صحت من النوم مخلوعه على صوت الباب بدق ....
ريم : صباح الخير ....لسا نايمه راجلك طلع الشغل قبيل
تالين : ماحسيت بالزمن
ريم : دا شنو الاكل في محلو من امس
تالين : كنت تعبانه ماقدرت اكل
ريم : هسي نفطر سوا ......راويه وهيام جايين كمان
تالين : طيب اخد شور واغير
إتلمو عندها و فطرو بعد ماخلصو ريم عملت ليهم شاي وقعدو يتونسو في الصاله...
راويه: أبوي حكى لينا أنك كنتي في لندن أمك متوفيه زمان وأبوك اتوفى قبل 4 شهور ربنا يرحهم ...اصلك ماتشيلي هم إحنا من الليله اهلك واخواتك ......
دموعها خانتها وقعدت تبكي ....ريم قامت حضنتها وباست راسها .....الدنيا فانيه وكلنا لها وأحنا هنا اهلك انتي ماغريبه
هيام : ماجينا نبكيك .....يلا امسحي دموعك مافي عروس بتبكي ......
تمو ونستهم وطلعو خلوها ....
في الشركه محمد دخل ليوسف مكتبو..... لقاو شغال على اللابتوب....
محمد : انت جادي ....... في عريس بداوم من اول يوم
يوسف : ماشغلك
محمد : لكن الحاج طلع خطير......بصراحه البت مززززه ....
يوسف : تحترم نفسك ولا تطلع
محمد : طيب سكتنا .....اها ناوي على شنو
يوسف : زي ماقلت ليك ....بصبر كم شهر و أطلقها ارجعها أهلها
محمد : ياخ انت شوفها بالأول يمكن تنفع معاك ...بعدين الحاج قال البت دي يتيمه ...اكسب فيها ثواب
يوسف : في زول قال ليكم حياتي دار لرعايه الأيتام
محمد : يعني البت دي أمبارح مااااااا........ وغمز غمزه معاها إبتسامه خباثه
يوسف : أنت أهبل .....بقول ليك عايز اطلقها مستحيل ألمسها ......وبعدين أنصدمت ساعه العقد لما عرفت عمرها 19 سنه ....دي طفله ساي...
محمد : 19 سنه عمر الزهور عمر الغرام عمر المنى
يوسف : قوم اطلع برا ....عندي شغل متراكم ....ماناقص عوارتك دي
محمد طلع ولسا بغني......
طبعا محمد شخصيه ماجاده ابدا بتاع نكته وحركات وقتو كلو هظار وتشغيلات .......
في البيت ثريه بتتناقش مع حاج احمد وماعاجبه الوضع
ثريه : دي شنو الجبتها لينا كمان عامله زي البومه ....ساكته و تعاين
حاج أحمد : الموضوع انتهى خلاص .....واعملو حسابكم يوم الجمعه عامل ليهم عزومه .
عدا اليوم وتالين قافله نفسها في غرفتها ...تقرا قرأن وتصلي ومرات تبكي ماعارفه تعمل شنو وحياتها حتمشي كيف ...مشكلتها كانت معتمده على ابوها في كل حاجه ....دكتور شهاب كان برتب وبجهز ليها كل شي في حياتها بس نسى يجهزها لليوم الحيكون هو ماموجود معاها........
أنت تقرأ
ضمادة للروح
Fanfiction📝 بقلم: شيماء عثمان لا تحزن إذا جاءك سهم قاتل من أقرب الناس إلى قلبك ... فسوف تجد من ينزع السهم و يعيد إليك الحياة و الابتسامه !😍 في الدنيا كل يوم ألف فرقه .... لن تختفي الآلآم ولن تموت الحرقه ... فمن يستسلم فينا لجراحاته يمهد بيديه طريقا لغرقه...
