طلعت الصاله ...قعدت في كرسي وغطت نفسها بالتوب ....ومفرووسه منو ...ماجنتل خالص ودمو تقيل الله يصبرني وتعدي الايام دي بسرعه .....من التعب نامت من غير ماتحس
.....وماصحت إلا على صوت ....تالين ...قومي ...في زول بنوم بالطريقه دي .... ادخلي جوا كملي نومك ...انا طالع خلاص ......ردت بصوت النعاس داك وبتدعك في عيونها ....
حاضر....... طلع وجا راجع تاني ...كراتين المواد التموينيه في المطبخ و وصلت ليك انبوبه الغاز ....ماتفتحي الباب لأي كائن ...وخلي تلفونك جنبك مفهوم ....
مشت اخدت شور وعملت ليها نسكافيه ....فتحت التلفزيون لقتو ماموصل ....ضربت لريم اتونسو شويه وقالت ليها داخله على المحاضره بضرب ليك المسا ........مشت على المطبخ رتبتو ......ولسا زهجانه طلعت اسكتشاتها وقعدت ترسم ......
المغرب تلفونها ضرب عاينت للشاشه مكتوب يوسف ..مامتعوده طبعا ماحصل ضرب ليها ....... الو .....افتحي الباب وادخلي الغرفه معاي رجال ....دخلت جوا وسامعه صوت جوطه و ونسه برا ....بعد ساعه دق ليها الباب .....خلاص طلعو ....ظبت التلفزيون وجبت لي سرير برا عشان ماتنومي في الكراسي ..بالنسبه للدولاب مافي حل غير نتقاسمو ونستحمل بعض المده دي... اوك..
سالتو عايز تاكل .......ياريت ..بتعرفي تطبخي!!.........of course ......ومشت المطبخ هو دخل اخد شور وفتح التلفزيون ....جابت الاكل عباره عن تونه ، كم نوع جبنه ،زيتون و عصير ......عاين ليها وبإبتسامه سخريه ...طلعتي طباخه ماهرة ........المطبخ كلو معلبات ..عاينت ليو وسكتت ومن جواها بتقول ..طلعت بتعرف تضحك ......
زوجه المهندس حسن حتزورك بكره...وبت البواب حتجي تساعدك في شغل البيت كل يوم غير كده ماتفتحي الباب لجنس مخلوق ....
كملو عشاهم ...شالت الاكل ..غسلت العده ودخلت الغرفه ....اتونست مع البنات في الواتس ونامت......
في اليوم التاني صحت بدري ..كان لسا نايم ....اخدت شور سريع مشت المطبخ جهزت الشاي و مع شويه بسكويت طلعتو ليو برا ....خلص وجا طالع قال ليها اقفلي الباب وشكرا على الشاي كان مظبوط ومشى ......بدون ماتحس لقت روحها بتبتسم ...
(دائما الكلمه الطيبه بتترك أثر في النفوس) ......مشت رتبت ملابسها في الدولاب جات ترتب ملابسو اتذكرت كلام ريم انو مابحب زول يمسك حاجاتو ...
بعد شويه الباب دق ...قالت ليها معاك سوسن زوجه حسن...
فتحت الباب ...كانت مره في نهايه العشرينات صفرا مليانه شويه وملامحها جميله ... سلمو على بعض ...جابت ليها عصير وقعدو يتعرفو على بعض ويتونسو
سوسن: حلاتك يالعروس بس ليه مامحننه
خجلت شويه ....... اصل يوسف مابحب الحنه
سوسن : ماتصدقيه كلهم بقولو كده بس لما تجي مره محننه ومجيهه ياكلوها بعيونهم
تالين دايره تغير الموضوع ....عندك اطفال
أنت تقرأ
ضمادة للروح
Fanfiction📝 بقلم: شيماء عثمان لا تحزن إذا جاءك سهم قاتل من أقرب الناس إلى قلبك ... فسوف تجد من ينزع السهم و يعيد إليك الحياة و الابتسامه !😍 في الدنيا كل يوم ألف فرقه .... لن تختفي الآلآم ولن تموت الحرقه ... فمن يستسلم فينا لجراحاته يمهد بيديه طريقا لغرقه...
