#فَتٰاةً_آرهَقتٰهَا_الحَيٖاةً
الحلقة 👈 التَاسِعة عشًر ( 19 )
نسرين : نيروز نيروز ماما من بكري ترن علية هيا هيا نرجعو
نيروز : يااحليلنا هيا حموودي
محمد : اوكي خلاص معاش تخلعوو وتخافو نبو نص ساعة بس.
~~~~~~~~~~~
سعاد : وينهم هدم من الصبح طلعو مزال مجوش الدنيا بظلم يااربي
ام نسرين : اي اني حايرة عليهم اكيدة هدا الكورس طول هلبا لان نرن علي نسرين متردش
بو نيروز : احم احم السلام عليكم
سعاد : وين كنت
بو نيروز : اني كنت برا فرح في الجردينة وبعدين مشيت لدكتور ورجعت بس وين البنات !
ام نسرين : اه البنات بكري كلموني قالولي لقينة كورس لغاات واول حصة بالبلاش خشو فيه وشكله يطول
بو نيروز : اها باهي ان شاءالله خير اني ماشي للهوتيل تبو نحجزلكم غادي
ام نسرين : اني بنقعد مع اختي احجز غرفة لي نيروز ونسرين او هديل وخالد وصلو للمنطقة يلي ماشينلها
بو نيروز : اي وصلو بيقعدو يومين وبيجو هني هداكم يدبرو راسهم خلي يغيرو جو
فرح ؛ لالا حتى اني بنقعد مع ماما 😢
بو نيروز : باهي خلاص بنتي اقعدي مع امك سلامات و توا نرجعلكم
~~~~~~~~~~~~
نيروز كانت جنب محمد ويرن فونها
نيروز : هدي هناء
محمد : وخيرها شن تبي منك
نيروز : استغربت خيرك معاها اكيدة بتهدرز علية
محمد : لا شي بعد متعاركت مع احمد بصراحة كرهتها
نيروز : مليكش علاقة فيهم بلا هبال هما يتفاهمو
محمد : اجوك مترديش عليها توا ومعاش بيتفاهمو لان احمد خلاص تزوج بدي في حياة جديدة
نيروز : حي حي امتا تزوج وكيف ومن مني وخيرك مقتليش
محمد : اهدي علية بالشوية اني الفترة هديكا يلي انشغلت عليك كلها كانت مع احمد. وتجهيزات لعرسه ومش بقصدي منقولكش غير تعرفي انتي معاش فضيت وماجبتش الهدرزة
نيروز : من تزوج وعلاش بالسرعة هدي
محمد : تزوج بنت خالته امه ختارتهاله مش بسرعة خيرك راه قعد قريب سنة بعد هناء تعدب هلبا ادمرت حياته الولد تزوج هكي افضل
نيروز ؛ اني حتى مشكلة انفصالهم من بعض منعرفهاش مفيش من قالي عليها
محمد : خلاص توا وصلنا بعدين نحكيلك
جت نسرين ونزلو من القارب
محمد : سامحووني اخرتكم وان شاءالله متوجهوش اي مشاكل بسسببي
نسرين : لا صحيت بالعكس حبيت الجوولة وطلعت كابتن ماشاءالله عليك سواقتك حلوة 👌 لولاك مكنتش بنشوف المناظر هدي شكرا
رجعو البناات وكانت كدباتهم واتياات 😂😂 وكمل اليوم
~~~~~~~~~~
بعد مرور تلاتة ايام
نسرين : ماما نبي ناخد حاجات من السوبر ماركت اعطيني فلوس
ام نسرين : باهي هاك ومتتأخريش
نسرين : لالا مش معطلة نيروز هيا تمشي معاي
نيروز : لالا اليوم تعبانة اني مخاطريش في الطلعو بري بروحك هوا في راس الشارع مش بعيد
نسرين : واااك امري لله وين شنطي ..اهيا هيا توا شوية وجاية ماتبو شي
فرح : جيبيلي شكلاطة
نسرين : حاااضر 😘
ومشت نسرين لسووق وخدت شن تبي وهيا طالعة شادة اكياسها وتمشي بشوية ويجي واحد من خلها ويتل شطتها
نسرين : ووواااك شنطي شنطي ساااعدوني
وحاتم كان فايت ماشي لسوق ويسمع وحدة تعيط وتتكلم بالليبي شاف الخانب وقعد يجري ورااه
هوا يجري وهداكا يجري وكانت خلفه الشرطة لين وصل في زنقة مسكرة مفيش كيف يهرب
حاتم : مسكه ويضرب فيه يضرب يضرب لين طاح ع الارض وخدي الشنطة ومزال ماسكه لحد ماتجي الشرطة وهووب االخانب كان في جيبه موس وحاتم يسمع صوت الشرطة التفت والخانب طااق في بطنه الموس
أنت تقرأ
#فَتٰاةً_آرهَقتٰهَا_الحَيٖاةً
Lãng mạnقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
