نزلت الحفله ...... وكانت حلوه شديد ....الناس كلهم مبسوطين ، وريم وصحباتها ماقصرو ....رقصو رقيص صح..........كانت وافقه جنب ريم بس عقلها في مكان تاني وبتفكر في الحصل ..........
في اليوم التاني ....كان عندها محاضرات مهمه خلصت سريع وراجعه البيت عشان بكره العقد ....وهي ماشه سمعت صوت واحد بناديها .....إلتفت عليو .....وقالت أستاذ هشام!!
هشام: ماعايزه تتكلمي معاي ......سلام كمان ما عايزه تسلمي
تالين: وعليكم السلام
هشام: عايز اتكلم معاك شويه
تالين : مستعجله استاذ سوري
هشام : خايفه تتأخري يقوم يشاكلك
تالين : عفوا
هشام : كنت واقف بعيد يوم مشكلتك مع مصعب ....أتصدمت لما شفت راجلك ضرب الولد كيف وكان بتشاكل زي المجنون .... معقول تربطي حياتك بواحد همجي زي دا
تالين : مامسموح ليك ابدا تتكلم عن حياتي الشخصيه
هشام : تالين...احنا نفس المجال ....بدعمك بحكم خبرتي وحتستفيدي ....ماتحطمي نفسك مع واحد زي دا .....ماخايفه يمد يدو عليك يوم
تالين : استاذ انت اتجاوزت الحدود ولو كترت ....حكلم زوجي
و طلعت من الجامعه زعلانه .....
تم العقد في البيت ...... واصحاب العريس ماخلو طلقه مافضوها في الهوا ....لما ابراهيم منعهم........والنسوان جوا زغاريد ودلوكه وهجيج........
ريم كانت فوق في شقه تالين .........مره تبكي ،مره تضحك ، ومره تنطط ......سمر قالت ليها بركه أمجد جا فك ليك بورتك قبل مانرسلك التجاني الماحي ......
بعد خلصو والضيوف تقربيا مشو يوسف جا طالع بيتو ......لقاهم في الصاله ....سلم على ريم باس راسها وبارك ليها ....وهي عامله خجلانه ......لما دخل غرفتو ....صفاء قالت ليها أخوك كان يجي قبل 10 دقايق يشوف الجن الكنتي بتعمليه .....سمر ألتفت على تالين قالت ليها ...وووووب علي من الجلابيه واللابسها ...مجنونه أنتي تخلي ينزل كده وحاه اسم الله يشلبو منك بالراحه ......ريم قالت ليها كلموها عليكم الله انا تعبت من عوارتها ....
جا يوم العرس ومن الصباح مشو كلهم الكوفير ....... ريم طلعت زي القمر مع الفستان والتسريحه والطرحه ......اما تالين لبست فستان تيفاني (فيروزي) خرااافي..
وهم في الكوفير يوسف ضرب ليها ......خلصتو .......ايوا وماشين للاوت دور بعد شويه .....انتي ماشه مع منو.....مع صفاء بعربيتها .......اوك لماتخلصو بجي اخدك نمشي الصاله سوا ...
خلصو تصوير......وكان يوسف منتظرها برا .....لما جات طالعه عليه
يوسف : انا قلت مين المزه الجايه علي
أنت تقرأ
ضمادة للروح
Fanfiction📝 بقلم: شيماء عثمان لا تحزن إذا جاءك سهم قاتل من أقرب الناس إلى قلبك ... فسوف تجد من ينزع السهم و يعيد إليك الحياة و الابتسامه !😍 في الدنيا كل يوم ألف فرقه .... لن تختفي الآلآم ولن تموت الحرقه ... فمن يستسلم فينا لجراحاته يمهد بيديه طريقا لغرقه...
