ريم نزلت الجامعه ، وبقت مافاضيه لانها اخر سنه ......بس في يوم استأذنت يوسف وساقت تالين معاها الجامعه ....كانت مبهورة ومبسوطه من منظر الطلبه ....كان نفسها تكون زيهم ...........حتى ريم لاحظت علامات الحسره في وشها...
سمر وصفاء شافوهم من بعيد وبقو يصرخو ...... جو عليهم سلمو وقعدو يتهابلو ..من يومهم مجنونات ...وهي بتضحك في حركاتهم ....عرفوها على كم بت معاهم في الدفعه ...
....ريم دي مره اخوك قولي أووقسم ...... ياجماعه ماتفضحونا ......سجمي الشفع عرسو .....خلاص بورنا والبوره قتلنا ...... بورنا وهرمنا كمان ......... جا كم ولد من دفعتهم برضو ....... ديشااااك ..انت في قاعده جويه هنا ........ مالك يامان .......ما شايف في صواريخ حايمه في الجامعه .....ريم قالت ليهم احترمو نفسكم ياخ معانا... ضيوف ...
و نهايه اليوم ريم ركبت عربيتها وبقت تصلح مكياجها .....اها كده كيف...معزومين غدا طبعا ......العازمنا منو .....مفاجاه..
وصلو مطعم راقي .......كان في شاب حلبي وجيه في انتظارهم ...سلم على ريم بلهفه وهي عيونها كانت عامله قلوب من الفرحه ....
ريم : اعرفك ...امجد ..في الظاهر ..صاحب محمد و ولد عمو حسين صاحب بابا
امجد : وفي الباطن حبيبتي و مرتي ان شالله
قعدو مع بعض يتونسو..... وتالين بتعاين ليهم ريم كانت عامله خجلانه وتكتل في عيونها وامجد يعاين ليها ويتبسم كان شكلهم حلو ولايقين على بعض .....وهم راجعين ريم قالت ليها دا سرنا الصغير تمام ....تالين قالت ليها من زمان وانا بحلم يكون عندي اخت ويكون بينا اسرار .....ريم قالت ليها حلمك اتحقق واختك جات .....
رجعت البيت وعلى قدر ماكانت مبسوطه وفرحانه لريم وعاجباها طريقه حياتها ....على قدر ماكانت موجوعه على حالها ......ريم كانت حاسه بيها ...وبتحاول تتطلعها من حالتها ..بقو طوالي يطلعو مع بعض يتفسحو ....ومعاهم سمر وصفاء ....ومرات بطلعو يلاقو امجد......
عدت 3 شهور ....والحال زي ماهو ما أتغير ...... وفي يوم كان حاج أحمد واولادو مجتمعين في الشركه...........
حاج احمد : يديكم العافيه يااولاد ..المناقصه الكسبناها دي حتربح الشركه مليارات
ابراهيم : البركه في يوسف شغال فيها ليل نهار
محمد : هو الشايل الشغل كلو على اكتافو من زمان
يوسف : حغيب منكم 3 شهور ...شدو حيلكم
حاج احمد : لازم تمشي بنفسك ؟
يوسف : لازم امشي اشرف على تركيب معدات التعدين
ابراهيم : ماتخاف ياحاج ..الوضع مرتب هناك ...الادارين والمهندسين عندهم سكنات مجهزه ليهم ولأسرهم كمان
حاج احمد : كلم تالين تجهز نفسها من هسي ....مش ماشي الاسبوع الجاي
يوسف : تالين مين التمشي معاي
أنت تقرأ
ضمادة للروح
Fanfiction📝 بقلم: شيماء عثمان لا تحزن إذا جاءك سهم قاتل من أقرب الناس إلى قلبك ... فسوف تجد من ينزع السهم و يعيد إليك الحياة و الابتسامه !😍 في الدنيا كل يوم ألف فرقه .... لن تختفي الآلآم ولن تموت الحرقه ... فمن يستسلم فينا لجراحاته يمهد بيديه طريقا لغرقه...
