#فَتٰاةً_آرهَقتٰهَا_الحَيٖاةً

#فَتٰاةً_آرهَقْتٰهَا_الحَيٰاةً

الحلقة 👈 السادسة ( 6 )

نيروز : مفهمتش الولد هدا كل مرة من بنت المدة يلي فاتت نمسع فيه يكلم في وحدة اسمها بلقيس 😏 بعدين فعلاً زي ماقال المتل يافالح في امه وخواته ياسعد لمرا يلي جاته بعدين مش هامني امره اصلاً منكلمش فيه
نسرين : هههههههه بتمشي زيها زي غيرها من يتحمله هوا دراه كبدد ولد خالتي ونعرفه .. بس تعالي جاي كيف عرفتي
هناء : سمعتها تهدرز للبنات هكي هيا هي ياسركم دوة وصلنا لتانوي
نسرين : غير شدو روحكم في القرية السبوع الجاي امتحانات

~~~~~~~~~~~~~~
هناء : وهيامتعصبة بينها وبين نفسها توا احمد الدراه كل مانتصل بيه يامشغول يامعاه حد الحيوان اهوا واللهِ لما نوريه . هناء بعتت مسج لـ آحمد ( خليك مع الشباب يلي معاك توا ينفعوك سلام 😒)
أحمد : تن تن وصله المسج شافه وما عدلش عليه قال توا نروح ونكلمها
هنا: فاتت ساهة ع المسج ولا كلمني ولا عبرني ولا عدل علية باااهي يا احمد 😠 .... سكرت شفرتها وفتحت وحدة من شفراتها القدم .. وين رقم مهند وينه وينه اهوا 😊
هناء : الو مهند
مهند : ايوا اهلين كيف حالك ياذبة وينط عاااش من سمع صوتك من هديكة المرة يلي اتصلت بيك معاك معاش كلمتيني ونتصل بيك مقفل

هناء : ياااااه اسكت اني كنت مسافرة في العطلة وبعدها امي مرضت هلباا وصارولي ظروف وشفرتي هدا راحت 🙈وتوا كيف لقيتها ...

استمررت هناء على هدا الحال اسبوع لانها ملت من تصرفاات احمد إلا مبالات وحبت تغير جو مع شخص تاني لكن ضامنة انٔ احمد يحبها ومش ح ينخلى علاها

نيروز : قامت سفرة الغدي تغسل في الماعين ويرن فونها هززز هززز محمد يرن علاها شافت مافي حد في الحوش خشت دارها
نيروز : الو اهلين بيبي شن حالك
محمد : الحمدلله كويس شن اديري انتِ
نيروز : باهي كويسة بس استغربت من اتصالك في ها الوقت انت عارف عندي امتحانات نقرأ قي الوقت هدا .
محمد : اني اتصلت بيك بنسألك علي هناء صاحبتك خيرها مع احمد هوا مضايق مسكرة شفرتها مش عارف يوصل فيها
نيروز : اممممم تصدق ماقالتليش تعرف الاسبوع هدا امتحانات الفاينل توا معاش نهدرزو هلبا يادوبه نديرو امتحان وانروحو .

ام نيروز : نيروز نيروز
نيروز : هيا بيبي توا نهدرزو مرة تانية ماما تنادي علية .
نيروز : نعم ماما
ام نيروز : ولد عم بوك توفئ اليوم الصبح مسكين
نيروز : الدوام والبقاء لله من هوا عمي فرج
ام نيروز : ايه هدا هوا ليه قداش مريض مسكين
نيروز : بابا مشي لجنازة
ام نيروز : بوك توا قالوله ومشي غادي اكيدة الجنازة مع صلاة العصر
نيروز : إنا لله وانا اليه راجعون واللهِ سخفني بتمشي ماما انتي
ام نيروز : ايه توا بنكلم هديل تمشي معاي باش يرفعنا خالد
نيروز : اوكي ماما اني بنقعد نقرأ
ام نيروز : ايه سلم بنتي الشاطرة ان شاءالله تجاوبي وتنجحي وترفعي راسنا
نيروز : باست راس امها وقالتلها ربي يحفظك ليا يا احلى ام 😘😘😘

.. ام نيروز وهيا طالعه من دار نيروز ادور بيها الدنيا و اتشد في الباب واطيح
نيروز : تعيط ماما شن فيك شن صارلك
قامت فون امها وتتصل بخالد وقالتله يجي بسررعه
رفعوها للمستشفى 🚑
الدكتور كشف ع ام نيروز وطلع عندها هبوط حاد في الدم .
نيروز ، هديل ، خالد
هديل : اهوا طلع الدكتور
خالد : طمنا دكتور خيرها امي شن فيها
الدكتور : الحمدلله حالها تحسن شوية كان عندها هبوط في الدم وتوا باهي كويسة
نيروز : نقدر نشوفها توا
الدكتور : تقدرو تشوفوها توا لان ركبتلها سيرون
الدكتور : انت ولدها
خالد : ايه دكتور
الدكتور : تقدر تلحقني لغرفتي
خالد لحق الدكتور اهلين
الدكتور : قعمز لو سامحت
خالد : حسن إنا في حاحة مش طبيعية وتوتر.

.
.
.
.
.

.
.
.
.
يتبع في الحلقة القادمة ✋

الكاتبة ~~ 🌼 هدير محمد