#فَتٰاةً_آرهَقتٰهَا_الحَيٖاةً

#فتاة_ارهقتها_الحياة

الحلقة 👈الاولى 1
.
نيرزو :منهارة وتبكي وتتصل بـ هناء وكـالعادة هيا انتظار تتكلم قالت ماعندي غير نسرين تتصل بنسرين وتبكي تعاالي بسرعة نبيك في موضوع ضروري 😭
نسرين : خيرك شن فيه
نيروز : تعاالي قتلك وتبكي
نسرين :باهي جاية جاية
نسررين : ماما اني بنمشي لنيروز مش عارف شن تبيني
ام نسرين : باهي بري لكن ماتعطليش
.. مشت لبست عبايتها نسرين واطقطق ع الباب
فتحتلها فرح اخت نيروز
نسرين : اهلين فروحة وين نيروز
فرح : مسكرة علي روحها الدار ماطلعتش اليوم
نسرين بااهي تمام ياحلوة اني راكبتلها

خشت نسرين علي نيروز حظنتها وهيا تبكي تقوللها اني بنمووت يا نووسة بنموت
نسرين : خيرك ياابنت استهدي بالله كل شي ينحل غير احكيلي انتِ شن صاير قبل ومعاش اديري في روحك هكي راهو مش كويس
نيروز : شن بنحكي شن بنقول حب حياته مشي مني اول مرة نحب ياربي اول مرة نحسس بشعور الاهتمام والحنية علاش ياربي هكي علاش
نسرين : حظنتها خيرك انتي ومحمد شن صاير بيناتكم
نيروز : خلاص انتهي كل شي يانسرين بوي بيزوجني لي واحد تااني اني بنموووت ياناس علاش بيظلموني علاش بيدفنوني واني مزال عايشة
نسرين : بصدمة 😳 انتي متوافقيش عليه هدا يلي يبو يزوجوك ليه

نيروز : توا انتي بعقلك تقوليلي هكي هوا القرار بيدي اني ماك تعرفي انه بابا وعنصوريته ودكتوريته .😥 كان علية مش ح نتزوج غير محمد لكن وعزة جلال الله ما متزوجاته يلي جايبينهولي

~~~~~~~~~~~~~~~
خلي نحكيلكم شوية علي نيروز هيا بنت حلوة جدابة طيوبة لدرجة ماتتصور مواليد 95 تقرأ اقتصاد سيمستر التاني ضايعة عليها سنتين لان امها تعبت ومرضت بالسرطان اكتشو مرضها متأخر ورفعوها تعالج برا ومشت معاها في وقت الدراسة وكان السرطان منتشر لكن صارعت معاها لين ادا الي موتها
ومالحقت انها تكمل معاهم .. نيروز رغم سنها الصغير بس عقلها كبير ومنفتح كانت تشوف في الحياة بنظرة كبيرة بعد ماقواها محمد وشجعها علي هدا الشي بعد ماكانت في حالة من الاكتئاب بعد وفاة والدتها
عائلة نيروز تتكون من زوز بنات نيروز وفرح و زوز ولاد وبوهم
خالد الكبير مواليد 87 وتوفيق مواليد 90 ونيروز وفرح مواليد 2000
كانو من اوصول امازيغية .

~~~~~~~~~~~
نرجع بيكم للوراء شوية ايام التانوي نيروز كانت بنت طيووبة وحبوبة للكل ومش مشاغبة علي حالها كانت عندها زوز صديقات نسرين و هناء
نسرين بنت خالتها ويسكنو جنب بعض غير انهم اقارب بس صديقااات هلبااا
هناء : تعرفت علاها في التانوي كانت شخصيتها مختلفة علي نيروز تماماً لسانها طويل ومشاغبة هلبا وتحب المشاكل بس كان دمها حلوة تخش القلب طول
~~~~~~~~~~~
يوم من الايام والبنات قريب يروحو من التانوي هناء جت تجري لي نيروز
هناء : تعالي نبيك نيروز وين نسرين
نيروز : شن تبي ونسرين مزال عندها حصة سابعة نستنا في الباص امتا يجي
هناء : تعرفي امس نكلم في احمد وقالي بنجيك اليوم قدام التانوي بنشوفك ستاحشتك 😊
نيروز : ههههههه 😂😂 ومني هدا السي السيد احمد واحد جديد شكله وانتي مش الايام يلي فاتو تكلمي في ابراهيم معاش فهمتك انتي يابنت 😠

هناء : يااااااه مقدمك مش فته ابراهيم ماحبيتاش بـــكًل الحمدلله ياربي ريحتني منه هدا احمد شخص ووااااووو راقي واسلوب وجماال وفلوس كامل ومكمل ياحبيبيتي 😂😂 شفته اول امس وانعجب بيا

نيروز : وبه ياسبع البرومبو شن المطلوب مني توا ..
هناء : نبيك تكوني معاي توا لما نطلعو من التانوي مانبيش نطلع بروحي زي القردة يلي هاربة من الحديقة ههههه
نيروز : باااخ هدا هوا باهي نطلعو مع بعض ياسيدي ونشد في يدك باش متريحيش 😂😂

وقعدو يهدرزو نيروز وهناء مع بعض وشوية ورن الجرس ونزلو الطالبات وكملو الحصص
هناء : تعالو بنات خلوني نطلع فوني جايباته اليوم باش نكلم احمد نشوفه وين وصل
نسرين : هههههههه ومن احمد هدا نفسه متع الشهر يلي فات

هناء : وووووه علية ان شاءالله تقصدي هداكا السمين برميل الغاز لالالالالا مش هوا
نيروز : هدي الخانوم دارت واحد جديد

نسرين يابختك ياكبدي مانعرف وين تحصلي فيهم بس نظرب علي حظي اني
هناء : ياسركم لوكلوك اهو يتصل احمد ظمو افامكم الووو حبي وينك
احمد : هنوو اني قدام التانوي زحمة برا الطالبات كيف يطلعو
هناء : حبي خليك شوية حتى الباص مزال مجاش خلي تخف الزحمة شوية
احمد : اوكي عيوني مدرس السيارة جنب المحل يلي قدام التانوي

احمد كان جايب معاه صاحبه الانتيم محمد
محمد شخص خلوق متعلم مش متع جو بنات مش مجرب الحب بحيااته ولا كان يعرف كيف اصلاً جوه متع تفرهيد كان عايش برا ليبيا مواليد 89
حالته المادية كوويسة هلبا عنده شركة يشتغل فيها بأسمه ومحل ملابس ومطاعم إلخ .....
~~~~~~~~~~~~~
هناء : تتصل بـ احمد اني طالعه توا
احمد : اوكي عنوني
ولع سيارته وجي جنب التانوي
نيروز : وينه تعيس الحظ متعك
هناء : حي ع العبيطة معاش تشوفي السيارة كيا رصاصية
نيروز : اما هوا السيارات هلبا دوخوني
هناء : اهيا اهيا قربت شوفي علي يمينك
وهني كااانت اللحظة يلي شاف فيها محمد نيروز والولد صارله زي السحرر شعور اول مرة يحس فيه قعد يشبح لي نيروز ومعجب بيها رغم البنات يلي كان يشوف فيهم في ايطاليا والمانيا وفي الشركة هلبا بس اول مرة بنت تخطف عقله هكي

هناء : شفتي احمد اهوا يلي لابس جكيت اسود الله شن رايك فيه 🙊
نيروز : اما احمد 😳 اني معاش فهمت شي هيا شافت محمد عجبها شكله وجماله وعضلات جسمه حلو عيونها قعدو قلوب قلوب صارلها ستك عجبها ع الاخر .
البنات ركبو في الباص 🚎🚌
.
.
.
.
.
.
.
.
.
.
يتبع في الحلقة القادمة

#ان_شاء_الله الحلقة تنال اعجابكم

الكاتبة ~هدير محمد 😍🌸