#فَتٰاةً_آرهقَتٰهَا_الحَيٖاةً
الحلقة 👈 الرابِعة والعـشرون (24)
هناء : تعالي نيروز شوية .😉
نيروز : ! شن الناس هدي شخص تقوله لالا مانبيش وهوا لا حياء ولا مستحى 😠
هناء : شكله الولد مغرم بيك ياهبلة
نيروز : هدا دراه كبد وماعنداش ضمير ، اني مانبيش حد غير محمد 😫
هناء : توا مصدقتيلي محمد انتي هدا لو راجل حق راهو جي خطبك حبيبتي وتزوجك على طوول من كلمتيه مش توا تلاتة ايام من بعد ما كلمتيه
نيروز : ( بدت تخمم بينها وبين نفسها وخش الشك راسها ) زعما جديات ماكلمش بابا لانه مجابليش سيرة نهائي ومحمد مانبيش نكلمه ونكسر كلمتي .. وحق الله الا فديت من مصطفى و زاد جايب عيلته اليوم هدكي كملت 😡
هناء : هيا حني طولنا ع الناس برا قعدو بروحهم عيب ، لكن اسمعي شن راسك نكلمه محمد اني ونشوفه شن دار جديات يحبك ويببك وهل طلبك من اهلك ولا لا
نيروز : باهي ايه عجبني الفكرة بس شن بتقوليله !!
هناء : شوفي بنقوله ،، شن حالك ووو .. وشن صار فيك درت خطوة طلبت نيروز من اهلها . وبنشوفه شن بيرد علبة لو قالي لا ،، بنقوله نيروز مش فاهمة كيف ادير هيا خدت قرار انت تبيها و تحبها و رايدها بالحلال مهلتك للأحد مجيتش طلبتها رسمي انسى وحدة اسمها نيروز لان اهلها جابرينها علي شخص ويبوها توافق عليه ..
نيروز : باهي تمام وبعدين نعطيك رقمه وتوا خلي نسقدو يلي عندنا و بالله وقوليلي شن يقولك 😊
هناء : تمام
نيروز : فرح فرح
فرح : نعم شن فيه .
نيروز : هاك الفلوس بري للمحل جيبي قهوة تمت بسرعة
فرح : به هوا الواحد في الحوش هدا يقعد يقرأ
هناء : هههههههه البنت هدي بتطلع وحيدة
نيروز : اي شفتيها ولا
💐 النساوين فـ الصالة
الخوات
__ الاولى : وووه. شفتيها قداش شابحة في روحها ورافعة خشمها
__ التانية : تشقرش يابعدي من حقها شوفي الحوش يلي عايشة فيه .. لكن نموت ونعرف الفرخ خوي ون طاح فيها بس ، ( طبعاً يتهامسو بالامازيغي )
_ الام : باهي نحشمو . ولا إل ايودان ( قاعدين عند الناس )
. ادج انروح وانقرم في الراحة انغ ( نروحو ونقرمو علي راحتنا )
. وخشت نيروز في يدها العصير وهناء الشكلاطة والماكرون يلي جايباته هناء 😉
ام مصطفى : سلم بنتي صحيتي علاش هدا كله صحيتي يافالحة زين ما اختار ولدي هدا الغالي عينه واسعة عارفاته مايضرب الا ع القوي
_نيروز مش عاجبها الكلام وطايرتلها وضيفتهم احسن ضيافة لان هدا من كرمها رغم ان كان تتمنى لو الناس هدي عيلة محمد كيف حتكون فرحانة
ام مصطفى : يرن فونها ' يا لا وليدي حني طالعين هي
هناء : خيركم. اقعدو تعشو
ام مصطفى لا صحيتو هيا بسلامة و ربي يقدر يلي فيه الخير محلاها روزتنا بسلامة بنيتي
نيروز : ( اخخخ مشناكم ) ياريتكم قعدتو
أنت تقرأ
#فَتٰاةً_آرهَقتٰهَا_الحَيٖاةً
Romansaقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
