Breakup Dictionary

Check

Check (vb.)

Umiinom tayo ng kape pero wala sa kape ang atensyon mo. Wala rin sa akin. Ang atensyon mo ay nasa phone mo. Mukhang may kapalitan ka ng message. Mukhang napapangiti ka na nga rin habang nagbabasa ng mga ito. Kasasabi mo lang ng sorry pero parang labas ito sa loob mo. Tinanong ko kung sino ang kapalitan mo ng message sa phone, pero mukhang dahil dito nawala na ang sigla mo. "May tiningnan lang akong reminder. Alarm," sagot mo. Ewan ko sa'yo. Sa dami ng kasalanan mo, nagagawa mo pa rin akong sagutin ng nakakaloko.