رواية آجينور
الاسم جديد ويشد،
الكاڤر مش لايق خالص على ال description وأحداث الرواية بصراحة،
ال description جميل، مبهم شوية ويشد الناس تقرأ،
طول التشابترز مناسب جدًا، وبتقفي عن أجزاء حماسية،
الأخطاء الإملائية واللغوية مش كتير خالص وديه حاجة بحييكي عليها، ابقي بس ظبطي حرف الواو وخليه يلزق في الكلمة اللي بعده،
وابقى ظبطي علامات الترقيم، وخليها تلزق في الكلمة اللي قبلها، وسيبي مساقة بينها وبين الكلمة اللي بعدها،
ولكن في حاجة مهمة جدًا جدًا أثرت على الرواية، ايه هي؟
ازاي يبقى في رواية منغير وصف للمكان والزمان والشخصيات؟
الموضوع ده فاصلني جدًا، عشان القصة انت باذلة فيها مجهود كبير وده واضح، ولمجرد ان انت موصفتيش المكان والزمان والشخصيات وعمرهم وشكلهم.. الخ ده بيفصل القارئ ومش بيخليه قادر يندمج مع اللي بتكتبيه
فا بجد نصيحتي ليكي انك تكتبي تفاصيل مهمة زي ديه
النبذة: مشوقة ولطيفة وتقدر تفهمها من أول فصل من الرواية، بسيطة شوية ممكن تكبريها.
الكافر: الرواية محتاجة كافى مكتوب عليه اسم الرواية والكاتبة ويكون شكله جميل، بس برده الصورة المحطوطة مش مناسبة لفكرة الرواية والجو العام، يُفضل تطلبي ديزاين ❤️
البداية حلوة بس كان فيها أسماء كتير، لو الأسماء تقل شوية وتظهر برده بس بعد فترة نكون حفظنا الأسماء المهمة، من وجهة نظري ممكن لو تكون البداية على شكل سردي حدث أو مشهد، لأنك كأنك بتقولي مقدمة توضيحية لكل حاجة عشان تبدأي القصة على طول، وده اللي كان معقد شوية.
الفكرة جميلة بس مدتيش فيها السرد والوصف الطويل حقه، الكلام عندك في بعض الفصول حبة منه كانوا شمال وحبة يمين، يفضل لو كله يبقا يمين.
فيه بعض التشكيل غلط، زي «داخل محلٌ»
الغموض حلو بس حاجات كتير كانت غامضة وده خلى الجو محير شوية للقارئ.
طريقة الحوار حلوة والأخطاء الإملائية قليلة جدًا، شيء أهنيكِ بجد عليه ❤
يفضل لو توصفي الأماكن برده وصفات شكلية بسيطة.
الفاصلة بتلتصق بالكلمة اللي قبلها وتبعد مسافة عن اللي بعدها، اتأكدي من ده ❤
بحب حركة وضع الأسماء بين أقواس تنصيص جدًا، شيء لطيف في كتابتك ❤
بعض الفصول كان فيها حوارات كتير، حاولي تكتري في الأحداث برده معاها.
الملخص: لطيفة وفكرتها حلوة جدًا، محتاجة بس سرد ووصف أطول، وتوظيف الغموض في القصة بشكل حلو، سلمتِ ❤
Byun_Rahma04
أولاً الكافر:اظن الكافر مش مناسب لمحتوي القصة ومش هيجذب القارئ
ثانياً السرد:السرد جميل جدا ووصف الأشياء ممتاز ومفيش أخطاء املائية كتير ودي حاجة كويسة جداً
ثالثاً الاحداث:حلوة بس مفهاش حماس كتير انصحك تكتري الحماس بحيث ميملش القارئ
رابعاً:اظن ان عناوين الشابترز مش حماسية يعني في جزء من القارئين بحبوا يشوفوا عناوين الشابترز لو لقوها تقليدية مش بتجذبهم الرواية بس لو كانت فيها غموض وتشويق هيتحمسوا وهيحبوا يقروها
خامساً:مش ملائم ان لما بينتقل المشهد نحط فاصل من نقط(...............) ممكن تكتبي المكان وهكذا
نبذة حبيت اوضحاها:انا كقارئة مش هحب يكون في الرواية اسماء كتيرة وصعبة وهاخد وقت طويل اني احفظها وهتلغبط بينهم
سادساً:اظن لما تيجي شخصية تتكلم حديث عقلي ناخدها جانب في الفصل لوحده و نكتب العنوان (حديث نفسي) هيكون افضل
سابعاً:اظن الفصل لو طول كويس هيكون ممتاز
التقيم النهائي:٧/١٠
نقد:
الكافر❎
العناوين❎
الفاصل❎
الاسماء❎
ايجابيات:
الاملاء☑️
الاحداث☑️
طول البارت☑️
السرد☑️
{نصحيحة}
اظن لو حسنتي الحاجات اللي قولت عليها ونقدتها هتكون روايتك ممتازة اتمنى تكوني كاتبة مشهورة للغاية مستقبلاً واكون سبب في تحسنك، روايتك جميلة دي نصايحي واتمنى اكون سبب تحسن مهاراتك الكتابية♥️
أنت تقرأ
Unknown Soldiers Opinions
Randomاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
