" မိုးစက်ပုံပြင် "

အပိုင်း(၁၉)

“ မိုးစက်ပုံပြင် ”                   .. အပိုင်း(၁၉) ...

••••••••••••••••••••°••••••••••••••••••••°••••••



          အဲဒီ့ညက မိုးတွေ သည်းနေအောင် ရွာပါသည်။ မိုးစက်နှင့် စည်သူမှာ တစ်ယောက်အိပ်ကုတင်လေးပေါ် ကျပ်သိပ်စွာအိပ်ရင်း တစ်ယောက်ကိုတစ်ယောက် အပြန်အလှန် တင်းကျပ်စွာဖက်ထားနေကြသည်။ ထိုသို့ဖက်ထားရသည်မှာ နှစ်ဦးသားစိတ်ထဲ အလွန်ပင်နွေးထွေးနေမိသည်။ ကြည်နူးမှုဖြင့် တိတ်ဆိတ်စွာ ငြိမ်သက်နေမိကြသည်။ ခဏကြာတော့မိုးစက်က….

          “စည်သူ…. ငါအလုပ်သွားရမယ်…. ဒီည….”

          မိုးစက်က အားတုံ့အားနာလေသံဖြင့် ခွင့်တောင်းသလိုမျိုး မေးလိုက်ခြင်းဖြစ်သည်။
စည်သူက မိုးစက်မျက်နှာကို ကြည့်၍..

          “အာ.. မိုးစက်ရာ…. မနက်ဖြန်ဆိုကျောင်းတက်ရတော့မှာ.. ဒီညတူတူနေတာ နောက်ဆုံးညလေ.. မသွားပါနဲ့လား….”

          မိုးစက်က စည်သူ့ကို မကြည့်အားပဲ တစ်ခုခုကို စဉ်းစားတွေဝေသလိုဖြစ်နေသည်။

          “ငါပြောချင်တာက.. မင်းကျောင်းလည်း တစ်နေကုန်တက်ရဦးမှာ.. နေ့လည်ဘက်တွေလည်း မအိပ်ထားတော့ ပင်ပန်းမှာပေါ့.. မိုးစက်ရ..။ မသွားနဲ့နော်….”

          မိုးစက်က အကြာကြီး စဉ်းစားပြီးမှ….
          “အင်း.. ငါဖုန်းဆက်လိုက်မယ်ဒါဆို….”
          ဟုပြောကာ ဖုန်းသွားဆက်လေသည်။ ဖုန်းဆက်သံများတွင်.. တောင်းပန်ပါတယ်ဆိုသော စကားများသာပြည့်နေသည်။
မိုးစက်က တော်တော်ကြာသည်ထိ ဖုန်းကိုပြောပြီးမှ အခန်းထဲ ပြန်ဝင်လာသည်။

          “မိုးစက်.. မင်းဘာအလုပ်လုပ်တာလည်းဆိုတာ.. ငါ့ကို မပြောပြရသေးဘူးနော်….”

          စည်သူက သိချင်ယုံသပ်သပ် မေးလိုက်ခြင်းဖြစ်သည်။ သို့သော် မိုးစက်က မျက်နှာချက်ခြင်းပျက်သွားသည်။

          “မင်းအလုပ်က ထူးဆန်းတယ်.. ရက်လည်း မမှန်ဘူး…. ညဘက်လည်း မိုးချုပ်မှသွားရတယ်.. လေးငါးနာရီလောက်ကြာရင် ပြန်လာပြီ…. မိုက်တယ်နော်မိုးစက်။ ဘယ်လိုအလုပ်မျိုးမို့လို့လည်း….”