كتاب "وليه منقولش لأ؟"
الكڤر : هو مش لايق اوي على محتوي الكتاب بتاعك لانه بيتكلم عن مواضيع كتيير.
الوصف: شدني اني أقرأ الكتاب بس كنتي تحطي نبذة صغننة.
الكتاب: فكرته حلوة و متنوعة و الشابتر الواحد طوله كويس مش طويل ولا صغير
الأخطاء الإملائية : اول فصل نسيتي الهمزة في (واه) المفروض ( وأه)
بس كده
اتمني ليكي التوفيق و هستنى باقي الفصول متتأخريش 💕
الكوفر مش معبر عن محتوى الكتاب ، لو يتغير هيكون أفضل و يجذب القراء للكتاب.
يُفضل وضع وصف بسيط و جذاب.
الكتاب نفسه كويس جدًا و بيناقش موضوعات موجودة في الواقع فعلًا و بتحل مشكلات بعض الفئات العمرية زي المراهقين و الشباب.
كان هيكون أفضل لو اتكتب باللغة العربية لأن ممكن يكون في قراء غير مصريين و تكون اللهجة صعبة عليهم فاللغة العربية أشمل و أوضح.
تقييم ٨/١٠
الاسم: هو أنا كـروان بدافع الغتاتة هقول وليه نقول لأ؟
بس خلاص هسكت وهنقد عادي.
والله يعني محستش الاسم له علاقة أوي بالكتاب، يعني اه الكتاب بيناقش عدة مواضيع ولكن حسيت انه الاسم ده لو انا ههاجم او هطرح مواضيع واجب علينا فيها الرفض وإبداء الاعتراض، فحسيت إنه بما إن الكتاب بيطرح عدة مواضيع من ضمنها مواضيع بنتجاوب معاه او بنتناقش فيها حتى، فمحستش الاسم اوي. بس اتس اوكاي لإنه لازال مُلائم مع بعض المواضيع، لكن يستحسن تغييره
الكوڤر: محتاج حاجة تكون معبرة أكتر عن مكنون الكتاب، خاصة وإنه مش غرضه التواصل فقط، ولكن كمان التعاون ومجابهة بعض الظواهر الخاطئة
السرد: لذيذ بالنسبة للعامي يعني، بس محبتش انك بتكتري من
المسافة
دي
ومبتلزقيش
الكلام
فبعضه
وانا قصدت أكتب كدة كتوضيح والله مش تريقة.
عندك بعض الأخطاء الإملائية، وشكلككك كدةةةة مبتراجعيش البارت أما بتخلصيه هااا..
بس يعني لكن الكتاب في المجنل لذيذ وحلو انك بتفتحي نقاشات وحوارات، وبتخرجي الناس من قواقعهم، عاش
تقيمي ٨/١٠
اسم الكتاب جميل أوي، بس مش مناسب للمحتوى بصراحة،
ال description لطيف في ابليكيشن للهواة، لكن لما تحبي تكتبي حاجة رسمية بقى وتتطبع بإذن الله هيكون أحسن لو كتبتي description أحسن
أول بارت بصراحة صدمني شوية، عشان متفقتش مع فكرة ان انت خسارة لأي حد والكبرياء الكداب ده، لا انا شايفة انه بالعكس ممكن خسارتك تكون مكسب لناس، وده مش معناه انك وحش او انهد وحشين، كل الفكرة انكو متفقتوش،
بعد كده المواضيع كلها بلا استثناء جميلة جدا، وفكرتني بكتابات دكتور محمد طه، وبالفعل لقيتك بتقرأيله ومش بتقولي أي فتي، بالعكس الكلام اللي بتقوليه بيبقى على أُسس قوية وديه حاجة بحييكي عليها
المحتوى بتاع الكتاب كله عظيم وجميل جدًا، هحب إذا كان البارت أطول شوية، وتنسيقه أفضل شوية
حبيت جدًا انك بتستخدمي المنصة بتاعتك في التوعية والإعلانات اللي منغير مقابل عشان بس تفيدي الناس، زي حوار عصير الكتب، وكتابات دكتور محمد طه، والمغتصب احمد بسام ذكي، بجد حركة لطيفة أوي
المواضيع اللي بتتكلمي عنها جميلة، وروحك جميلة وراقية وواضحة أوي في الكتابات
دماغك نضيفة، وده باين من رؤيتك وطريقة عرضك للأمور
كيب جوينج
الغلاف :جيد بس انا مش شايفة أن ليه علاقة بالمحتوى
الوصف:مقبول بس مش جذاب خالص اتمنى تغيرين💙
فى أخطاء إملائية بسيطة راجعى الفصل قبل نشره💙
فى الفصل التالت كنت بتشرحى العلاقات السامة انت حكيتى تجربتك زمان بس انا مش شايفة ظلم الأستاذة ليكى بعلاقة سامة
فى الفصل الرابع كان حلو جدا انك تشجعى الناس يتقبلوا خوفهم و انهم يحترموا مخاوف الناس.
فى الفصل السابع انت قولتى من ضمن العلاقات السامة القرايب واديتى مثال من وجهة نظرى إن هى مش سامة علاقة القرايب بتبقى سامة لما مثلا ينتقدوا لبسك، حاجة بتحبيها، يقللوا من مجهودك إنما حوار بقيتى عروسة ده بيتقال لمجرد الهزار بس وصفك لعلاقات الصحاب التوكسيك حلو اوى وحبيته فعلا وانك تحببى الشخص فى نفسه وتقنعيه ان هم الخسرانين شئ حلو منك 💛
الفصل التاسع عجبنى جدا احسنت💛
فى الفصل اللى قبل الأخير عنوانه الست مكانها المطبخ فى كذة حاجة استوقفتني فى الفصل ده
النقطة الاولى انت قولتى الستات مش مكانها المطبخ وحكيتى تجربتك فى الطبخ وانك فشلتى بس هل ده معناه أن الست اللى بتعرف تطبخ مكانها المطبخ!
النقطة التانية: انت اتكلمتى فى مواضيع مختلفة عكس العنوان سواء إن المجتمع وحش ومش مفروض نبرر للمتحرش حقيقى كلامك عجبنى بس مش شايفة إن ليه علاقة بعنوان الفصل
فى المجمل الكتاب جميل بعض التحسينات ويبقى جامد
Keep going ✨
التقييم :٧.٨/١٠
اقرأي الفصل بعد الانتهاء منه لتصحيح الأخطاء الإملائية وأخطاء لوحة المفاتيح الغير مقصودة.
الكلام متناسق بشكل جيد.
الغلاف جيد، لكن كان من المفترض كتابة اسم الكتاب واسم الكاتبة عليه.
اقترح أن تضعي بها " قصة هادفة " فهي تهدف لجعل المجتمع أرقى والنفوس أنقى.
الاسم جيد، كان يوجد اسماء أفضل كعاهات وتقاليد وثورة وما شابه ذلك لكن الاسم لا بأس به.
أوصلتي المشاعر بطريقة رائعة ومبسطة للغاية.
فرقي بين علامات الترقيم واستخدام كلٍ منهم؛ لأنك تضعين النقط كثيرًا في أوقات يجب أن يتم وضع الفاصلة بها ( وهي غير الفاصلة المنقوطة لأنك لبستِ بينهم أيضًا ).
حاولي ألا تستخدمي مصطلحات إنجليزية كثيرًا مثل " الكومفورت زون " وما شابه.
استخدمتي أدلة جيدة من موقع التواصل الاجتماعي لعرض آراء الناس، لكن حبذا لو قمتِ بنسخ الحديث كتابيًا لا أن تأخذيه لقطة شاشة.
أسماء الفصول جيدة، اختيارها كان موفقًا، لكن بعضهم كان من الممكن أن يكون له أسماء أفضل. لذا حين تضعين اسم للفصل حاولي اقتباس جملة منه.
تجنبي وضع كلام جانبي وسط الحديث، يمكنك وضعه في آخر الفصل.
الأخطاء الإملائية غير كثيرة؛ نظرًا لكون الكتاب باللغة العامية في الأساس. لكن يوجد بعض الأخطاء التي يجب تلافيها مثل كتابة »مبدأيا، هوا، هيا« بدلًا من »مبدئيًا، هو، هي«.
بها نصائح جيدة للغاية تجعلنا نعيش في مجتمع أفضل، كما أحسنتِ استخدام الأمثلة.
في المجمل الكتاب رائع وهو حقًا مفيد لذا، تقييم ٨/١٠
أنت تقرأ
Unknown Soldiers Opinions
Randomاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
