#فَتٰاةً_آرهَقتٰهَا_الحَيٖاةً
الحلقة 👈 السَابِعة عشًر ( 17 )
نيروز : مش ح نقدر نوصف الفرحة اللي اني حاسه بيها مش عارفه شن بنقول اصلا غير اني نشكر ربي في كل ركعه علي وجودك في دنيتي يا وثينيٍ
ورجت نيروز للغرفة وكانت سعيدة وجهها بشوش ومليان فررح
نيروز : امي ياااغلى ما انملك وباستها على راسها امواه اموه ربي يحفظك ويطول في عمرك يارب
~~~~~~~~~~~~~~
في وقت المغرب والدنيا بدت تظلم
هناء : اممممم خلي نشوووف الفرخة نيروز نقصقص عليها
ترن عليها ..
بو نيروز : نيروز تليفونك يرن
نيروز غفيت شوية : ناضت مخلووعة كيف شني
بو نيروز : تليفونك يرن خيرك خلعتي
نيروز : هههههه كنت نحلم امممم هدي هناء صحبتي ( هيا فكرها محمد يرن عليها )
نيروز : اهلين ..باابا نطلع للحديقة شوية
هناء : يا اهلين بيك سمحة شن حالك
وقعدوو يحكوو. ~~~
محمد فاق من نومه وصحصح وخطرت عليه فكرة حلوة يرن علي نيروز
نيروز : هناء محمد يتصل بيا توا باي باي نتكلمو بعدين
هناء ؛ اه اه محمد 😒 معاش حكيتيلي شن مدايرين انتي. وياه لا متسكريش احكيلي قبل
نيروز : بعدين بعدين وفصلت
محمد ؛ حبيبي ياعمري
نيروز اهلين يابعد كبدي شن حالك توا استريحت توا
محمد ؛ اي الحمدلله قاعد في البلاكونة نشرب في طاسة قهوة
نيروز : صحتين ياقلبي
محمد ؛ سلمك سلمك اسمعي وين قاعدة توا بنجي نشوفك
نيروز : اني في حديقة المستشفى 😍
محمد : توا ابعتيلي عنوان المستشفى ودقيقة تلقيني قدامك
نيروز : اه تبي العنوان واااك منعرفش لكن انت سكر توا نبعتهولك في مشج
محمد : اوكي نستنى فيك حبيبتي ..وسكر
نيروز ؛ واااااك توا كيف بنعرف العنوان واني مانعرف شي هني
وهيا راكبة لغرفة امها جتها فكرة
نيروز مشت لغرفة ( نجاح )،
نيروز : كيف حالك ابلة نجاح باللهِ وين ولدك حاتم نبي نستفسر حاجة في تليفوني مفهمتهاش
نجاح : اهلين بنيتي حاتم بعته يجيبلي في دواء ويجي اصبري شوية ويجي
نيروز : باهي تمام عمتي
~~~~~~~~~~~~~~
توفيق في القهوة مع الشباب وجنبه صديقه ادم
توفيق : تعرف في رقم متقلدني مسجاات مدرهلي كبدي بطلعلي قرون
ادم : هدي اكيدة وحدة السوابق هههههه مزال تحبك
توفيق : لالا هدا الرقم معرفتاش ولد بنت يقول في كلام متع حد يعرفني ولما نتصل بيه ميردش نبعتله مسجات ميردش علية جربت نعرف مني من كاشف الارقام وهكي مطلعلي شي تعررف قاعد حايررر
ادم ؛ ترا زي شني المسجاات
تن تن وصله مسج
توفيق ؛ اهوا مسج جديد ياسلام تعالى نقراهولك ( انت راقد علي ودانك وماتندريش شن يلي صاير من وراك خليك راقد )
ادم : في سر من مسجاته
توفيق : يلمحلي علي حاجة ويبيني نعرف بروحي
ادم : هدا حد خطير
~~~~~~~~~~~~~~
حاتم : السلام عليكم الاخت نيروز هني شن حالك هااك امي جبتلك يلي قلتيلي عليه
نيروز : الحمدلله كويسة
نجاح : صحيت سلم ولدي
نيروز : باللهِ حاتم نبيك شوية
حاتم : اوكي تمام
وطلعو فم الحجرة
نيروز : اني جيتلك لاني منعرف شي هني نبي نبعت عنون المستشفى لحد واني منعرافش العنوان
حاتم : ياعبيطة توا مش عندك النت والشخص يلي تكلمي فيه عنده نت
نيروز ؛ ايه
حاتم : خلاص ابعتيله رابط الموقع
نيروز : استنى نعطيك انت ديرله
حاتم : هاتي .هكي هااه ساهلة
.
.
~~~~~~~~~~~~
محمد : وصله الموقع بعتلها مسج ( شوية ونكون عندك )
نيروز : نستنى فيك
.
.
محمد جايب معاه باكو كبير معبي شكلاطات صغاار وحلوا وحاجات حلوة من المطاار وكيسة فيها ريحة وشاال وجكيت وباكو تاني فيه كاميرا حلووة غالية وكتب ورواياات في ايده
محمد ؛ اني لوطة انزلي
نيروز : ماما مدامه باابا مشي للهوتيل اني بننزل شوية للحديقة بنقرأ في الكتاب الجديد يلي شريته
ام نيروز : باهي بري
ونزلت نيروز متحمسة وفررحانه ومدايرة شوية مكيااج خفيف هكي
محمد : وينك
نيروز ؛ انت يلي وين ؟
محمد : جاي من خلفها اني هني وقااامها من خصرهااا ولف بيها 💟
نيروز : اااااي خوفتني وحظناااته وحظن فرغت فيه كل طاقتها السلبية ..معاش تبعد علية مرة تانية منقدرش نتحمل فررااقك وتبكي في حظنه
محمد : هي هي هي ومسحلها دمعتها اني شن قلت مانبيش نشوووف دمووعك مرة تانية اني نحبك وندير اي شي علي خاطر سعادتك
نيروز : فرحتها مش قادرة تعبر فيها
نيروز : تعرف في مكان حلو خلف المستشفى ندير في تمارين نجري غادي لما نضايق هيا نمشوله خير من الحديقة متندريش مرات يشوفنا حد
محمد : مبتسم ويشبح في عيونها زي ماتأمري حبيبتي
نيروز : خجلت من نظراته ونزلت راسها
محمد : اخخخ من حركاتك هدم قداش مايهبلووو 😘 هيا اركبي في السيارة نلفو من بالسيارة خير
نيروز : هدي سيارتك
محمد : هههه لالا هدي لقيتها موتينهالي هني حاجزينها من الشركة
نيروز : اها به تمام
وركبو وقعدو في الكراسي في الخلف المستشفى وموج البحر عالي والجو رومانسي
محمد ؛ روزتي هدي الوردة ليك ياوردتي .واستني نوريلك شن جاييلك
نيروز : علاش متعب روحك حبيبي
محمد : اسس هدي الكيسة فيها الرائحة يلي تحبيها واني في ليبيا عندي منها كل متخطري في بالي بنخ منها في المكتب 😝 ههههه
نيروز : مهبول
محمد : مهبول بيك . وهدم كتب وروايات رزان جايبلك هلباااا نعرف تحبي تقري وهدم جدد كيف نازلات كل تكسدي اقريهم وهدي الكاميرا صوري كل شي قدامك غيري جوك باش هدا كله نتفرجوه اني ويااك متفوتيش ولا لحظة حلوة او شينة تصير معاك توا قعدو الشال والكجيت شوفيهم فوق وقسيهم اكيد حلوين عليك ياقلبي
نيروز : اااااه ياروحي وظماته صحيت ياغالي
محمد : اي مزال في باكو في السيارة بعدين تاخديه في شكلاطة
نيروز : تسلم تسلم
محمد : هاتي الكاميرا خلي نديرو اول صور بيها اني ويااك تقعد لدكرة خلي نوقف حد يصورنا 😂✋
.
.
.
.
.
.
..
.
.
.
.
.
.
يتبع في الحلقة القادمة
الكاتبة ~~😍 هدير محمد
أنت تقرأ
#فَتٰاةً_آرهَقتٰهَا_الحَيٖاةً
Lãng mạnقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
