Unknown Soldiers Opinions

تاسع رأي

janobella42

الصراحة الرواية حلوة جدا مش محتاجة نقد..

المقدمة غامضة بتشد القارئ و فـنفس الوقت حلوة و الكڤر لايق جداا و حلو .

البارت كويس ولا طويل ولا قصير .. المساحات كويسة ..
مفيش اخطاء املائية الحمدلله..

بابنسبة للفكرة هي مميزة مقرتش عنها و جبتي مرض نادر بس انا لما قريت عنه و كداا البطلة مش متأثرة اوي .. و مفيش طرق علاج من المصحة .. من رأيي اعرفي عنه اكترر حتي لو الرواية هتفلب كئيبة بس علشان الفكرة متهكلش و تاخد حقها علشان هي مميزة .

السرد كويس محتاج بس متتسرعيش يعني الاحداث حساها بتجري بسرعة خليها وسط ولا تطوليها اوي ولا تستعجلي ادي كل حاجة حقها ..
الابطال حلوين و قليل لما بلاقي ليهم روايات..
بس إجمالاً الرواية جميلة
تقييم 9/10

Winterkween
نقد anti-life

الكوفر: الكوفر حلو اوى شدنى جدا

الوصف:الوصف كان غامض جدا و ده شدنى

الفكرة الرئيسية:الفكرة الرئيسية حلوة و جديدة و خصوصآ المرض بتاعها عجبنى جدا بس انا قريت عن المرض ده كتير قبل كده و عارفاه و هى بصراحة غلطت غلطة
المريض بالمرض ده بيبقى عنده اقتناع تام أنه ميت و بيتعامل على الأساس ده و دايما بيحاول ينتحر عشان ينتقل ل"العالم الاخر" بس انا حسيتها متقبلة الموضوع و عايشة عادى يعنى مش متأثرة بالمرض اوى

السرد: السرد حلو بس كنت حساه ماشى بسرعة يعنى هى فحتة كانت بتقول "قفل التلفاز و نام" حسيتها بتقلب القارئ و السلام عليكم يعنى ممكن كانت تكتبها حاجة زى "قام من مكانه و اغلق التلفاز و اتجه إلى غرفته لينام" يعنى السرد مش مفروض يبقى ممل بس برضو مش سريع اوى كده

الأخطاء الأملائية: الحمدلله مفيش اى اخطاء املائية

تقييمي ٨/١٠

ba_no100
الكاڤر بيرفكت شدني جدا
الوصف كمان حلوه اوي وغامض وشيق

فكرتها جديده ومشوفتهاش قبل كدا

السرد طريقته حلوه جدا بس لو كان فيه شويه كلمات اكتر كان هيبقي بيرفكت بجد

مفيش اي خاطئ املائي ودي حاجه حلوه جدا وقليله
-
عارفه ان الروايه ف اولها وممكن الاحداث تتشقلب خالص بس بحكم قرايتي عن مرض وهم كوتار
هي معندهاش اي حاجه من اعراضه اطلاقا
ولو ع الاضطراب الاجتماعي من اول مره شافت نايل اتكلمت معاه عادي وكدا ف دا بردوا يخلي معندهاش اضطراب اجتماعي
حرفيا الستوري شيقه جدا وانا مستنيااها

تقيمي ليها 9/10

BassantMosbah

الکوفر جمیل جدا معبر عن الستوری جداً
التسلسل سریع الی حد ماا لو ینفع تبطئیه شویه وتوصفی شعور استر کمریضه یبقی أحسن
مفیش غلطات إملائیه بس الهمزات هی العایزاکی تفرقی بینهم

الفکره جدیده وشیقه مشفتهاش قبل کده بس آستر مرضها یکون أشد من کده عشان تعرفی توصفی أکتر

ال description بتاع الستوری حلوو جدا

التقیم ۹/10

Itsangel155

الكوفر حبيتو وشدني جدا
المقدمة حلوة اوي بس كانت محتاجة حماس في آخر جملة.
يعني كانت تقدر تضيف حاجات تانية او تغير الجملة لحاجة تشد اكتر.
الفكرة جديدة وتقريبا مشوفتهاش في ستوريز قبل كدة والاحداث محمسة وحلوة.
الشخصيات كمان مناسبين للادوار.
تقييمي 8/10

MariamIsmail795

نقد anti-life

الكوفر خلو جدا، معبر، محمس، يشد، من الاخر يعنى كل المقومات اللى محتاجها عشان يشد القارئ، حقيقى ابداع.

الفكرة الرئيسية حلوة، نادرة و واضحة، تعليقى الوحيد ان فى بعض الاوقات شخصية استر مش بتبان مكتئبة اوى، يعنى مش مكتئبة لدرجة انها تكون فى مصحة، فممكن تتكى على الحتة ديه.
مشوفتش اى اخطاء املائية و ديه حاجة كويسة جدا، السرد حلو و فى سلاسة مسهلة الموضوع على القارئ، بس فى حتت متسرعة اوى، حتى لو ملهاش اهمية بس هيبقى افضل لو كتبتيها بالراحة.
ككل الرواية بالنسبالى رائعة و انا حبتها جدا، فياريت تستمرى و تحاولى تطورى من نفسك على قد متقدرى.

FarrohaaTarek

اولا الكوفر حلو اوى و بيعبر فعلا عن حالة آستر جميل اوى
الفكرة جديدة و مظنش انى شوفتها قبل كدا و دى احسن حاجة انها محاولتش تاخد من روايات تانية
السرد حلو اوى و يشد و مفيش اى اخطاء املائية
مرة بس قالت صينية الطعام الذى لم تتناول منها شئ و هى المفروض التى
فى المجمل الرواية حلوة اوى و شيقة استمرى
تقييمى 9/10