Unknown Soldiers Opinions

الرأي التاسع والعشرون.

رواية عالقة في الماضي

OMKLALA
بسم الله

مبدأيًا الكوڤر لذيذ و عجبني ولايق على اسم القصة اوي
اسم القصة برده جميل وعجبني

السرد: السرد حلو اوي في نواحي، ونواحي تانية ضايقني بصراحة، يعني سردك لمشاعرهم حقيقي جميل جدا وتصويرك الخيالي برده حلو اوي، لكن ضايقتني اوي فكرة انك تكلمي القارئ حتى لو الموضوع انها قصة بتتحكي من قِبل شخص، لانها بتفصل، بكون مركزة مع سردك للموقف والاقيكي بتكلميني مرة واحدة، فا ده شئ بيستوقفني كل مرة، فا لازم تعدلي الحتة دي

في حاجة كمان وهي انتقالك من وجهة نظر الكاتبة لوجهة نظر البطلة مكانش قد كدة، يعني مينفعش تقطعي من نص الموقف والمشاعر و مرة واحدة تقولي انك هتنقلي، حتى لو عاوزة تعملي كدة انقلي زي ما بقولك كدة من غير ما توجهي كلامك للقارئ، بس استعملي مثلًا فاصل زي: ____ او *****
و ابدأي اتكلمي من وجهة نظرها و احنا هنفهم، فهماني؟
لكن بجد سردك و تعبيرك حلوين جدا ولكن ده مينكرش انك لازم تشتغلي اكتر برده

الاحداث: فيها حاجات عجبتني وحاجات لا برده

•بدايةً فيه حوار لغبطة جامد، في ايه بقى؟
المفروض انها روحت البيت ملقتش حد، الباب خبط، فتحت لقت ولد باين عليه انه عنده ١٧ سنة و اسمه جوناثن، دخل و اتكلموا و بتاع، و اول ما نزلوا يتمشوا وراحوا بيت جيرانهم ال لقوه بيولع، وفجأة كانت بتعيط مع شخص و بتطلب منه انها تشوف اهلها و بتاع

ده شئ حلو اوي، انا حصلي ايرور في ايه بقى؟ انه انا مكنتش اعرف ان هاري و جوناثن دول اتنين، انا كنت فاكرة انه اللي راحلها البيت ده هاري، بس ضحك عليها و قالها انه اسمه جوناثن عشان متفتكروش و كدة، لكن مع الاحداث اكتشفت ان في بني ادم معانا اسمه جوناثن فعلا و يبقى اخو هاري

انت موضحتيش ده نهائي في البداية لانك مقولتيش ان هوية الشخص الهي عيطت معاه ده يبقى مين؟ فا اي حد بيقرأ هيثبت في باله انه هو جوناثن لانه هو الجه معاها في الاول
فا ده لازم تظبطيه عشان محدش يتوه من الاول

•عجبتني اوي فكرة الفلاش باكس وربطها بالواقع، اللهو لما جملة بتتكرر بترجعي بالزمن تجبيلها موقف، حقيقي حبيت ده جدا

بس منكرش عليكي الدراما كانت عالية زيادة عن اللزوم في القصة، يعني كان لازم تفصلي بحدث تشويقي بعيد عن فكرة هاري و رايني اصحاب الطفولة، لان ده هيوّلد ملل ولو طفيف للقارئ، فلازم تشديه بحدث مهم فعلا

الحوار: كان لذيذ بصراحة مواجهتش صعوبة معاه وحسيته كويس

علامات الترقيم: كنت مهملاها في الاول بس بدأتي تواظبي شوية في الاخر، لكن راعي ان ال (،) أولى تتحط بين الجمل بدل ال (...)