#فَتٰاةً_آرهَقتٰهَا_الحَيٖاةً

#فتاة_آهقتها_الحياة

الحلقةٍ 👈الرابعة ( 4 )

توفيق :جبد يد نيروز بقووة وضربها كــف وكششخ علاها
محمد : يدافع علي نيروز جابها خلفه ويتعارك مع توفيق
توفيق : يتعارك مع محمد ويحز فيهم احمدد و ضرب محمد بووكس علي مرش الكافي وغاب ع الوعي محمد
نيروز : ترعش وتعيط
هناء : خدت نيروز ورجعوو ع الحوش جري
نيروز تبكي وتقول ياحليلي شن درت في روحي بيقتلني اليوم اااااه ياقلبي محمد شكله ماات شفتيه كيف دااااخ
ياربي كله منك ياهناء خززي عليك من قالك يجينا للكافي شوفي شن صاار توا .. ان شاءالله يطلع مافيه شي كان يصيره شي نمووت اني من غيره مانوقعش روحي من غيره مسسستحيل ياارب استجيب لدعووااتي .
وصلو البنات للحوش
توفيق : خلا محمد محدووف ع الارض وهوا بكل فشش كل غله وصل لحوش هناء يكلكس بيييييييييييييييييييييب بييب بييب نزل رن الجرس ويتصل بيها مقفل طلعتله هناء
هناء : قالت لي نيروز متخافيش ني ننزله ونكلمه
نيروز : بكل خووف كيف بنروح معاه توا
هناء : اسكتي توا نتفاهم معاه اني
نزلت هناء فتحت الباب
توفيق : تعرفي تناديلي نيروز توا
هناء : اسمع اني بنقولك كلمتين بالله ما اديرلها شي والله مادارت شي عيب مجرد ولد جي يسأل فيها علي شي وخلاص
توفيق : شني تحسابيني بيبي نمص في صبي لما نويها اني اليووم لما انسيها الحليب يلي شرباته اني شوفتهم بعيووني بعيوني يلي بياكلهم الدود واقف علاها وشادها بيده وقرب علاها شفتهم بعيني بعيني اسمعي تطلعي توا تناديها لانه مانبيش نديرلكم ششرة هني ويسمعي الناس كلهم
هناء : نيروز خوك يالطيف منه بري روحي
نيروز : خلاص يلي درته درته نتحمل العواقب
نزلت نيروز وركبت في السيارة وماتسمع هناء الا في تشليش السيارة في السيارة
توفيق : يرن فونه ويسكر عليه
روحت نيروز خشت لدارها وخشلها توفيق سكر الباب بالقفل ضربها وهزبها وقاللها كلام يسلخ البدن خدي منها تليفونها
توفيق : وقرايتك هدي انسيها توا معاش فيه ومعاش فيه لا طلعو ولا شي هدا كان ولد كويس راهو جااك زي الناس والعالم م الباب تحسابي روحك في تركيا ...... الــخ
ام وبو نيروز : مخلووعين وايطقطقو ع الباب خيرك مع اختك شن فيه افتحوولنا

كمل اليوم ونيرووز تبكي ومنهاارة من الزعل بس مش واجعها يلي صاار اكتر من واجعها محمد وتخمم شن يلي صاار فيه

يـــوم جديد

هناء : (تكلم في احمد ) حموودة قولي شن صار لي محمد امس كله واني نخمم فيه ياناري سخفني موقفه صعب بصراحة من جيهة هوا ومن جيهة تانية خفت علي نيروز من خوها الغجري

احمد : محمد صارله شوية نزيف في راسه وانفتح 6 بونتو خيطوهاله وتوا باهي حاله مسكين مشي طوول للكافي خلص غرامة حق يلي تكسرر .. بس هنوو نيروز كلمتاها
هناء : الحيوان خوها نحالها التليفون
محمد : باهي امالا كلميها حتى ع الارضي واطمني علاها وقوليلي لان محمد باله مشغول علاها
هناء : اوك حبي توا نكلمها ونقولك
~~~~~~~~~~~

بو نيروز : يتصل بـ توفيق لانه مباتش في الحوش قاله تعاااالى توا توا لشركة وسكر وجي طالع
ام نيروز : يااعبدالله (بو نيروز اسمه عبدالله ) اهو حطيت سفرة لفطور وين ماشي وانت مش واكل شي
بو نيروز : يامرا ماعنديش نية شهيتي متسكرة من يلي صاار امس بنموت ونعرف شن يلي صاير بس ناخد تمرتين وطاسة حليب وبنمشي
وصل توفيق لشركة
خالد : اوووووووو توفيق في الشركة غررريبة بعدين يامعفن توا خوك عرسه الخميس وانت مساالتنيش بالك ناقصك حاجة شادها هياجة وطلعو
توفيق : وهوا متعفلق .. هوا انت امس مش في الحوش
حالد : هههههه ماشاءالله عليك ماتندريش علية اني امس رفعوني الشباب مدايرين جو توديع للعزوبية
توفيق : اها به تمام بوي مزل مجاش اني ماشي للمكتب
خالد : استغرب ,شكله جاي
بو نيروز : تعالى ياولد للمكتب
هدرزو وسأله علي صاار
توفيق : قاله بنتك هادي تحب وتتمعشق في ولد
بو نيروز : معقولة نيروز ادير هكي بعدين حتى لو غلطت اختك المفروض تكلمها تقنعها مش تضربها وتكسرها بعدين اني بوك المفروض تجي وتقولي
توفيق : مباش يحكي كل التفاصيل قعدو يهدرزو وشوية يرن تليفونه يستأدن من بوه

توفيق : الو حبي الف مرة قتلك لما نسكر عليك معاش تعاوديلي بعدها تعرفيني معناها مش فاضي 😡
بلقيس : باهي اسفة الحق فيا يلي متصلة بيك فعلاً اني يلي نستاهل تفصل علي وجهه

~~~~~~~~~~~~~
.
.
.
.
.
.
.
.
.
.

.
.
يتبع في الحلقة القادمة

الكاتبة ~~🌸 هدير محمد