فيلوفوبيا
ba_no100
الكافر نوعا ما لطيف
المقدمه حرفيا عجبتني جدا
الستوري جديده مشوفتش فكرتها قبل كدا ودي حاجه حببتني فيها جدا
طريقه السرد لطيفه بس انت محتاجه تقري اكتر
طريقه السرد محتاجه تبقي افضل
مفيش اخطاء املاييه ودي حاجه جميله جدا
بس بلاش ايموشنز انا واحده من الناس مبحبهاش
وكمان انك تقطعي ف النص بتعليق بين القوسين مش لطيف
اللي هو ببقي مركزه وهب اطلع من المود
انا حبيت الروايه جدا وعاوزه ااقولك استمري
تقيمي 9/10
1-الكوفر:
حلو و عجبنى اوى
2-المقدمة:
المقدمة تحفة و تشد القارئ
3- الفكرة الرئيسية:
الفكرة مش متكررة و مختلفة و عجبتنى
4-الوصف:
ملقتش غير غلطة املائية واحدة بس
طريقة السرد حلوة و متلغبطش
تعليقى الوحيد على الحتة بتاعة سيلينا
مفيش حد بيقول لحد أنه بيكره كده خالص
ممكن تعدليها و تخلى جاستن هو ال يفكر و يعرف السبب ال يخليها تعمل كده بنفسه هتبقى احسن
5-تقيمى
9/10
احسنت يبنتى و الله
الكوفر : تحفه و الله .
المقدمة : موقفة و جميلة تجذب القارئ .
البداية : البداية عجبتني جدا بس من رائيي انها تشد اكتر من المقدمة يعني لو حطتيها بدل المقدمة هتجذب اكتر من وجهه نظري يعني ، الأتنين حلوين عمتا .❤
الفكرة : نادرة جديدة مشفتهاش كتير .
السرد : حلو جدا بس بلاش ايموجي (😂) دا خالص عشان بيفصل شوية .
تعليق شامل: حاولي تخلي الموضوغ غامض اكتر يعني حجات هما الي يستنتجوها مش يقولوها و تحصل و كدا فهماني ؟❤ القصة حلوة ما شاء الله و هيبقي ليها مستقبل .
8/10
الكوفر: حلو بس عايز يعبر عن القصه اكتر بس
المقدمه: حلوه جدا وشدتني ان اكمل كلمتها بسبطه وحلوه
السرد والحبكه: بصي يا ستي انت عايزه تشتغلي شويه علي الوصف انت مبتوصفيش حاجه تخلي القارئ يتخيل المكان المقيمه في البنت شكل. الشركه فهمه البنت كانت مبهوره بشكلها واحنا مشفناش حاجه الحبكه بقي الواضح ان شخصيه جاستن عنيده بس طيبه فهمه مش حيحب فاليري ويديها مكانه خاصه في يومين هو ده قصدي + متستخدميش الايموجيز في الكتابه ممكن لو كانت تيكست
غير كده النوت بتاعتك كانت ممكن تكتب علي البورد احسن فهمه عشان ميشتتش البيقرأ
في شويه اخطاء املائيه ممكن مخدتيش بالك منها بس
7/10
الكوفر كويس
المقدمة لطيفة
اسلوب الكتابة حلو
القصة متكررة بس ظريفة مكتوبة بطريقة حلوة
الأحداث حساها سريعة شوية يعنى بسرعة حس بمشاعر نحيتها و ارتحلها و هو كان مر بمشكلة عاطفية و مش عنده ثقة فى البنات فا الموضوع مش منطقى شوية يعنى لو تبقى ابطئ حبة صغيرين
الحاجة الوحيدة إللى مش عاجبانى اسلوب مخاطبة القراء إللى هو أنتم تعلمون نسيت ان اخبركم كدا يعنى لما الواحد بيكون بيفكر مش بيكلم حد يقول نسيت اقولكوا ان كذا كذا فا بلاش منه لانه مرتبط شوية بالحاجات الكوميدية اكتر
غير كدا القصة حلوة اوى عاجبانى استمرى
التقييم ٩/١٠
أنت تقرأ
Unknown Soldiers Opinions
De Todoاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
