Unknown Soldiers Opinions

تامن رأي

نقد black heart

OMKLALA14:

بسم الله
الكوفر ، شغال يعني في منه للقصة بس محتاجة كوفر

بالنسبة للمقدمة ، لا بصراحة ضعيفة محتاجة تقويها

القصة بقي ،
1- علامات الترقيم ، مش موجودة و دي حاجة مهمة جدا ، عشان تفصل الجمل ف لازم تحط علامات ترقيم

2- القصة فكرتها مقرأتهاش قبل كدة ، بس حساها كرتوني و مش واقعية ، يعني لا هي خيالية ولا هي تمت للواقع
فا لا ، لازم تطلع افكار اقوي تحسن بيها الرواية

3- السرد مش قوي برده ، محتاجة تتدرب ، و نصيحة مش اكتر بلاش تزويد الاحرف ، عشان مش ممتع في القراءة

و بنصح بانك تكتبي احسن ما توصفي الحالة كدة
يعني بدل ما تكتبي
جاكي *ببرود * : ....
لا تكتبي كدة
" ....." قالتها جاكي و ببرود زائد
تبقي المحادثة كدة.
و محتاجة تعبري اكتر عشان القارئ يعيش القصة شوية

و في اخطاء املائية فا بنصح بمراجعة الشابتر

بس الفكرة بالنسبالي جديدة و حلوة يعني لو اشتغلتي عليها هتبقي حلوة و هتتحسن كتير
تقييمي
6/10
استمري 👏👏

zaynb_maalik:

نقدي..
الكفر عادي جدا ومفيهوش اي حاجه تشد الانتباه
الوصف عادي جدا.. مفيهوش اي إثاره.. ومع الكوفر كمان طبيعي مش هيبقى في قراء
طريقه الكتابه في المقدمه مش حلوه.. في مسافه بين الجمل نفسها... حتى لو بدأتي تتخيلي الروايه المسافه دي هتفصلك.
طريقه الحوار معجبتنيش... مش ممتعه يعني وبعدين مش حاسه أني عارفه اندمج مع القصه
طريقه السرد بجد مش مريحه خالص
في ملل رهيب في الأحداث +انه اغلب البارت حوارات بين الأشخاص وده شئ مش كويس
لازم تحاول تستخدم علامات ترقيم اكتر.. وتحاول تقلل المسافه الكبيره الي بين الكلام علشان بجد مش كويسه خالص
تقيمي ليها..
5/10

RaNa_AshRaf21:

النقد :-
1_ انا مش فاهمة حاجة اصلا ، مش فاهمة الفكرة ايه فعلا
2_ المقدمة حلوة بس عايزة تشويق اكتر

3_الكوڤر مشدنيش خالص ، انا لو شفتها من برة كده مش هفكر اقرأها اصلا

4_السرد مش قوى و طريقة الكتابة مريحتنيش

5_ كنت بنام و انا بقرأ ، حسيت بملل فظيع بجانب انى مش فاهمة حاجة

6_ الأخطاء الاملائية مش كتير ، و دى حاجة كويسة طبعا

7_ فى كلام كتير عامى و بتكررى الحروف يكفى انك تقولى انه بيصرخ يبقى اكيد بيمدد فى الكلام مش محتاجة تكررى انتِ الحروف

8_ الاحداث مملة و اوڤر جدا من اول شابتر ، حسيت نفسى فى مسلسل هندى

9_ ما بين الكلام حاطة مثلا نقط كتير او علامات كتير تفصل ما بين الكلام او مثلا بين اليوم الاول و التانى و ده فى الحقيقة فصلنى انا

10_ علامات الترقيم مهمة جدا فى الكتابة و بتوضح الكلام و هى قليلة اوى فى كتابتك

تقييمي 5/10

@Noelle79xXx

اولاً الكوفر : مقبول بس ميجذبش القراء ممكن تطلبي مننا كوفر واحنا نعملك ، ثانياً المقدمه كانت بتشد القراء عجبتني بس كانت عاوزه حبكه زياده مش اكتر ، ثالثاً : اللغه بصراحه عجبتني الأخطاء الأملائيه قليله جدا رابعاً : السرد مش حلو ، بيخلي القراء يحسوا بالملل ميتعايشوش جوا القصه تحسي أنك بتقري conversation مفيهاش حاجه تخليكي تتأثري حتى الأحداث مش مشوقه زي ما توقعت أوي ، الروايه كـ بدايه بدايه كويسه أنصحك بأنك تقري قصص و تشوفي طرق السرد ازاي وتسلسل الأحداث و كده ، بس خليكي creative و أما تيجي تسردي اسردي الأحداث بتسلسل معقول بحيث تخلي القارئ يحس انه جوا القصه مع احداث مشوقه الدنيا هتظبط معاكي اديكي 5/1

Winterkween:

الكوفر: الكوفر عبارة عن صورة و محطوطة كده و خلاص حتى مش مكتوب عليها اسم الستورى و ده مشدنيش خالص

الوصف: الوصف هو الحاجة الوحيدة ال معقولة فى الستورى
مشدنيش اوى بس كان حلو

الفكرة: مش فاهمة حاجة فى الفكرة الرئيسية و ديه مش حاجة حلوة
يعنى مفروض يكون فى غموض بس فنفس الوقت تكونى عارفة انتى بتقرأى ايه
لكن انا تايهة فى النص و مش فاهمة ايه ال بيحصل

الأخطاء الأملائية: الأخطاء الأملائية كتير جدا لدرجة انى مقدرتش اكمل الستورى
و برضوا الأخطاء الأملائية مكنتش بتقل مع تقدم الستورى بالعكس كانت بتزيد

طريقة السرد: تقريبا مكنش فيه سرد اساسآ
كل الستورى محادثات و مفيش سرد و ديه حاجة مملة و كمان طريقة الكلام ال هى "بلاك ببرود" ديه مش احترافية خالص يعنى ممكن تقول "قال بلاك ببرود"
و كمان انا لاحظت ان البنت كان اسمها جاكى فجأة اسمها بقى ريد

تقييمى: ٣/١٠