#فَتٰاةً_آرهَقتٰهَا_الحَيٖاةً

#فَتٰاةً_آرهَقتٰهَا_الحَيٖاةً

الحلقة 👈 التاني عشر (12)

وصلو خالد وهديل للحوش وخالد مدخل معاه سفرة حلويات وشكلاطة
وكانت نيروز توتي في السفرة في الكوجينة
ام نيروز : اهلين خلوودة وليدي
خاالد : ياام جايبلكم خبر حلو اليوم

هديل تحشمت خشت لنيروز للكوجينة ودخلت الحاجات
نيروز : اهلين هدوولة ( طبعاً هديل عكس ماتقول عليها نيروز دلوعة وشايفة روحها بعد ماعشرتها طلعت هادية وطيبة علي حالها )
هديل : اهلين نيروزتي شن حالك وباسو بعض وعطتها الحاجات
نيروز : علاش هدا كله والحلو والشكلاطيت
هديل : اني طلعت حامل وهدم خوك جابهم من فرحته
نيروز : 😍😍 يعني بيجينا حفيدد هااااي وحظنتها .. الف مبرووك هديل
هديل مكانتش نبي نحمل توا غير .
نيروز : مصح وجهك اسس ياسرك دوة خوي خاالد مش من النوغية المتخلفة زي توفيق وغيره صح عارفاتك حملتي بسرعة بس مدامك متزوجة فـ اكيد بتكوني حاطة الاحتمال هدا ..
هديل : صح كلامك مزبووط .تعرفي تحشمت خوك اول ماخش لقي بوك وامك وتوفيق في الصالة حكالهم واني مقدرتش جيتك هني

وتغدو العيلة كلها وكانو فرحانين بـ البيبي الجديد الا بو نيروز كان مرتبك لانه الوحيد يلي عارف بمرض مرته ..

بو نيروز : اني جمعتكم اليوم كلكم لاني بنقوللكم ......... وحكالهم علي مرض امهم وخطورته
ام نيروز : عااادي ولا كأنه .. اني كنت حااسة من الاول .ربي كبير ويلي يجي من ربي يامحلاه
نيروز : انهار بكي وتبووس في امها لا ياماما مانبيش نخسررك انب سعادتي في الدنيا انتي اغلى انسانة علي قلبي لو لقدر الله وتبككككي وهديل ايضاً تبكي معاها وفرح مكانتيش موجودة لانها تقرأ في الفترة المسائية
توفيق : يبكي وشااد يد امه ويبوس فيها
خاالد : قام مفتاح سيارته وطلع مقدرش يقااوم وميحبش يبكي قدام حد رغم انه كان متوقع الخبر هدا .

~~~~~~~~~~~~~~~~~~

. في الليل اليوم نفسه

محمد يرن علي نيروز .وكان بيحكيلها شن صار مع احمد وكيف هناء طلعت وحدة واطية وشن دارت فيه وكل يلي صاير فيه توا كان بسببها

نيروز : ردت عليه وهيا حزينة ومضايقة ومكتئبة
محمد : حبيبتي خيرك ياعمري كنتي تبكي قصدك 😳
نيروز : بدت تحكيله علي المسأة يلي فيها
محمد : سخف عليها وعلي وضعها . ونسي حتى الموضوع يلي كان بيحكيهولها .لانه مش وقته توا هيا مش ناقصها

هناء : كانت تخمم في خطة باش تنتقم من محمد وتعطيه درس ماينساشي
~~~~~~~~~
واحمد : ناض من الغيبوبة ومحمد كان جنبه

بعد مرور سنة

نيروز مع امها في ايطاليا تتعالج ومعاها بوها

نيروز : تتكلم ع السكايب مع نسرين .اهلين نوووسة ستاحشتك ياعمري خلاص قلقت بروحي هني وين خااالتوو وريهالي و وريلي فرح

نسرين : واني اكترررر ياقلبي اني لاهيا في القراية شوية توا اناديلك عليهم

نيروز : شن خشيتي حقا اني ضاعت علية سنة 😭😭
نسرين : اني خشيت كلية الهندسة . عادي عادي روزتي تلحقي غير ان شاءالله تتعافة خالتو بس وتروحو على خيرر
.
.
.
.
.
.
.
.
.
يتبع في الحلقة القادمة

الكاتبة ~~ 🌸 هدير محمد