Unknown Soldiers Opinions

الرأي السابع والثلاثون.

رواية سِيمفُونِية مَجهُول
gamilazayngirl

بالنسبة للغُلاف : الغلاف بسيط اوي مشدنيش اني اقرأ او اعرف القصة بتتكلم علي ايه عشان في العادة الغلاف هو اول حاجة القارئ بيبص عليها حتي لو من برا من غير ما يعرف الوصف مكتوب في ايه بنصحك انك تغيريه لحاجة بتناسب محتوي القصة اكتر

الوصف : قصير و لطيف الجملة عجبتني الصراحة

السرد و حبكة القصة : القصة جميلة جداً رغم ان فيها كأبة كتير بس في جمال في الكأبة دي اثرت فيا رغم انها ست شابترز و الشابتر السابع النهاية ، حسيت بالحزن لما اصابه و فقدان بصره و زعلت لما عرفت ان مامتها ماتت ، حرفياً طريقة سردك وصلتلي مشاعر البطل و البطلة و اسمها حلو اوي 'إيڤ' ، وحته ان صديقه معاه علي طول علي الحلوة و المُرة دي برضو يعني لمست وتر حساس جواية و فعلاً الرواية جميلة جداً ، بالنسبه للأخطاء الاملائية ملقيتش خالص. والسرد متقن و الحبكة مُتقنة بطريقة جميلة متزهقش بالعكس تشجع انك تكمل للشابتر اللي بعده ، هو بس قلة علامات الترقيم و الفاصلة و نقطة النهاية دي اللي محتاجة تتعدل بعد كل موقف مثلاً او جملة وهتبتدي جملة تانية حطي فاصلة " ، " عشان تخلي الدنيا اروق و الفصول طولها مناسب مش طويلة اوي ولا قصيرة اوي ، غير كدا القصة جميلة وعجبتني

تقييم كُلي ١٠/١٠

Queen-Valerie

الغلاف كان يحتاج بعض الألوان، وبما إن الرواية عربية وعنوانها عربي يُفضل العنوان على الغلاف يكون عربي.
العنوان مناسب جدًا جدًا للقصة وشاعري نوعًا ما بشكل لطيف.
النُبذة جميلة.. لكنها مقتبسة احرصي إنك تقولي إنها مش ليكِ.
سردها جميل، ومناسب لجو الرواية لكن كترتي من التشكيل دون سبب وده خلى القراءة صعبة، التشكيل بيتحط على الكلمات اللي ممكن حد يتلغبط فيها بس.
بعض الأشياء لم تكن منطقية مثلا من ينفق على سيهون وبيكيهون، ازاي عرفت ايڤ عنوان بيته وراحتله من غير ما يقولها؟ الحب كان سريع جدا جدا، على الأقل تطلب يواعدها أو تقول انها منجذبة، لكن اعترفتله من حوالي ٥ أو ٦ لقاءات بينهم.
المشاعر كانت كتير جدًا، يعني أحيانًا كان غيه مبالغة بالوصف في الحب والحكايات رغم انهم مشافوش بعض غير مرات قليلة جدا، لكن برده اختارتي كلمات حلوة في الوصف.
كانت قصة خفيفة ولطيفة فيها مشاعر كتير ♥️

_UgBettiely_

الكاڤر كانت محتاجه تشتغل عليه اكتر من كدا علشان حساه عادي
الديسكربشن أعتقد انه رغم كونه كام كلمه لكنه وصف الموضوع بشكل حلو اوي
انا شوفت دراما كتير اوي بطريقه كانت ممكن تكون أحسن من كدا لكن الحبكه عجبتني وكدا والسرد مبسط وجميل وانا مواجهتش اي مشكله معاه فـ هديها
٦/١٠

AladwyTsobaky

النبذة لطيفة
الغلاف، أشعر أن شيء ما ينقصه، لكنه لطيف
أما عن القصة فهي لطيفة بحق، لطيفة للغاية.
لكن نصحية، رغم أني أعلم كم أن تشكيل الكلمات مُرهق، لكن من الأفضل عدم تشكيل جميع الكلمات، ربما الكلمات التي تمتلك أكثر من معوى فقط.
في إحدى الفصول قمتِ بكتابة كلمه "ذكرايات" من المفترض أن تكون "ذكريات" لا يوجد ألف بعد الراء.
غير ذلك فهي لطيفة جدًا، كنت أشعر بكل حرف قمتِ بكتابته، سلمت يداكِ.