#فَتٰاةً_آرهَقتٰهَا_الحَيٖاةً

#فَتٰاةً_آرهَقتٰهَا_الحَيٖاةً

الحلقة 👈 التامنة ( 8 )

نيروز ركبت لغرفة امها نوضتها وتعشوو شوية تفكررت كلام محمد علي هناء رنت علي هناء فونها مقفل رنت ع الارضي وكانت الساعة مع 12 ونص ما رد حد فصلت وكملت قرايتها

~~~~~~~~~~~~
يوم جديد 🌼
توفيق وصل نيروز لتانوي وكانت هناء ونسرين كيف نزلن من الباص تلاقو فم التانوي وتوفيق قعدد يشبح ويفنصص فيهاا انعجب بيها و هوا زي عوايده يحب يفنص ويحب البنات 😂 نيروز قرصت هناء وشبحتلها بغضب توا نوريك يامتع العماايل ..
هناء : زي يلي فهمت ان محمد قاللها ..خيرك قرصتيني ياحمارة وتشبحيلي هكي
نيروز : توا بعدين نتفاهموو
نسرين : شن فيه وانتو ديما تتناقرو زي الفار والقطوس 😊 حقا نيروز شن حالك خالتي باهي
نيروز : وهيا واضح علاها التعب وقلت النووم لانها سهرانا .. يارب تكون باهي مزال تعبانة
نيروز : اسمعي فرح مشت لمدرستها
نسرين : اطمني امي مش ح تخلاها نوضتها قبلي 😂 وامي اليوم بديرلها زيارة

~~~~~~~~~
خالد : هيا هديل واتية
هديل : ايه ايه هيا جهزت
خاالد : سقدي روحك امي قعدت بروحها
هديل ركبت في السيارة ورفعها لي امه في المستشفى لانها قعدت بروحها وشرو فطور من برا فطرو وجي بو نيروز يطمن على مرته

وكل شوية يجي حد من عيلتهم يزورو فيها

.. خشش الدكتور : مرحبا السلام عليكم .. شااف المريضة وجو الممرضات دارو واجبهم وسحبو منها دم لتحاليل

الدكتور : استاد خالد تقدر للغرفة نبيك شوية
خالد : حااضر دكتور
ولحقهم بوه

.. الدكتور : حني توا سحبنا من المريضة دم وبنديرولها تحاليل وفي تحاليل ماعندناش منها ح نبعتوهم للخارج وان شاءالله مايطلعش يلي شاك فيه صح
بو خالد : دكتوور شن هوا يلي شاك فيه 😳
الدكتور : نحنا مانبوش نسبقو الاحدات .. حني لاحظنا انَ نزيدولها في الدم ومع دالك مافيش نتيجة مزال عندها انخفاظ في الدم هدا يدل علي انها احتمال كبير يكون عندها سرطان
خالد : كيف 😱 لالالالا دكتوور باللهِ عليك الا هدي نديرو اي شي نسفروها برا نديرو اي وسيلة
بو خالد : انصدم
الدكتور : شدو حيلكم هدا مجرد احتمال ونتيجة التحاليل تطلع غدوة وضروري المريضة تكون تحت المراقبة
~~~~~~~~~~~~
طلعو البنات من الامتحان
نسرين : شن هاالاسئلة سسم
هناء : ههههه اني امس مقريت شي
نيروز : عارفينك في شني فالحة 😏
هناء : اي اي قعدت ساهرة علي التليفون هي باهي .. واحمد متعاركة معاه عارفاتك من الصبح تلقحيلي عليه
نسرين : شن صاير احكولي
نيروز : هدي الواحد شن بيقول علاها امس محمد قالي مسكرة شفرتها واليوم حايرة علاها مقلق محمد بـ الاتصالات وهيا ولا على باالها قوليله كان معاش تبيه فوتيه معاش اديريه اللقطات العبيطة هدم رااك كبرتي
هناء : باه باه كملي ياست الحسن
نيروز : هدا هوا شن تبي نقولك اكتر من هكي ولد حالته كويسة فلوس وعنده زي ماتبي جمال تبارك الرحمان اسلوب منتق
هناء : سكتت شوية وانفعلت انتي قبل ماتقولي الكلام هدا كله اعرفي السبب قبل وافهمي علاش درت هدا كله وانتي نازلة فيا من قالك هوا الصح واني الغلط اي يمشي ايملح
نيروز : ترا هدرزي هي توا مانعرفكش اني عشرة 3 سنين عاجناتك وخابزاتك
هناء : تصرفااته قعدت ااخي معايا نتصل بيه يسكر عليه ولا معبرني 24 ساعه مع الولاد في القهوة ولا في الخدمة يا اما طالع زردة واني زي الحمارة عااادي ولا هامه اخرر حاجة نتصل بيه مايردش علية ويسكر علية ونبعتله مسسج ولا كأنه فووته ولا شبه واني الحركاات هدم منحبهمش حبيبتي شني يحسابني .. اني نبيه يقدري يحترمني يااخد عيوني اما هكي طزززز فيه نلقا عشرة غيره

نسرين : صح واللهِ عندك الحق كلامك مزبووط نيروز هما الولاد هكي ضروري ما اديريله قرصة بااهية باش يحسو ويصحالهم الضمير
نيروز : باهي خلاص علي خاطري المرة هدي وعلي خاطر حموودي مسكين واكل همكم واني رغم الضروف يلي اني فيها مزاال حايرتلك
هناء : حسست انها زودتها .. خلاص اني ح نفتح شفرتي اليوم ونكلمه
نيروز : ايواااه سلمها يلي تسمع في كلامي وبااستها

نسرين : نوضوو نوضو جي الباص
نيروز : حي مانعرفش بنروح معاكم وخلاص توا

~~~~~~~~~~~~
هناء : تخمم كيف بدير بعد مارجعت لي مهند وتحسنت علاقتهم واحمد يحبها ويمووت فيها ويلي تبيه حااضر
.. هناء : بينها وبين نفسها ااايح عاااادي شن فيها نكلم مهند ونكلم احمد ويلي تششد معاه نكمل معاه وتستمر الحياة توا على اساس منديرش فيها اللقطات هدم 😏
هناء : تتصل بــ احمد
احمد كان في القهوة ومعاه محمد والشباب
احمد : حي محمد هدي هناء .. الو حبيبتي ياروحي ياعمري معقولة اديري فيا هكي تخليني اسبووع ياظالمة 😔 ماعندكش احساس
.
.
.


.


.
.
.
.
يتبع في الحلقة القادمة

الكاتبة ~~🌼 هدير محمد