قصة طاولة لشخصين
الغلاف والوصف: كويسيين جدًا، بيهم لطافه كبيره، الخط الخاص بالغلاف كان ممكن يكون أفضل من كده أو أكبر.
القصه نفسها: بما أنها قصه قصيره فهي أكيد كانت خفيفه وحبيتها جدًا والأحداث مع أنها كانت غريبه شويه بمعنى مفيش توضيح هل هما أصحاب ولا إتقابلوا صدفه، أعتقد إنتي خدتي القصه في كل جزء تشرحي وجهة النظر عن الحب أو الفقدان أو الخذلان أو الوحدة.. بس كان لازم يكون في تنظيم يعني متخدنيش خطف كده لتاني نقطه إشرحي بإستفاضه، الإجابات كانت مميزه بس كانت لازم تكون مقنعه أكتر بمعنى.. مطولتيش في الشرح.
والبارت الأخير كان عظيم بطريقه خلتني عايزه أعيط، الرساله كانت احسن من حوارهم سوا بجد حبيت النهايه جدًا ومشاعرها الهاديه.
الأخطاء: عندك مشكله في التاء المربوطه (ة) بتكتبيها (ات) زي في البارت التالت كنتي كاتبه "إختلفت عليهم الأسئلة و *مرات* عليهم الأيام" أو بتمدي في الكلمه زي في البارت التاني لما كانت ايميلي بتحكي عن البنت اللي خطيبها توفى كتبتي "فقدات" معتقدش إن دي أخطاء كيبورد أو ممكن تكون فعلًا وخطأك بالنسبه لكلمة (بدأ) حاولي تركزي وتقرأي أكتر علشان الأخطاء الإملائيه ممكن تخلي القارئ يتفلسف عليكِ جامد بعد كده خدي بالك، وبمناسبة البنت والأمثله اللي كانت ايميلي بتقولها في البارت التاني فكان من الأفضل لو خليتي الشرح لمجرد مثال عادي مش الشاطئ هو شاطئ الأوجاع كله فاقد حد، مش منطقي شويه؟
بالنسبه للحوار بين الأشخاص يُفضَّل يكون بين علمتين تنصيص "..."
وشكرًا، قصتك جميله يا ريت تشتغلي أكتر على نفسك، إسلوبك جميل وبجد مبسوطه إني قرأت قصتك ♡
تقييمي: ٧.٥/١٠
AladwyTsobaky
الغلاف و العنوان و النبذة رائعون
فكرة القصة مميزة أعجبتني لكن يوجد بعض الملاحظات الإملائية، في الفصل الثاني قمت بكتابة "فقدات" من المفترض أن تكون "فقدت" و كمله "معاه" = "معه"
في الفصل الثالث "مرات" ="مرت"
في الفصل الأخير "خذلات" ="خذلت"
"كانت"=" كنت"
عدا ذلك فهي رائعة و المشاعر بها جميلة جعلتي أقع بحبها.
اسم الرواية لطيف، والكاڤر كمان لطيف،
ال description بتاع الرواية لطيف ورايق اوي وبيشدك تعرف الحوار اللي ما بين الشخصين دول،
ولكن للأسف مكانش في أي تفرقة ما بين همزة القطع وألف الوصل، كله كان عندك ألف وصل وبس وديه حاجة مش كويسة، اتعلمي تفرقي ما بينهم عشان حرام فكرة جميلة زي ديه يبقى مشكلتها الهمزات،
كنت هحب لو في وصف اكتر لشكل المكان وشكل البنت يسهل عليا التخيل أكتر، ولكن تمام يعني أعتقد فكرتك مكانش وصف للمكان بالظبط قد ما هو وصف للمشاعر،
فكرة القصة جميلة أوي وخفيقة أوي، كنت هحب لو في شرح أكتر وأعمق للمشاعر ديه،
في أخطاء املائية تاني زي "خذلات" بدل "خذلت" مثلًا،
التنوين يا اما كنت بلاقيكي كاتبة التنوين على اخر حرف يا اما مش مكتوب، اه لما يبقى مكتوب على اخر حرف مش مشكلة ولكن بس بقولك يعني انه مش شائع زي الحرف قبل الأخير،
علامات الترقيم بتلزق في الكلمة اللي قبلها، وبتسيبي مسافة ما بينها وما بين الكلمة اللي بعدها، زي كده مثلًا
حرف الواو بيلزق في الكلمة اللي بعده على طول، وأعتقد لاحظتي الطريقة ديه وانت بتقرأي رأيي،
القصة بجد فكرتها جميلة، بس أنصحك بعد كده متكروتيش الأفكار ومتراجعيش عليها
محبيتش فكرة الفصول 1،2،3 والاخير
يا كنت تكتبي الأول، الثاني، الثالت، الأخير،
يا 1،2،3،4
الكاڤر جميل ومعنديش أي تعليق عليه الحقيقي، إسم الروايه اجمل وخلاني احس بفضول رهيب وكدا والديكربشن هي ابدعت فيه الحقيقه والقصه جميله إلا بعض الاڤوره الي كانت في بارت ٢ انها عرفت حكايات ناس كتير من المقهي وكدا من منظوري انا الحته دي مش منطقيه بالمره لكن في المضمون هي حلوه وللأسف في بعض الأحيان قدرتها في التعبير خانتها..لفت انتباهي أخطاء كتير أولهم وإلي لفت انتباهي اكتر " خذلاتها، خذلاتك "
هديلها ٧/١٠
أنت تقرأ
Unknown Soldiers Opinions
Randomاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
