#فَتٰاةً_آرهَقتٰهَا_الحَيٖاةً

#فَتٰاةً_آرهَقتهَا_الحَيٖاةً

الحلقة 👈 السادسة والعشرون (26)

نسرين  اسمعي بري جيبيلي الرائحة متعي من شنطي وركبولي الشناط يا لا ..  وركبت نسرين مع عريسهاا وكانت بـ احلى طلة والفرحة مالية قلبها  والعيلة يبكو في الصالة كـ العادة

~~~~~~~~~~

            بعد شهر ونص 📆

بونيروز : خلاص عطينا كلمة لناس والعرس الخميس
توفيق : يابوي كيف هكي
بونيروز : لا هكي لا غيره تم يعني تم انت المفروض تفرح حني شارطين علينا عريس اختك شن بنديرو واني بنديرلكم مع بعض
توفيق : باهي باه
ومشي لغرفة نيروز اسمعي قصدي وخري شوية في العرس قولي لي خطيبك
نيروز : اسمع برا اخطاني مش ناقصاتك تفاهم مع بوي منتكلمش معاه خطيبي
توفيق : واااك ومشي

~~~~~~~~
هناء : حبيبتي عنوني يادلبي واخيرااااا بتتزوجي وبنتزوج في نفس اليوم
نيروز : شافت هناء فرحانة ماحبتش تقوللها شي ع توفيق وانه مايبيش يتزوج مزال ( فرحتلك ربي يسعدك )
هناء : وانيييي فرحتللك اكتر واكتر توا ضروري نطلعو مع بعض نبضعوو ياااالا متحمسة تعرفي هلبااااا 😂😂😁. ،، والفرحة مش سايعتها

نيروز : قعدت عندها الحياة كلها زي بعضها  وتجامل .. اي ان شاء الله

وقعدت نيروز بروحها نسرين مسافرة وكل يوم هناء فوق راسها واطلع فيها ليل ونهار.      حياتها قعدت نسخ لصق من اليوم يلي قبله مافيهاش روح مافيهاش طعمة   لحد ماجي يوم الخميس اليوم المشؤم يوم عرس نيروز وتوفيق   .....

نيروز فاقت الصبح او بالاصح مارقدتش في سريرها وتخمم كيف بتولي حياتها وكيف بتعيش وووو هلبا تخميماات .. خشو عليها خالاتها وعماتها يفيقو فيها ويزغرطو ويدربكو وهيا ولا كأئنها معاهم 😑
مشت لصالون وكان هدية من بوها ارقى صالون تجميل هيا وهناء  وسفرة لباريس وسيارة سيارة ..
هناء : نيروز افرحي حبيبتي انتي في يوم هدي ليلة العمر
نيروز : بـِ أبتسامة لا مبسوطة 😊 وهيا في داخلها بركان
هناء : ايواه اضحكي هكي وفرحي
وكملو مكياج .. جت هديل بعد العصرر جايبتلهم الغدي لصالون من ارقى مايكون وعطت لي نيروز هدية خوها خالد كانت تاكم دهب
نيروز : عيونها دموع ( حضنتها وباستها ، صحيتو حبيبتي علاش هدا كله )
هديل : لا لا لا رد بالك تبكي هيي المكياج يا حلوة طااالعة تهبلي 😍😍😍 ماتفسديشي جبتهولك توا باش ادسيه و تشوفيه . ويرن عليها خالد ..ايوا هيا شوية وطالعة
توفيق : تي هياا عاد ساعة وانتي فوق عندي هلبا مواضيع بنديرهم
..
نيروز : اسمعي باللهِ خشي لداري في مكتبتي عندي صور اني ومحمد ورسائل وصناديق هدايا وهلبا اشيئا قيميهم كلهم وحطيهم في دولابي وسكريه بالقفل ودسي المفتاح 😔

هديل : ماتوصيش حريص تمام ووتوا ماتفكري في شي قديم اليوم بداية حياتك الجديدة 😘 ومشت هديل وبدو يرفعو في الحاجات لصالة ويجهزو في رواحهم وجو المعازيم  وتعبت كل الصالة ، وطلعت نيروز ملكة على عرش الملوك بطلتها يلي سحرت كل الحظور كل في داخلها غصة وحاسة بروحها تتمزق لما تتفكر انها بتتزوج بشخص غير محمد
.
.
.
.

.
خش بونيروز لصالة وطلع نيروز لمصطفى وسلمها ليه وقاله (منوصيكش رد بالك عليها هدي كل حياتي وهز علي كتفه عطيناك الغالية )  ركبت معاه وشافلها وعيونه كله قلوب 😍 قداشك حلوة يابنت ، لا اسلوب ولا رومنسية

~~  خش توفيق لصالة وطلع هناء صورو مع بعض وكانت ابتسامتها شبر ونص وكل اهلها موجودين وكأنهم يقولوله باهي يلي تزوجتها وفكيتنا منها 😂

نيروز في السيارة ولا كلمة وقلبها يدق يدق يدق وخايفة وترعش وانفاسها متقطعة وتبكي وتبكي وتبكي .
مصطفى : خيرك هدرزي تقولي قاتلك بوك
نيروز : ااااةةء
مصطفى : شن فيييك قتلك 😡 قام الطرحة ولقاها تبكي _ خير بلاك الواحد شن بيقولك هي وتعفلق

.
وصلو للحوش وكانو وراهم اهلها و صلوهم ودورو .. نزل مصطفي وفتحلها الباب هيا انزلي يامدام ومشي وخلاها .  خشت لغرفتها وهوا طلع .جي نحالها الطرحة ولقاها مزال تبكي 😠خير عمك انتي خيرك تبكي خيرك خيررك خيررررك ياخرا تكلمي وهيا كأنه ضاربها الضي ويلتفت استغفر الله يا ربي ورجعلها ، باهي فهميني انتي متوترة وقرب منها بيبوسها وخرت و دفاته 😡😠 ويقلب وجهه وينوض يضربها كــــف انتي ناقصة تربية ووو........ وتخش للحمام تسكر علي روحها متوقعتش في حياتها حد يضربها ويدلها بالطريقة هدي .. وهيا في عزز البكاء مش لاقيا حظن يواسيها امها يلي كانت سند وظهر مشت وخلتها ..😭😭
نيروز فـ الحمام سمعت صوت الباب تسكرر بقوة مصطفى طلع وخلاها طلعت من الحمام بدلت ملابسها وكان قالب كل الغرفة سكرت علي روحها الغرفة خدت فونها وفرغت كل شحنااتها فيه __ بعتت مسج لي ........

      في هدا اليوم بابا شدني من ايدي وكأنه شاد الكفن في ايده وسلمني ليه 😢 ودفني تحت التراب كله بـ سببك انت قتلتني بالحياة واني مش مسامحاتك علاااااش علاش علاش 💔💔😭 طول الفترة هدي كلها تكدب علية تتفكر كيف كنا نحلمو ونرسمو في حياتنا ااولادنا يلي سميناهم وتعاركنا ع الاسامي متدكر ولا نفكرك اني توا تزوجت ومتت الف موتة كلــه منك #حسبي_الله_ونعم_الوكيل بداخلي شعوور مايتوصفش _بس حنوعدك بشي صدقني يلي حسستني بيه بيجيك يوم وتحس بنفس الشعور  الدنيا دوارة ........ تم ارسال الرسالة 📨 .

~~~~~~~~~  
     ناضت نيروز مخلوعة علي صوت التليفون وعيونها منفخات ردت
نسرين : حببببببببببي
نيروز : نوووووووستي 😭😭😭
نسرين : لا نيروز من اليوم مانبيش نسمع صوتك بهدي النبرة مانبيش الا الضحكة المتعودة عليها
نيروز : اااه يانسرين وين مشيتي وخليتيني هكي اديري فيا
نسرين : سامحيني مش بـ ايدي

.
.
.
.
.

.
.
.
.

.

.
.

.
.

يتبع في الحلقة القادمة قراءة ممتعة 😍😘

الكاتبة ~~ هدير محمد 🌹🌸