وان شوت "غُربة"
اولاً الكاڤر:الكاڤر مناسب من وجهه نظرى لأنه ممكن يوصف الجهد اللى بيذله المغترب بعيدا عن بيته و أسرته و الاحساس اللى بيشعر بيه.
ثانياً السرد:سرد الأحداث بسيط و فى نفس الوقت مبتكر بس ان فيه كلمة حبيبتى و حبيبى دى ممكن يقراها اى حد بلهجته مش باللغة العربية و يضايق عشان كده المفروض يكون فى تشكيل عشان يعرفوا ينطقوها باللغة العربية
ثالثاً الفكرة:الفكرة الصراحة عظيمةةة أنها بتوصف جزء من المجتمع محدش صَلط الضوء عليه و أننا نقراها و نحس قد ايه بيتعب المغترب سواء تعب بدنى او نفسى دى حاجة عظيمةةة جدا جدا
رابعاً:الحاجة الجميلة فى القصة انه رغم تعبه و حالته حمد ربنا و صلى و توكل ع الله دى حاجة قيمة جدا و عظيمة و بتعلمنا ان مهما كانت مشاكلنا نرجع لربنا و نحمده و نتوكل ع الله و دى حاجة قيمة جداً💕
القصة عمتاً جميلة جدا و مفهاش اخطاء املائية و قصتها عظمةة حبيت القصة و الحبكة و الاحداث و كل حاجة و يشرفنى اقيمها و أديها و اتمنى اشوفك فى أعمال أخرى قادمة💕
التقيم:10\10
{نصيحة}
أولاً:زى ما قولت التشكيل مهم لأن انا أضايقت لما كنت مندمجة بالغة العربية و بعدين الاقى حبيبى و حبيبتى فأكيد هقراها بلهجة مصرية و اى حد هيقراها بلهجته عشان كده لازم نحط تشكيل عشان محدش يضايق منها.
الاسم جميل، والكاڤر مناسب جدًا لمحتوى الوان شوت،
ال description بتاع الرواية رايق، ومؤثر،
السرد كان رايق، ومكتوب بمزاج، والكلمات متنقية بعناية، اتبسطت وأنا بقرأها يعني،
كنت أتمنى تكون أطول شوية، والشرح يبقى أكتر، يعني أنا ملحقتش اقرأ لقيتها خلصت، لو كانت أطول كانت هتكون أحسن،
سينس ان ديه one shot فا يحقلك تكتبي أي عدد كلمات
فا بس يعني كل اللي كنت أتمناه انها تكون أطول، وان بس تركزي شوية في الهمزات،
غير كده حلوة جدًا جدًا ورايقة.
أخطائها قليله جدًا وتكاد تكون غير موجوده ودي أول مره اقرأ روايه وان شوت توصلي الإحساس بالطريقه دي رغم أنها سابت كام نقطه مجهوله كدا لكن الروايه في المجمل جميله والسرد مبسط وجميل واستخدمت معاني وصلتلي قصدها اكتر علشان كدا هديلها ٨/١٠
الكوفر: كان معبر بشكل جميل ولطيف وبسيط وعجبني جدًا
الوصف: جميل ومعبر عن الون شوت بشكل مبسط وراقي
السرد: كان لطيف بس أعتقد كان أفضل لو حطيتي أكتر محادثات، كنت حاسة أنك بتوصفي أكتر من اللازم ومش مهتمية بالجانب الكلامي، يعني كان المفترض يبقى الوصف أقل من كده ولو بشوية بس في المجمل كويس.
الفكرة: رائعة جدًا وعجبتني وأتمنى لو كانت رواية من روعتها.
لغويًا عندك حصيلة لغوية جميلة جدًا ولطيفة بس كان عندي كذا ملاحظة أولًا الهمزات خلي بالك منها أكتر من كده زي "أنه" "أو" وكذلك التنوين أهتمي بيه بشكل أفضل وكمان مفيش مسافة ما بين الواو والكلمة اللي بعدها بتبقى لازقة فيها.
دي أهم الحاجات اللي خدت بالي منها بس في المجمل القصة عجبتني وأسلوبك عجبني وأتمنى لو أقرأ شيء تاني ليكِ💙
التقييم: 8.5/10
الغلاف جميل فهو يعبر عن القصة
النبذة جميلة و جذبتني للقراءة
القصة جميلة و لطيفة بحق لكن شعرت أن النهاية ليست كاملة و ينقصها شيء ما، عدا ذلك فهي لطيفة حقًا.
أنت تقرأ
Unknown Soldiers Opinions
Randomاحنا بنقدم نوع من انواع الدعم القائمة على اننا نقول رأينا في روايتك ازاي؟ احنا دلوقتي اي حد حابب اننا نقول رأينا في روايته هنقرأها وننزل بارت نشرح فيه وجهة نظرنا من حيث (الشخصيات / الأحداث / النظام / الواقعية / السرد / اللغة / الأخطاء الإملائية و ال...
