رواية "إماجين"
إسم القصه والغُلاف:
محبتهوش نهائي فممكن تطلبي من الجنود يعملولك واحد قيِّم لقصتك.
الإسم جميل جدًا وويرد وجديد وكويس إنك معملتش الإسم 'لعنة إماجين' علشان كان هيبقى متداول كتير بالنسبه لكلمة (لعنة) وأي إسم مكان جمبها.
الوصف:
الوصف لطيف بس مش غامض بالإضافه إنك كلمتي القارئ نفسه، فده شئ في حد ذاته مش بيجذب
بس بعد ما قرأت القصه فالوصف أجمل ما يمكن!
المُحتوى: صدقًا محبتش تنقل الأحداث في البارت الأول ولا الرومانسيه بتاعت البدايه على إن آدم خايف عليها وإنها متروحش الرحله، كنتِ تقدري تطولي في مشهد زي ده بس بجد حسيت بحاجه ويرد فاهمني؟
قافلة البارت فاجئتني والله وحبيتها جدًا وخلتني اللي هو إيه اللي هيحصل أو إيه ده في إيه، بس برضو كان لازم تتطولي في الأحداث شويه أو تشرحي شويه أكتر، حسيت إني إتخطفت!
ده بالنسبه للبارت الأول، البارت التاني بقى كان جميل جدًا ومتوقعتش إنه هيعمل كده برضو، بجد أفكارك فاجئتني!
والبارت التالت كان جامد بجد وحبيته، أحلى حاجه حبيتها إن مثلا مش بتكتبي أحداث ملهاش لازمه وممله لا بتكتبي المهم ودي حاجه حقيقي حبيتها وهي اللي مخلايني مكمله في القصه.
البارت الرابع كان تحفه وحرفيًا شابوه على تنقل تنسيق الأحداث لحد دلوقتي!
معنديش أي إنتقاد لباقي البارت'س علشان كلهم بير-فكت (بصوت ليام)
الإخطاء: في بداية البارت الأول طلعت أكتب الملاحظه دي سريعًا، أولًا عايزه تتكلمي أو تشرحي حال الأجواء حواليكي أعملي فصلات زي (.....، ....) وهكذا إنما النقطه (.) دي لنهاية الجمله علشان تقفلي الحدث وتبدأي في جديد، أوكاي؟
كما أن يُفضَّل إن حديث وحوارات الأشخاص يكون في علامات تنصيص ( "...." قال/أردف/تنهد قائلًا.. إلخ )، وأتمنى تعدلي على القصه لأنها فعلًا جميله وروعه وتستحق تتعبي فيها حقيقي!
في البارت التالت العجوز قال في الأخر "مرحباً" ده خطأ، عامةً التنوين بيتكتب مثلًا كده "سلامًا، مرحبًا." أرجو تصلحي الخطأ ده
التقييم: ٨.٥/١٠
اولاً الغلاف:أظن الغلاف مش مناسب لمحتوى القصة ممكن تتطلبى من الدايزن بتوع الجروب يعملولك
ثانياً السرد:السرد حلو بس أظن يحتاج شوية تعديل
ثالثاً الأحداث:الاحداث اظنها فى البدلية تقلدية و اظن محتاجة شوية حماس عشان تشد القارئ
التقيم: 10\7
{نصيحة}
اولاً:الغلاف يتحسن و يكون ملائم لمحتوى القصة
ثانياً:السرد محتاج تحسن بحيث اقدر افهم المحتوى بشكل اعمق
ثالثاً:الاحداث محتاجة حماس فى البارتات الاولى عشان القارئ بيتشد من البارت الاول لو لقيه حماسى و مش تقليد بيكمل القراءة
الرواية عامة قصتها حلوة بس هتحتاج شوية تعديل و اتمنى اشوفك فى قصص تانية🍃🌸
الكاڤر بتاع الرواية مش بيشد القارئ بصراحة،
ال description لطيف، كان ممكن يبقى أقوى بس ماشي يعني شغال،
أسماء الفصول جميلة، وحلو ان لكل تشابتر عنوان،
التشابترز الاولى قصيرة جدا جدا، ولكن في الآخر بدأتي تخلي الفصول أطول، نصيحتي متخليش فصل أقل من 1000 كلمة،
حبيت فكرة الأسماء العربية جدًا،
السرد مش أحسن حاجة بصراحة، هحب إذا شرحتي المكان والأشخاص والجو.. الخ،
بدأتي الرواية تقريبا 29/6 ونزلتي منها 15 فصل، ده شيء بحييكي عليه،
الأخطاء الإملائية كتير بصراحة، حاولي تراجعي الفصل بعد ما تكتبيه
الغلاف: حساه بسيط جدًا هيبقى أفضل لو طلبتي من الديزاينرز يعملولك💙
السرد: السرد ووصفك مش كفاية عشان يجاري جمال الفكرة، الفكرة جميلة جدًا ولكن بتتسرعي جدًا في الوصف.
الأحداث: لطيفة جدًا وبتشوق القارئ بس السرد مبوظها شوية.
الفكرة: الفكرة عجباني جدًا
اللغة: محتاجة تنمي لغتك كتير وتراجعي البارت كتير جدًا قبل ما تنزليه لأن فيه اخطاء املائية زي مثلًا الهمزات أو التنوين أو الألف اللينة والياء، وكمان حاجة المحبذ أنك تحطي فواصل مش نقط في نص الكلام.
خدت بالي أنك بتعملي ابديت بسرعة فدي حاجة لطيفة أوي
أتمنى في المستقبل أشوفلك حاجات جديدة بتطور أكبر🥰💙
الغلاف: بسيط ومش معبّر أوي، يفضل لو تطلبي غلاف من المصممين.
النبذة: مش مشجعة للدخول أوي لأنها مش مفهومة، لكن لو قرأت هتفهمها، يُفضل لو تغيريها لشيء أوضح شوية.
السرد واللغة: النقطة بتكون في آخر الجملة بينما الفاصلة تكون في أي مكان في الجملة ما عدا أولها وآخرها.
تلتصق علامات الترقيم (مثل: ، . ؟ !) بالكلمة اللي قبلها وتبعد مسافة عن الكلمة اللي بعدها زي: «هذه صديقتي، رحمة» اتأكدي من الموضوع ده.
الهمزات قليلة الأخطاء، لكن اللام مش حرف عطف زي الواو وهي مش للسرد يعني، استخدمتيها كتير زي «ليصيح به، ليصدح صوت الهاتف»
يُفضل لو تنتبهي للفرق بين الألف المقصورة (ى) والياء (ي) عشان اتخلط بينهم كتير في كلمات زي: حولى، وعيى، سحبى.
خلطتي بين (أن) و(إن) كما ان كلمة (شئ) تكتب (شيء)
بس أسلوب السرد والحوار عجبوني.
ولو تقدري تزودي بعض الوصف في الأحداث بكلمات حلوة يبقا جميل ❤
+ أول شابتر مكانش مشجع جدًا، وماخدش الطول اللي يستحقه يعني
لكن من حيث الفكرة فهي كانت جميلة وبرّاقة تستحق يعني، واستخدام أسماء عربية كان من أفضل الأشياء اللي قابلتها في القصة.
لو تقدري برده طولي الفصول أكتر وحطي اجمعي فيها أحداث اكتر.
أسماء الفصول كانت حلوة لكن احرصي إنها متحرقش المحتوى، خليها غامضة وغريبة متتفهمش إلا بعد ما يتقري الفصل.
وقللي شوية لو تقدري الشرط دي (-----) اللي هي بين المشاهد.
بس كدا على قد ما تقدري راعي النقاط فوق ❤
أنت تقرأ
Unknown Soldiers Opinions
De Todoاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
