Itutula Ko

Isang Sulat (Para Sa Inyo #1)

Hindi niyo alam...
Pinipilit ko na lagpasan bawat pagsubok gaano man kahirap ngunit may mga bagay talagang hindi naman pwedeng mangyari o kaya may mga problemang hindi kaya ng kapasidad ko na labanan ang mga ito.

Alam niyo naman....
Napapagod din ako't nasasaktan ngunit parang baliwala sa inyo. Ang hirap tanggapin na kailangan lagi akong magpakatatag at gawin ano ang ninanais niyo na gawin ko. Ako'y tao lang ngunit bakit parang gusto niyo maging perpekto ako na tila ba robot na walang pakiramdam at inaalisan ng karapatang magpahinga't mapag-isa?