#فَتٰاةً_آرهَقتٰهَا_الحَيٖاةً
الحلقة 👈 السَادسة عشًر ( 16 )
نيروز مضاايقة حااسة بوجعه مش قادرة تقوله لي حد .. ع النت محمد مسكر ليه يوم
نيروز ترن علي نسرين
نسرين ؛ اهلين حبيبتي
نيروز ؛ اخخخ لو تعرفي شن صاير فيا نتمنى توا نموت ونفتك من كل هالعيشة وقلبي ياناس مضااايقة قريب نطربق
نسرين ؛ خيرك روزتي ياروحي انتي معاش تغششي روحك شن فيك
نيروز ؛ محمد يانسرين محمد
نسرين ؛ خيرها ..
نيروز ؛ يلي قبل مستحيل يفوت ساعتين تلاتة ميكلمنيش فيها ديما في جنبي نشوف فيه كل يوم نشكيله في همي حااسة بالدنيا دايرة علية ومخنووقة مفيش من حاسس بيا
نسرين ؛ نيروز نيروز الولد اكيدة مش فاضي محمد ونعرفه يموووت فيك والله والله مايقدرش يخليك ماتفكريش في حاجة بايخة باللهِ عليك ..
نيروز : تبكي ومتأترة من كل شي صاير معاها والوضع يلي هيا فيه
نسرين : اسمعي خلاص امسحي دمووعك بلا هباال وحق ربي توا نطلعلك من للفون رااه 😂👌
نيروز ؛ خلاص خلاص مسحتهم وياريت تطلعيلي تكوني جنبي
نسرين : تعرفي شن اديري توا بري شدي القرآن واقري سورة النور باش تستريحي لكن اسمعي الخبر هدا حني بنجوكم الاسبوع الجاي .
نيروز : زي ماتقولو جري فيها الدم وحست براحة .. اخخخ واخيراً
~~~~~~~~~~~~~
محمد : قاعد في المطار وطائرته قريب بتقلع
بعت مسج لنيروز ( اني نحبببببك صح بعدت عليك فترة لكن انتي تعرفي انك ديما في باالي وخيالي وبنعوضك بكل شي ياروحي انتِ )
نيروز : حي محمد فتح النت رجعتله مسج ( اااه ياقلبي واني نعشقك معاش اطول علية منقدرش علي بعادك 😢)
محمد : هههههههه ياربي عسسلي اني جايلك يابهلوولة وبنعوضك اااخخخخ قداش مستاحشك وبااس فونه وسكره
نيروز : خززززي علاش سكرت واني كيف فرحت 😒 واااااك
نيروز امها راقدة خدت وطلعت برا في حديقة المستشفى وقعدت على الكرسي
نيروز : تبكي وتحكي مع روحها .. اني لي امتى بنقعد هكي توا فاتت سنة واني علي هدا الحال علاش ياربي علاش .
وبصدفة فايت حاتم وشاف نيروز وهيا شادة يديها علي راسها وتبكي حاتم قرب منها
حاتم : استهدي باللهٌ يامفعوصة مافيش حاجة تستاهل دموعك .
نيروز : قامت راسها اني مفعوصة تقدر تمشي من وجهي مش ناقصاتك اني 😏
حاتم قعد جنبها : تعرفي انَ الدنيا هادي ملياانة همووم .لو تعرفي مصايب الناس صدقيني بتهون عليك مصيبتك اني واحد من الناس طول حياتي واني شااقي مستمتعتش بحيااتي زي باقي الشباب ( نحكيلكم شوية علي حاتم .. شاب جميل عنده كريزمة وشخصية رووعه طول وعرض وجداب . انسان في قمة الروقي والادب ) ووووو ومع قدرة حاتم في الاقناع حست نيروز بالراحة من كلام حاتم وفتحتله قلبه وقعدو طول الليل وهما يدردشووو وضحكاتهم تعلى وتعلى .
نيروز : خلاص اني توا بنركب لي ماما الوقت تأخر ومحسيتش بيه معااك بصرراحة انت شخص رائع وشكراً جداً لسماعك همومي وعطيتني هلبا حلول ميرسي بجد 💟😍😍
حاتم : ولو هدا واجبي واني يسعدني ويشرفني صديقة زيك
~~~~~~~~~~~~
في مساء اليوم التاني ~~
نيروز : وهيا خاشة لغرفة امها
بو نيروز : تعاالي نيروز بسرعة بسرعه شوفي شهوودة كيف تضحك
نيروز : ياااروحي عليها العسسل تهبل امووواه امووااه خاااطري شدك هكي ونضحك يامعفنة تهبلي هدوولة كيف حالك شن اخبارك وين خالد
هديل : الحمدلله كويسين كلنا وخالد مهناش توا طالع
نيروز : لما يجي خليه كلمنا
ويرن فون نيروز ،،،
نيروز : هاك بابا التليفون كمل هدرزة مع المشفشفة اني فوني يرن هدي اكيدة وحدة من البنات
وطلعت من الغرفة
نيروز : مني هدا رقم غريب 😶 الو
محمد : Hi
نيروز : تك فصل عليه . انبي اخطوني منعرفش انجليزي هدا واحد غالط
يعاود يرن
نيروز : مني مني منعرفش انجليزي ولا ايطالي فهمت مفهمتش حاجة تخصك
محمد : ههههههههه حي علي المجنونة قصدك معرفتينش
نيروز : حمووودتي 😍😍😍 .. قريب طااارت من الفرح انت وين قاعد هني
محمد : ياعيووون حموووودي انتي جيت علي خاااطرك بنشوفك وبنحظنك مستاااااحشك ياقلبي انتي
نيروز : وعيونها مليانا دموووع . وخانقتها العبرة ستااااحشتك هلبااااا
محمد : ااسسس معاش كملي كلامك اني قاعدلك هني بنشووفك كل يوم وبنعوضك بكل يلي راح ..يالا اني توا كيف طالع من المطار خديت شفرة وكلمت على طوول توا بننزل في الهوتيل يلي حاجزتهولي السكرتيرة ..نوصل ونرقد شووية وبعدين نرن عليك يااقلبي
نيروز : حسيت البرووح رجعتلي ياعمرري
محمد : اني ديماا جنبك متخافيش امووواه نحبك
نيروز : نموووت فيك
.
.
.
.
.
.
.
.
.
.
يتبع في الحلقة القادمة
الكاتبة ~~ 💟 هدير محمد
أنت تقرأ
#فَتٰاةً_آرهَقتٰهَا_الحَيٖاةً
Lãng mạnقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
