي وانتي كنتي احسن مني انا عارف لو كنت صارحتك ماكان حصل وانا وصلت العلاقه لي المرحلة دي
انا : عاملتني ذي الكلبة يا احمد وتقول لي بحبك احمد اطلب منك طلب واحد
احمد : عيوني ليك ياريم
انا : انا سامحتك بس
احمد : عارفك انوا انتي مابحبيني ودا طبيعي واحتمال بتكرهبني عديل بس
انا : بس شنو
احمد : انا بحبك
انا : انت علقت ولا شنو
احمد : اي وح افضل كدا لي اخر عمري وداير بس اسعدك واعوض كل لحظة

ومن اليوم داك حياتنا من احسن لي احسن 😇😉

جينا للاجزاء الحلوه وحنشوف البحصل