Breakup Dictionary

Feelings

Feelings (n.)

Isang araw, nilalagnat ako. Hindi ako nakapasok sa trabaho dahil sa bigat ng pakiramdam ko. Para akong pinako sa higaan ko. Buti na lang araw ng Sabado kaya kasama ko si Mama sa bahay. Binabantayan niyang bumaba ang lagnat ko. Tinawagan kita pero ring lang ng ring ang phone mo. Hindi ka rin nag-reply sa mga message ko sa iyo. Tumawag ako sa phone ng bahay niyo pero wala ka raw sa inyo. Feeling ko hindi lang katawan ko ang may sakit—feeling ko pati feelings ko nasasaktan mo. Kailan ba darating ang panahon na may pakialam ka na? Kapag wala na ang lahat?