رواية 'أيها القادمون اتركوا أي أمل في الحياة'
AshrakatHussein
النقد 1 : اسم الرواية طويل جدا
-تصميم الغلاف غير متقن
-بعض الاخطاء في تركيب الجمل
-استخدام كلمة(راح) اكثر من مرة بنفس الجملة في الفصل الاول
-يوجد بعض الاخطاء الاملائية
-الرواية كانت غامضة و مملة قليلا في اول فصلين لدرجة تجعل القارئ يحذف الرواية لكن اصبحت اكثر تشويقا
-بعض الكلمات تحتاج للتشكيل و الضبط
-الوصف غير مفهوم و واضح مثل وصف (الممصات-الهرات)
-يجب الاهتمام اكثر بالتشبيهات
-لم تعجبني النهاية .... نهاية غامضة
(يعني انا معرفتش سبب كره باباه لية و لا سبب انتقام ناتاس)
تقييمي الرواية قبل ان اقرأ النهاية 7.5/10
تقييمي للرواية 6,5/10
النقد 2 : الاسم:طويل اوي اوي حقيقي
الكافر:عجبني بس الاسم مش مكتوب كامل عليه 🤷♀️
وصف القصه : حبيته وشوقني
السرد:اعتقد كويس بس مفيش تشكيل خالص وبعض الكلمات محتاجه تشكيل.
القصه غامضه ودا شئ جيد عجبني يعني
النهايه غامضه واللي بيحبو النوع دا من النهايات والقصص دي هيحبوها
تقيمي 8/10
النقد 3 : الإسم طويل اوي بَس كان مُمكِن يشِد الانتباه لو كان اقصَر، الكَڨَر مقبول لأنُه كان غامِض ويقدَر يحسسِك بالـ مفهوم بتاع القصه، الوَصف حِلو ويشِد بس عايز يكون مترتِب بـ شَكل احسَن مع اضافه التشكيل،ده كان انطباعي الاول، تكرار كلمِه 'راح' بدون تشكيل خلتني احِس انهَ عاميه،مُمكِن تستخدمي في فَقره مثلًا راحَ وفي فَقره كلمه 'اخذَ'،الأحسن عدَم إستخدَام الاقواص مُمكِن تحُطي فَصلَه،لاحظت إنك كتَبتِ'هذه المشاعِر التي يحُس بِها' اعتقِد إنُه الأحسن نقول الذي يحُس بِها لأنها عايده عن البطَل، النجوم اللي بين السَرد كان مؤذيه لعيني يُفضَل تقليلها، السَر كان كُويس عندِك مُفردات حِلوه بَس التشكيل أنقصهَا كتير،هيكون أفضل لو خليتِ السَرد على فقرات مِش كُله فقره واحده عشان القارئ ميزهَقش، القِضه حلوه بَس النهايه غامضه يمكِن يكون لانَه مش ذوقي معجبتنيش،بَس كان في حاجه متوضحِتش زي كُره باباه ليهِ او انتقام ناتاس،بَعض المُفردات مكانتش واضحه أتمني توضحي معناها.
تقيمي الروايه 7/10
mona_lisa8
النقد 4 : _ العنوان طويل
_الكوڤر مش حساه جذاب و العنوان مش مكتوب كامل
_الفصول الأولي مملة و مبهمة
_في أخطاء إملائية خاصةً بين ال 'ه' و ال 'ة'
_مستخدمة ألفاظ خطأ و مش معبرة زي راح و يحس..مش ملائمة
_سبب كره والده له مش مقنع
_وصف الشخصيات تقريبا مش موجود و دا بيقلل الخيال الي عند القارئ فبيكون مش عارف يكون فكرة كاملة عن القصة
_واصفة حاجات بمبالغة علي حساب حاجات تانية
_النهاية مبهمة فبالتالي مش الكل هتعجبه
النقد 5 : 1/ ال cover حلو بس اسم الرواية مش مكتوب كامل
2/ اسم الرواية طويل اوفر
3/ اخطاء املائية
4/ سبب كره والده له غير منطقي و مقنع ابدًا مش فاهمة ما ايه يعني فاشل ايه المشكلةً
5/استخدمت الفعل "راح" اكثر من مرة تقصد به انه بدأ او شرع فكان من الممكن تستخدم افعال الشروع افضل
6/ استخدام ال "ه" بدل ال "ة" في بعض الكلمات
7/ اخطاء ف علامات الترقيم
8/ وصف الشخصيات ضعيف
أنت تقرأ
Unknown Soldiers Opinions
De Todoاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
