#فَتٰاةً_آرهَقتٰهَا_الحَيٖاةً

#فَتٰاةً_آرهَقتٰهَا_الحَيٖاةً

الحلقة 👈 الأخــيــرةً 👏❤

نيروز خاشة تجري للمستشفى .. لو سامحتو في بنية صغيرة طايحة علي ايدها لابسة هكي وهكي وهكي
الممرضة : شوفي غرفة الاسعافات
ومشت نيروز للغرفة وطلع الدكتور
نيروز : دكتور دكتور
الدكتور : تفضلي يا أختي
نيروز : في بنية صغيرة عمرها عامين ونص هكي طايحة علي ايدها
الدكتور : اها البنية الشقرة .. ايه قاعدة داخل ايدها نكسرت والدكتور يجيبسلها فيها
نيروز : شكرا دكتور .. وقعمزت ع الكراسي قدام الغرفة ومنزلة راسها ( ياحليلي وتولم في روحها .. توا كيف بنقول لس امها يلي مخليتهالي ولا بوها يلي مايندري عليها وووك علينا ) ويفوت محمد من جنبها ومايتلاقوش
نيروز : قامت راسها شمت ريحته شافت يمين يسار 👀 ملقت حد ... ( توا وقت مخيلتك انتي )

وطلعو شهد للغرفة التاني ومشتلها نيروز
نيروز : اااه يقلبي حظنتها وباست راسها سامحيني شهودي كله مني
شهددد : تبكي ميما ديدي
نيروز : ديدي ياقلبي وباست يدها لالا خلاص معاش فيه ديدي توا بيمشي ويرن فونها ..
نيروز : واااااك ياهناء توا شن تبي مني .. وطعت برا الغرفة اتجهت لـ الجيهة التانية ع البلاكونة ويخش محمد لشهد وجايب معاه شكارتين معبيات حاجات . من بطاطا وشكلاطة وعصاير وكل مايخطر في بالك .. محمد : هدددم كلهم ليك باهي شن اسمك انتي ، وقولي للماما عمي محمد جابهم باهي وقعمز جنبها مزال توجع فيك يدك
شهد : اني سهد ، اي توجع هلبا 😢
محمد : باس يدها خلاص توا معاش بتوجعك ، ومدلها طرف شكلاطة .. هاك كوليها باش معاش توجعك

~~~~~~
وتخش نيروز للغرفة
نيروز : ااااه مممحمد ، عيونها طلعو وقلبها يدق يدق يدق حست كأنه خبطها الضي
محمد : ناض وقف نيروز
محمد : حسس بشعور متلخبط لا يوصف فرحاان بشوفتها ابتسم وعيونه قلوب قلوب
نيروز : معاش قدرت توقف حست بدوخة شدت يدها ع الحيط
محمد : مشالها مفزوع خيرك خيرك
نيروز : نشوف في الدنيا سودة جيبلي مية بس
محمد : ومشي يجري بيصبلها المية
نيروز : داخت وطاحت ع الارض
محمد : لوح الطاسة من يدها وقامها وحطها ع السريرر وطلع يجري بينادي ع الدكتور
محمددد : بسرررعة دكتور في حالة داخل
قاسولها الضغط ودرولها تحاليلها وركبولها سيرون وحولوها في غرفة تانية لان المستشفى خاص 🏥

محمد كان مقعمز قدام نيروز ويخمم ( ياربي زي الملاك وهوا راقد محلا شفايفها وعيونها ولا خدودها اااخخ ياربي 😞 ونزل راسه زعما يلي ندير فيه غلط ...هي هي فيق علي روحك راهي متزوجة _ وتفكر كيف خلاته وختارت غيره جاته غصـة ) ناض شد يدها وباسها ( ربي يسامحك يعلم الله قداش نحبك ربي يسعدك وين ماكنتي هدي اخر بوسة واخر مرة تشوفيني فيها )

نيروز ناضت وكان محمد كيف فتح الباب وبيطلع
نيروز : محمددد
محمد : مقدرش يتجهلها _رجع نعم تنادي علية
نيروز : ايه نبيك
محمد : ( اااه ياهمي وربي الا حتى اني نبيك 💔 ) رجعلها وكان واقف ويشبح في عيونها كان في داخلهم شووق وحنين كبيرر _ شن فيه
نيروز : تقدر تقعمز
محمد : اها باه وجاب الكرسي وجي قدامها
نيروز : كيف جيت هني انت
محمد : شن ها السؤال
نيروز : نسأل فيك رد علي سؤال 😡
محمد : قاعدة زي ما انتي متغير فيك شي
نيروز : تحشمت خدودها ولو حمر وضحكت هههه
محمد : قصدك شهد بنتك
نيروز : اه لالا هدي بنت خوي
محمد : اياااه
تعرفي لما شفتك جايتلها قلت هدي بنتك
نيروز : لالا هدي شهودة طلعتها كنا في حوش جداي .....
محمد : يااه ع الصدفة واني كان عندي اجتماع وشفت زحمة والناس دايرة عليها يستنو قي الاسعاف
نيروز : ايه واني وقتها في الحمام
محمد : باهي وشن حال راجلك والزواج معاك