رأينا في رواية المهمة الأخيرة
الغلاف: جميل جداً، حبيته.
النبذة: لطيفة وبتعبر عن القصة، بس لو أنا فهمت صح يبقى محتاجين فاصلة بعد كلمة لتخطوها.
عشان يكون معناها ( أحيانا بنفتكر إن دي آخر خطوة هنخطوها(في طريق معين) بس بتكون اول خطوة في طريق ظلام وهكذا).
السرد: سردها حلو، بس أظن القصة محتاجة إنها تسرد بنفسها الاحداث ك راوي، يعني مش بس تسيب الأبطال يسردوا ويحكوا وكده، تدخل معاهم وتشرح الحاجات اللي إحنا مثلاً مش فاهمينها أو توصف وصف شامل للي بيحصل عشان القرّاء توصل لهم الصورة كاملة.
اللغويات: ضعيفة شوية من ناحية الكلمات، كررت كلمات معينة مع إنها ممكن تعوضها بكلمات تانية عشان تخلي النص مشوق أكتر، وعندها بعض الأخطاء الإملائية.
الحبكة: عندها فجوات في الحبكة، يعني مأظهرتش حياة البنت قبل الشغل ولا بيّنت ظروفها ولا قالت حاجة عن أهلها، ودي في نظري حاجة مهمة، لإني لما أقرأ أكيد هسأل عن الأهل والظروف وكده
بس بما إنها to be continued ف ممكن تقول ده في ال parts اللي جايه + الجزء بتاع توماس لما كان بيبكي على موت اخوه وفجأة مسح دموعه وبدا يسألها
حسيت إن الموقف مأخدش حقه، يعني كان ممكن تطلعي مشاعر أكتر من كده من أخ عرف بانتحار أخوه
وهو ده سبب إني بقول تدخل بشخصيتها ك رواي عشان تكمل الجزء الناقص ده.
الأحداث: أنا فاهمة إنها عايزة تعمل فلاش باك كذا مرة عشان تشرح كل حاجة وده مشوق طبعاً لكن بيخلي الواحد يتشتت لو زاد الموضوع أوي عن حده.
يعني انا مثلاً كنت بعيد البارت مرتين عشان أفهم مين عايز ايه، بس الأحداث حلوة برضو♥️
في المجمل القصة روووعة جدا♥️🥺 وهستنى تكملها بجد لإنها شوقتني😍
تقييم: ٧/١٠
الكوڤر: هو تمام بس يستحسن لو واحد تاني يعبر عن مكنون الرواية اكتر، لكن ده تمام مديها روح الغموض
الديسكربشن: قام بدوره في الغموض بصراحة و تشويقي و جميل حقيقي
القصة بقى:
السرد بسيط و حلو، لا هو يميل للدناءة ولا للكمال
لكن متوسط و ميضايقش ابدا في القراءة على العكس، بس محتاج منك تشتغلي عليه شوية
وصفك للاماكن و القبو و هكذا كان بصراحة كويس جدا، محستش بمعاناة في التخيل على العكس تماما
بداية القصة حلوة جدا و في جمل كتير اوي عجبتني
كنت موفقة اوي في توزيع الغموض، يعني كان فعلا من اللازم ان اول كان شابتر يبقوا مش مفهومين، بس نظرا لان الستوري لسه مخلصتش فا انا حسيت برده بالتوهان في الشابتر السابع
أنت تقرأ
Unknown Soldiers Opinions
Randomاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
