#فَتٰاةً_آرهَقتٰهَا_الحَيٖاةً

#فَتٰاةً_آرهَقتٰهَا_الحَيٖاةً

الحلقة 👈 التَالتة والعشرون (23)

نيروز : هيا اطلعي يابلووة
نسرين : هيا جيتك خيرك متصبريش شن هدا

نسرين : اسمعي وقفيني للمكتبة بنصور شيتات تبع المحاظرة
نيروز : به مطوليش

~~~~~~~~~~~

محمد : متقوليش ياولد شن امورك شن حال المدام ماشي معاك الزواج
احمد : هههه والله مانحساب بنتأقلم معاه وبجد حبيتها من لطفها وحنيتها وتسمع في الكلام قبل مكنتش نعرفها هكي
محمد : حلووو ربي يهنيك ياارب
احمد : ان شاءالله والعقبة لك بس قولي انت شن صاير معاك شن حال نيروز
محمد : حالتي حاالة ياصاحبي فترة غيابك هدي كلها صار فيا يلي مصار في حد اخر شي اول امس كلمتني وقالت تبيني تعالى اخطبني لانها قاعدة شاكة فيا

احمد : اممممم به فرصة وجت عندك
محمد : واني هدا درته بس نبي نرجع التقة يلي بيناتنا وحق الله الا نحبها
احمد : ياصحيبي نعرفك صادق صادق
محمد : توا نستنى في رد خوها شن بيقولي واضح مشاءالله عليه راقي هكي واسلوبه جميل

احمد : اني متفائل خير
محمد : خايف يرفضوني لان عارف الجبالية ميعطوش
احمد : لالا هيا نيروز مش حتفلت فيك بسهولة وانت كدالك متخلوش بعض مهما كانت الظروف

~~~~~~~~~~~~~~

هناء : تعرف شن ادير اليوم ترفع امك وخواتك ليهم حطهم تحت الامر الواقع خلي يشوفوها 😉 والباين ان بوها يبيك
مصطفى : كيف من غير منقوللهم حني جاينكم هوا بوها مردش علية
هناء : هيا رافضة معاندة متبيش لكن مدام بوها مردش عليك لا موافقين يا لا معناها مزال يقنع فيها يبيها توافق وانت دير زي ماقتلك واني بنمشيلها اليوم
مصطفى : بااهي خلاص تمام باي

~~~~~~~~~~~

توفيق : مع مني تتكلي ليك سااعة انتظار 😠
هناء : قلبي خيرك هكي ديما تعامل فيا كنت نكلم في نيروز نهدرز معاها لان بنمشيلها اليوم
توفيق : بلا كدب هيا في الجامعة
هناء : وشن يعني في الجامعة متتكلمش مقعمزة تستنى في المحاظرة التانية وانت فاتحلي تحقيق
توفيق : مااه اني نغير عليك 😍
هناء : (مرمطك 😒)، ياحليلي وخلاص غيرتك بتقتلني نحبك
توفيق : واني اكترر

~~~~~~~~~~

بعد طلوع البنات من المحاضرات

نيروز : نووسة حقا مقتلكش ان محمد شرطة عليه يجي يخطبني
نسرين : يعني كلمتيه وشن قالك
نيروز : حكالي شن صار في هداكا اليوم .
نسرين : خلاص حني نستنو شني يصير بعدين ساهل .
نيروز : تعرفي لما كلمته قلبي رف من مكانه
نسرين : هدا الحب حبيبتي 😂😂

~~~~~~~~~~
في مــسـاء نفس اليوم 🌸

هناء : اني وصلت افتحي الباب
نيروز : اها اهلين خشي
هناء : جايبتلك معاي شوية حلوياات شاريتهم للحوش وحسبتكم معاي
نيروز : اووو سلمها يااربي صحيتي ياعسسل
هناء : العفو مصح وجهك مش بيناتنا غير تعالي ترا وريلي لبسات منك للجامعة معاش عارفة شن نلبس
نيروز : باهي خشي اوينه الدولاب تعرفيه
هناء : اهلين فرروحة
فرح ؛ اهلين بيك شن حالك
هناء : شن اديري
فرح : نقرا عندي تطبيق غدوة
هناء : ربي يووفقك ياشطورة
فرح : ان شاءالله صحيتي
هناء : نيروز عجبتني السورية هدي تهبل اووو وعندها البشت هدي ااخ تهبل حتى هيا بنرفعها لكن توا بنقيس البلوزة هدي
نيروز : باهي قيسي قيسي هههه هما ليك
هناء : صوت الباب يدق
نيروز : فرح افتحي الباب
فرح : افتحوو انتو مش فاضيا
هناء : اني اني نفتح وين وشاحي

.
. هب ام مصطفى وخواته رايحاات زي البرميل وشايفات روحهم
هناء : اهلين اهلين تفضلو
ام مصطفى : اهلين كيف حالك انتي نيروز
هناء : لالا اني صديقتها مني انتو
ام مصطفى : اها امالا حني جاين هني لان ولدي هوا قاللها برو شوفو خطيبتي
هناء : بـ أبتسامه عريضة اهلا اهلا نورتونا نمشي نشوفهالكم ونجي الحوش حوشكم

نيروز : مني يلي جو
هناء : البسي حاجة قنينة مرأة وبناتها قالت يبو يشوفوك ً
نيروز : اللطف مني هدم
هناء : اني طالعتلهم وتي روحك واطلعي بسررعة مطوليش

.
.
.
.
.
.
.
.
.
.
يتبع في الحلقة القادمة وااااسف ع التأخير 😍😍

الكاتبة ~~ هدير محمد 🌸💟