قسمة ثم حب

١٣

ريم ريم صباح الخير الساعة سته قومي
انا : صباح النور وعودي 
وعد : قومي سريع شوفي راجلك وين 
انا : ياوعد الساعة سته مالك من الصباح 
وعد : قومي قلت ليك 
انا : بكون نايم انتي صحيتي متين هسي 
وعد : قومي قدامي الحمام وامشي صحي راجلك 
انا : حاضر ياوعد حاضر 😔
قمت دخلت الحمام سريع سريع وطالعه اصحي 
وعد : بتعرفي بصحو كيف ولا اوريك كمان 
انا : بعرف دي كمان دايره ليها تعليم 
وعد : اها كيف ياستي 
انا : احمد احمد قوم قوم الصبح مايفوتك 
وعد : يفوت فيك شنو اقول ليك 
انا : سجمي مالك علي 
وعد : امشي براحه وبخي ريخه في يدك ومويه بسيطه وصحي 
انا : هههههههههه لي قالو ليك غمران هو 
وعد : ريم ماتجننيني امشي 
ومشيت دخلت الغرفة لقيت ليك احمد صاحي وقاعد في السجاده 
انا : الحمدلله لاريحه لا تاني هدا زاتوا صاح ، احمد صباح الخبر
احمد : صباح النور 
انا : عملت الشاي والفطور جاهز 
احمد : طيب انا جاي بس مستعجل طالع هسي 
مشيت المطبخ لقيت وعد وافقه الف بي الصينيه 
انا : دا شنو 
وعد : امشي اشربي انتي وراجلك
انا : وانتي 
وعد : شربته موش كباية اللبن دي شربتها ماعندك حجه تانيه 
انا : لا انتي بقيتي صعبه 
شلت صينتي ديك ومشيت لي احمد 
كان بيلبس وانا طبعا دخلت توش بس بقيت واقفه 
انا : معليش 🙈 ودايره اخت الصينية واطلع 
احمد : وين وين خلاص ياريم مافيها حاجه انا راجلك 
انا : سكته ساي وقعدته تاني قلت عشان ماتبقي شينه ، سكر كم معلقه يا احمد وانا عارفاهم اتنين طبعا 
احمد : ههههههه اتنين 
احراج مبالغة 😏😂 شربنا الشاي وطلعة
وانا صحبتي نرتب البيت 
وعد : انتي ياريم ما حكيتي لي الحصل شنو بالضبط انا مافاهمه والله لي هسي 
انا : انتي اديتيني فرصه زاتوا 😹
وعد : اها احكي 
انا : طلع صاحب حسام 
وعد : الليلة وب علينا وجدعت المكنسه 
انا : ههههههه يابت افصلي اكهربه 
وعد : كذابه ياريم مابصدقك 
انا : تعالي اقعدي 
وعد : اها 
انا : تتذكري لمن حكيت ليك انوا حسام اتصل علي وقال. عندو صحبو دايرني 
وعد : اي كيف 
انا : بس دا احمد زاتوا لكن ماكان عارف انوا انا كنت مرتبطه مع حسام وبقينا نحكي 
وعد : بركه ما حصلت ليك حاجه ياريم وصبرتي دا كلو كيف ولي ما اتكلمتي 
انا : خفته يا ريم والله 
وعد : انا لمن قلتي لي متشاكلين وح تدي فرصة نهائي ماقايله الموضوع كدا 
انا : انسي بس ربنا ستر 
وعد : بس ليهو حق 
انا : في عينك يابت انا خفت يكتلني عديل
وعد : المهم ماضي وانتهي الليلة مابنومي معاي لو متي 
انا : احكي ليك دا كبو وتقولي لي كدا 
وعد : ما دايره نقاش 
خلصنا النضافه وبعدها اتصلنا علي حنونه واروجي مكالمة جماعية لي اكتر من ساعتين ما خلينا شي ما قلناهو شمارات وونسات فظيعين لو قمنا 
حنان: ما وريتكم بس هاجر عرسها قبل عرسي بي خمسة يوم طبعا 
انا : هاجر الساكنة مربع ٤ الكانت دايره محمود 🙆😏 
اريج : عليك نور بس هي زاتها عرسو ليها ولد عمها بالجبر عشان الخفة حقتها دي
وعد : تستاهل الخفيفة اللفيفة الله مرقك يا حنان 
حنان : كنت اخر مره قربت امشي ليها في بيتهم بس لعنت ابليس
انا : كان تمشي راجل عاقد تاني دايره بي شنو تافه خلاص دي كان لقيت فيها فرصة انا _ طبعا حنان محمود رجع من اجازة لي وعقد عليها طوالي عشان الورق والاقامة وكدا وحيرجع بعد شهرين يكمل العرس _ ونحنا قدام طبعا ماشين ماشين 
وعد :علي سيرت الاعراس دي انتي يا اريج مالك انتي و طارق ما دارين تمشو خطوة لي قدام نحنا مابنقدر نجي السودان مرتين انجزو عرسي قبل مانرجع من الاجازة 
اريج : مصالح قال مابنجي مرتين يخس عليكم 
لكن والله انا المسبته طارق و انتوا عارفين خالتي الله يرحمها ما تمت سنة من ما اتوفت عشان كدا انا قلت لي نصبر لمن تتم سنه لكن عرفت خيانتكم انتي وريم هههه
ووالونسة وبعد الونسة الظريفة دي قمنا اتغدينا ونهائي وعد ما فتحت لي موضوع تاني وانا ماصدقت عملت رايحة منها واحمد رجع البيت بس ماقعد عندو صحبو ما بدخل البيت لمن يجي بيقعدو في كافي جنب البناية وريم الوقت داك كانت نايمة في الغرفة وانا في التلفزون الساعة عشرة بالضبط احمد دخل البيت وانا قاعده بحضر لي في فلم سلم علي و سألتو اذا داير شي ياكلو ولا حاجه قال لا 
ودخل غرفتو وانا قمت علي غرفتي خبطت الباب لي وعد 
انا : وعد افتحي دا كلو نوم 
وعد : مابفتح امس لمن قلت ليك اخر ليك يوم ما كنت بهظر وهدوم كلها في شنطة في المطبخ
انا دي لمن عيوني بقت ما بتشوف طوالي جريت المطبخ لقيت الشنطة في المطبخ
رجعت انا : ياوعد افتحي ولا عبرتني
مشيت لي احمد الغرفة هو زاتوا اتخلع
احمد : مالك ان شاءالله خير 
انا : وعد طردتني قالت لي ما نوم معاها ومن الاحراج قربت ابكي
احمد : بركة وهسي مالك يعني
انا : لا ماف حاجة ودايرة اطير علي الصالة
مسكني احمد : وين طردتك بس انا ما بطردك
😓وانا دي وشي دا من الارض مارفعتو ودخلت
احمد : عفيت منها وعد دي وطلع من الغرفة ومشي المطبخ اتخلع من الشنطة الفي قلب المبطخ دي وعرف انوا دي حجاتي وشال الشنط

ة وجاني
احمد : طردوك بي حجاتك كمان
انا : هههههه بي عفشي و في بيتي وتطردني بت حقاره خلاص
احمد : انا ما نعسان ارح ندخل هدومك في الدولاب انا : لا لا بكره راجعه انا 
احمد : ما اظن والله بعدين ما علي كيفك وفتح الشنطة وانا كنت قاعده في السرير وبقي يطلع في الهدوم بس ما اشوف ليك الا الهدوم المخشلعة ديك وهو اتخلع وانا كنت حادخل تحت السرير من الفضيحة وبقيت اقول الله يجازيك يا وعد ان شاء الله بس بكره اعيش وما ح ارحمك بس قمت سريع فتحت الدولاب وقلت لي انا بدخلهم وهو انصدم اظن وحالول ويحسن الموقف قام طلع جاب موية وانا سريع سريع دخلت الهدوم وبقينا في المرحلة الاصعب حاولت اكون طبيعية 
انا : انت متعود علي مكان معين بكون عشان كدا ارقد انا ماجايني نوم هسي بعدك وكنت قاعده في كرسي التسريحة بضفر في شعري وهو في كرسي بيقرا في كتاب 
احمد : كويس انا اصلا نعسته ورقد 
قاعده مسافه وخلصت وجيت ارقدت كدا 
احمد : لحظة ماترقدي 
انا : علي اعصابي ااها 
احمد : ممكن تفكي شعرك 
انا : انا من قبل بضفر في لكن 
احمد : كلهم شعرتين ياخ ولو كسلانه بساعدك عادي 
انا : لي اصلا يعني 
احمد : في دراسات بتقول كدا الزول بنوم مرتاح 
انا : هههههه لا ياخ بكره بتتخلع لكن 
وفي النهايه فكيتو 
احمد : كدا ممكن ترقدي
ورقدت بس اكتر حاجة صادمة جراني علي ولمن حس بي اتخلعت وما طبيعية قال لي انا اخر زول مفروض تخافي علي نفسك منو انتي يابت حلالي بس شكلك فاقده الذاكره الحاجة دي ولمن تستوعبي قولي لي وقال لي تصبحي علي خير انا لساني زاتوا بقي تقيل وانت من اهل الخير دي قلتها بعد تعب ونمنا وصحيت لقيتو صاحي بعين لي قال لي احلي نومة احسن ما حضن المخدات وضحك لانو كان متعود يحضن المخده وينوم وانا براحة انسحبته ودخلت الحمام وسريع مشيت دخلت المطبخ لقيت وعد مجهزة اي شي قال لي نمتي كيف وغمزة لي وقبل ما ارد احمد دخل وشال بس كباية حليب سريع سريع عشان كان مستعجل بعد طلع بقيت احمر ليها 
وعد :ما تحمري لي دا المفروض يحصل وما هدي مبسوطة 
انا : ما مبسوطة ولا شي ما تخليني ارتكب فيك جريمة ساي
وعد : مبسوطة وظاهر وقاعده ودايره تطي من الفرح ولا بتخبي علي
المهم بكره ح نمشي لي خالتو ساجده دي ساكنة قريب من حيكم مرة كبيره بس وولة جيهة تجيهك باقي الايام دي وانا راجعة الخميس بليل نمشي التلاته والاربع والخميس وحتبقي نجفة وما دايره اي اعتراض واليوم عدي واحمد رجع ونفس النوم وصحبتكم عاملة ميته 
وكلمت احمد الصباح بي الطلعة ومشينا لي خالتو ساجده وقعت ليك فيني دخالن لمن قلبي داير يقيف وجرجرة المواضيع دي لي الساعة سته ورجعت البيت بس وعد طلبت من احمد يبت برا البيت وقالت لي عاملين مفاجئة وانا ما كنت عارفة يعني لعبت علي الحبلين واحمد قال لي ما بقدر يرجع البيت الا الجمعة عشان عندو صحبو عيان وانا صدقت وحكية ليها كمان قالت لي اي احسن زاتوا كدا بي مزاج اظبطك

نشوف وعوده حتودني وين بي تصرفاتها دي 

سنعود قريبا😍😍