عاينت ليوسف.....و وقفت في نص الصالون ......قالت ليهم
في البدايه عايزه أشكرك عم أحمد أنت وكل أسرتك ....أنتو أستضفتوني في بيتكم وعاملتوني أحسن معامله ... وأبدا ماحسيت نفسي غريبه ...خليتوني أكتشف أن الدنيا لسا بخير بعد ما أنصدمت في أقرب الناس............يوسف أنت أنبل رجل شفتو في حياتي وأنا لو جمعت كل كلمات الشكر الفي العالم كلها مابوفيك حقك ..... كانت بتتكلم وبتعاين ليه ... بس هو كان بسمع في كلامها ولسا منزل راسو ....... ريم من ورا الباب قالت ليهم دا كلام زول مودع....ماقلت ليكم حتمشي......
تالين لسا مواصله كلامها ألتفتت ل د صديق ..... عمو صديق.... من فترة وحلمي الوحيد اني ارجع لندن وأبني مستقبلي هناك يوسف وعدني يرجعني بعد ما اتخرج وجيتك اليوم قربتني من تحقيق حلمي اكتر...وبقى واقع ...لما أمشي معاك متأكده أني حأحقق طموحاتي وادرس في أحسن الجامعات في العالم وأوصل لأعلى الدرجات العلميه زي ما بتمنى ...بس المامتأكده منو أني ألقى الحياه الدافئه العايشاها هنا .... أنا هنا عندي أخوان واخوات وناس بتحبني وبتخاف علي... وزوج يضحى بروحو عشاني ... زوج لو فرطت فيه حندم عمري كلو .... بابا قبل كده ضحى بحاجات كتيره و أتزوج حب حياتو وعاش السعادة كلها ... أنا مابسميها تضحيه أنا أخترت أعيش السعادة وعايزه أفضل هنا مع زوجي و حبيبي .......
يوسف رفع راسو وبقى يعاين ليها وعيونو متلئلئه بالدموع .... مصدوم وما قادر يقول كلمه ...... كانت مبتسمه وبتعاين ليه و دموعها خانتها ونزلت .... قام من مكانو جا عليها باس راسها و قعد يمسح ليها دموعها .... قال ليها بحبك .....بعشقك ....وحياة ربي بحبك...
محمد قال ليهم ....اوووووو عصافير الحب وريتونا لكن .
قعدو يضحكو وتالين ماتت من الخجل .....برا ريم كانت بصرخ زي المجنونه وجات داخله الصالون نطت فيها حضنتها ... هيام قالت ليهم مش قلت ليكم قلبي كان حاسس ........ مشت تالين لحاج احمد باست راسو ... قال ليها أصيله يابنتي ونظرتي فيك ما خابت......
عاينت ل د/صديق لقتو بعاين ليها بأستغراب ....قعدت جنبو مسكت يدو وقالت ليه .... sorry ....ما كنت عايزه ازعلك بس كمان أنت عايزني أكون مبسوطه صح
صديق : أكيد يابنتي .... والكلام السمعتو منك أكد لي أن فراشتنا كبرت .. .... الحصل ليك دا كان درس علمك كتير وبقيتي ناضجه وبتعرفي مصلحتك كويس ..... اما زوجك شكلو راجل جدع وشهم واهلو ناس طيبين وأنتي عملتي الصح شنو فايده الحياة من دون ناس يحبوك ويخافو عليك يسندوك لما تقعي تلقيهم جنبك لما تحتاجيهم ......
يوسف كان قاعد في كرسيه ويعاين ليها ويتبسم.... وهي بتتبسم وتعاين ليه بتكلمو بالعيون بس ....
دكتور صديق قال ليهم طالما كلكم موجودين عايز اسلم الامانه لأصحابها ..
تالين : اي امانه
أنت تقرأ
ضمادة للروح
Fanfiction📝 بقلم: شيماء عثمان لا تحزن إذا جاءك سهم قاتل من أقرب الناس إلى قلبك ... فسوف تجد من ينزع السهم و يعيد إليك الحياة و الابتسامه !😍 في الدنيا كل يوم ألف فرقه .... لن تختفي الآلآم ولن تموت الحرقه ... فمن يستسلم فينا لجراحاته يمهد بيديه طريقا لغرقه...
