لما وصل القسم .....كان ابراهيم قاعد مع الظابط في مكتبو ....
دخل وسلم عليهم ......
الظابط: طبعا المتهمين ديل تعبونا شديد لحد ما اعترفو .... والحكايه ماطلعت سرقه
يوسف : كيف يعني
الظابط : الراجلين والشغاله مؤجرين عشان يقتلو زوجتك ...
يوسف : انت بتقول شنو !!!
الظابط : الراجل اعترف ان في واحده جاتو مع زول معرفه طلبت منو يقتلها بس الحكايه تظهر على انها سرقه عشان رجلها ماتجي في القضيه ولما يهربو تتأيد القضيه ضد مجهول ...هم كانو فاكرين انك مسافر...حسب المعلومات الادتها ليهم الشغاله .......كمان الشغاله اعترفت انها كانت بتوصل معلومات عنك وعن زوجتك للزوله دي وبتأخد عليها أجر....وأتفقت معاها تسهل للمجرمين دخولهم الفيلا وتوصلهم شقتك ......بس البت الشافتهم وصرخت لما الكل صحى خربت ليهم المخطط..
يوسف كان مصدوم وما قادر يستوعب البسمعو... مين الزوله دي .....مين عندو مصلحه يقتل تالين .....
الظابط : احنا قبضنا على الزول الوسيط الكان بينهم وبين البت دي و معلومات عنها أسمها ......مرام عبدالله....
يوسف: مراااام ........
الظابط : اخوك قال لينا انها طليقتك ....في أمر قبض طالع بأسمها وهم جايين في الطريق .....كمان وصلتني معلومات قبل شويه انهم مسكو الولد الهرب
يوسف لسا مصدوم من مسلسل المفاجاءات المتتاليه دا ........ وأتحولت الصدمه الى غضب .....وظهرت في وشو علامات مابتتفسر .....
بعد ساعه ....جا عسكري داخل وقال للظابط المتهمه وصلت ......دخلت مرام و أول ما شافت يوسف نزلت راسها .....قام اداها كف لما قربت تقع .......ابراهيم مسكو وزحاه منها......الظابط قال ليه ...عارفك زعلان ، أمسك أعصابك عشان ماتجبرني أتخذ في حقك اي أجراء .......يوسف قال ليه خلاص ماشي ، اعملو معاها اللازم .... وهو طالع عاين ليها من فوق لتحت ...... المره الفاتت طعنتك ....ما أتعظتي .....ياريت المره دي تفهمي الدرس كويس وماتظهري في حياتي تاني لاني لو شفتك تاني بقتلك وبقولها قدام الظابط عشان تتاكدي ...... ادعي لربك ماتطلعي هنا بس ..........وهو طالع ألتفت عليها.......مش قلت ليك هي ملاك وأنتي شيطان .....
لما طلع من المكتب لقى منير اخوها برا.......أول ماشاف يوسف نزل راسو
منير : خجلان منك ...دي المره التانيه... زمان كنت عايز أقتلها الوالده حلفتني لكن هسي كان هم ما قتلوها أنا بقتلها وبرسلها القبر وأرتاح
يوسف : انت راجل اصيل ومالك ذنب ...خليها لربها بحاسبها وماتضيع حياتك عشاز اولادك
عدا أسبوع و حالته تالين النفسيه اتحسنت ...... وقدرت نزلت الجامعه..... حضرت أفتتاح المعرض .....بس ما قدرت تشارك بلوحات كتيره نسبه للظروف وشادي قال ليها من هسي تجهزي للمعرض التاني عشان تعوضي .......
ظهر الرقم الغريب تاني .....وكان بضرب ليوسف بأستمرار ....المره دي أستغرب لانو مرام في السجن ......مين بضرب ليه غيرها.....ورد على المكالمه.....
مرحب.......باش مهندس يوسف.......نعم.........عايزه اقابلك ضروري ...... مين انتي بالاول .......ماضروري تعرف مين انا المهم الموضوع بخص تالين .....بتعرفيها من وين .... مابنفع بالتلفون لازم اقابلك ......طيب .......بعد نص ساعه في شارع النيل ..
غير ملابسو بسرعه وطلع للمكان الوصفتو لقاها منتظراه......... اهلين معاك نهله...
يوسف : بتعرفي تالين من وين
نهله : بندرس سوا
يوسف : وين المشكله
نهله : هي بتلعب بيك انت ماعارف حاجه
يوسف : اتكلمي كويس
نهله : شوف انا وحده صريحه و من الاخر كده ...انا وهشام بنحب بعض وكنا عايشين حلوين لحد ماظهرت تالين
يوسف : مين هشام
نهله : استاذنا
يوسف : لسا مافهمت علاقه تالين بيكم شنو
نهله : سمعتهم بالصدفه بخططو انها تتطلق منك ويتزوجو
يوسف : أضمن كيف كلامك صح
نهله : انت مغشوش فيها
يوسف : مابسمح ليك تتكلمي عن مرتي ......فاهمه
واتحرك عايز يمشي .......وقفت في طريقو .....وقعدت تبكي ..... دقيقه بس ...اسمعني ..انا حامل من هشام ولو ماعقد علي هسي اهلي بقتلوني .....
يوسف : وانا و زوجتي دخلنا شنو في الوضع القذر دا
نهله : هو عايز يخليني ويتزوجها وتقريبا اقنعها........الحل في يدك انت بترجاك ساعدني
عاين ليها بنظرة كلها استحقار ومشى ركب عربيتو..... جات وراه و وقفت جنب الباب ومسكتو عشان مايقدر يقفلو ....
نهله :اعتبرني اختك وساعدني
يوسف : اولا اختي مابتكون بمستواك .....تانيا اديني رقم وعنوان الزول دا
نهله: ليه
يوسف : عايزه اساعدك ولا لا
نهله : طيب خلاص .....وادتو ليه
لما رجع البيت......كانت تالين في المطبخ..... ناداها .... طلعت ليه قال ليها ....اقعدي . قعدت في الكرسي المقاصدو .....
يوسف : مين هشام
سمعت الاسم و وشها جاب خمسين لون
يوسف : أسالك تاني ......مين هشام
تالين : أستاذي
يوسف : علاقتك بيو شنو
تالين : ولا حاجه
يوسف : تالين انا بثق فيك وبصدقك ماتهزي صورتك في نظري واحكي الحاصل بدون لف ودوران
....حكت ليو الحصل كلو من اول يوم .... كان بشرب سجارة وبعاين ليها وبهز رجلو بزعل ..........لما خلصت قالت ليو ......... ورحمه ابوي وامي دا كل الحصل مانقصت ولا زدت كلمه ....وانا عارفه اني غلطانه لاني ماكلمتك وغلطانه لاني بعد مشكله مصعب وعدتك احكي ليك اي حاجه و أخلفت وعدي ..... وأنت من حقك تتصرف معاي اي تصرف ..ومن حقك ماتصدقني ولا تثق فيني تاني وانا ما بطلب منك فرصه تانيه ولا حبرر موفقي ....بالنسبه للعملتو معاي أنت كنت راجل معاي للأخر ومعروفك مابنسى لأخر يوم في عمري............
...........حطلب منك طلب أخير.............ممكن ترجعني لعمتي سعاد وعمي محجوب ...
يتبع.....
أنت تقرأ
ضمادة للروح
Fanfiction📝 بقلم: شيماء عثمان لا تحزن إذا جاءك سهم قاتل من أقرب الناس إلى قلبك ... فسوف تجد من ينزع السهم و يعيد إليك الحياة و الابتسامه !😍 في الدنيا كل يوم ألف فرقه .... لن تختفي الآلآم ولن تموت الحرقه ... فمن يستسلم فينا لجراحاته يمهد بيديه طريقا لغرقه...
