Unknown Soldiers Opinions

تاني رأي

رأينا في رواية كهف القمر

ANGELHORAN15

مي:

من رأيي..
طريقة سردها حلوة ومناسبة جدا لنوع الستوري، اما بالنسبة لمضمونها ف هو مش واضح الستوري لسة ف بدايتها و الموضوع او الهدف لسة موضحش لسة ف مش هقدر اقيم الفكرة.
في ف البارت الرابع جملة هي قالتها *لا يوجد بطاريات لتشغيلها* حسيت الجملة مش مناسبة بالمرة بالنسبة للرواية لان الرواية تاريخية واكيد مفيش بطاريات فيها فلازم الكاتبة كمان تعيش جو الرواية.
وكمان في جملة تانية *الساعة المتوقفة* الجملة دي كانت كافية جدا للموقف ومناسبة كمان مكانش لازم تضيف موضوع البطاريات.
حبيت طريقة السرد وتنظيمها للكلام كان جميل والكوفر مناسب
للرواية.
الشخصيات ال في اول 3 بارتات مكانوشواضحين خالص والبارتات دي غامضة جدا انا مش ضد دة بس كانت تطلب نقد بعد م توضح الفكرة شوية.
البارت الاخير كان فيه شخصيتين واضحين وكانوا مناسبين وكويسين

BananaBoo212

طريقة السرد حلوة جداا ، بس حسا انها محتاجة تزود المحتدثات بين الاشخاص اكتر ، عشان نقدر نفهم كل شخصية بتفكر ازاي او اسلوبها عامل زي ، يمكن ده الي هي عملته شوية في اخر شابتر بس انا شايفة انها لازم تزود برضه.
انا مش فاهمة حاجة من القصة او ال main idea بتاعتها لسه مش واضحة يمكن هيبان في الشابترز الي بعد كدة
طريقة السرد حلوة جدا و مناسبة مع القصة ، زي م مي قالت علي " البطاريات" بس ديه نقطة واحدة بس ، انما الباقي كان حلو اوي
حسا الشابترز طويلة شوية ، ف مش شايفة انها ينفع تطول عن كدة عشان ميبقاش في ملل

وصفها حلو اوي و مفيهاش عيوب كتير و مفيش قصص من النوع ده كتير بس هي حلوة جدا و احلي حاجة فيها طريقة السرد و اختيار معظم الالفاظ بحيث ان الالفاظ مش صعبة اوي و برضه مش بتتكرر كتير

captain_vision

النقد بتاعى:

عجبتنى طريقة سردها بس كان فيه شوية اخطاء املائية
الشابترز قصيرة اوى مفروض تطول شوية
اسماء الشخصيات و الاماكن غريبة شوية و معرفتش اقرأهم كلهم بس عجبونى حسيتهم مميزين
بصراحة مفيش كلام كتير يتقال لأنهم خمس شابترات بس
بس انا عجبتنى الستورى

Bassma_soliman

النقد
اولا الفكرة من ناحية الفكره فعجبتني جداً حسيت بحماس
خصوصاً في المقدمه و ده برعتي فيها لان دايماً الكاتب اللي فاهم بيحاول يخلي دايماً المقدمه محمسه محمسه يعني و منها ان تجيبي مقتطفات كده و طبعا القارئ كأنه اغبي الناس مش فاهم حاجه و ده حاجه بتخليه يكمل على فكره و ده برعتي فيه
الاسلوب بيشد اللي بيقرأ بيعيشه في جو كده اللي هو محدش يقدر يقطعه لان هيتعمق القصه فعلاً بأسلوبك
ثانيا الفانتازيا بتاعتك يعني فكرتها ريلي او اللي استوعبته لغاية ناو انها فعلا حلوه برضه
الاخطاء الإملائية مشوفتش الحاجة الوحيده اللي بتكتبيها غلط *فى* بتكتبيها *في*
فى هي اللي صح 
التشبيه و كده حسيت تشبيهاتك قليلة رغم انك فانتازيا لازم تحطي تشابيه كتيره عشان الفانتازيا بتحتاج انك تصليهم بحبه من الواقع فيعرفوا يتخيلوا  اللي كان بيحصل و كده
الغلاف يمكن المشكله هو ملفت ومش ملفت يعني الوان تلفت بس تراكيب خط لا ميلفتش اوي
و ده اول حاجه بيدور عليها القارئ الصراحه
فحاولي حد بس يعملك الكفر
انا عن نفسي معجبه بالقصه