#فَتٰاةً_آرهَقتٰهَا_الحَيٖاةً
الحلقة 👈 العاشرة ( 10 )
محمد : برافووو عليك 👏👏👏 ياخاينة 😏 تعرفي انتي ماتستاهليش واحد يحبك ياااا ...........
مهند : طارتله هناء هدا مني وشن يقول 😳
هناء : انصمتت وانجلطت ..محمد لو سمحت تقدر تمشي توا
محمد : تقدري توضحي للباش مهندس شن نقول اني لكن تعرفي شن بندير اني توا بنتصل بـ احمد ويشوف بعيونه
هناء _: لما قال هكي وكأنه جي حد وصب عليها مية سخونة ..انسلخت البنت
مهند : ماخلا ماقاللها وكشخ وعيط ومشي
هناء : قامت شنطتها وبتطلع
محمد : شدها من يدها وقاللها الساكت عن الحق شيطان اخررس واني بنقول لي احمد هدا خووي ومانسمحلكش تلعبي عليه
هناء : فلتت يدها بنظره كلها حقد وغــللل برا قوله طزز فيك انت وصااحبك ولكن خليك متفكر كلامي بأدن الله بندوقك من نفس الكااس يلي شربتهولي
محمد : انتي شن تخررطي اني انسان وفي مش زيك 😒
ومشت هناء للحوش وفي الطريق كله وهيا تندم وتلوم في روحها وتقول وربي العزا يامحمد لما نكرهك في عيشتك لما ولما ولما ...
~~~~~~~~~~~~
نيروز قعدت مع امها في المستشفى
ونتيجة تحاليلها عطلت
محمد يرن علي نيروز وهيا تسكر عليه كان الوقت متأخر وتقرأ بعتلها مسج
( نيروز ستاحشتك وينك خيرك تسكري علية نبي نحكيلك شن صار معاي اليووم )
نيروز :: ( اني نقرأ ياعمري مانبيش نرد عليك لانه عارف بنقعدو نهدرزو مش ح نقرأ )
محمد : ( اوكي خليك تقري . بس ماقالتلك شي هناء )
نيروز :( شن بتقولي شن فيه )
محمد : مباش يقوللها توا مايبيش يشغلها ( شي تافه تعاركت هيا واحمد مرة تانية غدوة تهدرزلك )
نيروز : ( ههههههه عادي عادي ديما يتعاركو توا يرجعو خليني نقرا توا ليلتك سعيدة )
~~~~~~~~~~~~~~
يوووم جديد **
ومشوو البنات لتانوي وكانت هناء مضايقة وماتبيش تحكي مع حد شادة تركينة بروحها وماتلاقتش مع البنات
هديل : اااااااايي بطني مغص ناضت تجرري رجعت ..
خالد : خيرك هديل شن فيك
هديل : مش عاارفة هدي اكيدد الدورة بتجيني نحسس في وجع غريب هكي
خالد : باهي خلعتيني من نوومي حبيبتي نوضي ديري حاجة سخونة ادفي بيها وتعالي جنبي
هديل : مشت للكوجينة وكانت تخمم بينها وبين نفسها ... ياربي الدورة ليها مدة غايبة حيي مانطلع حامل لا ياربي مانبيش من تاني شهرر صغاار 😞 بس لو صار مش ح نزعل الله غالب ربي رايد هكي .. ودارت نعناع وخلطة زي هكي ورجعت لدارها وهيا تخمم في نفس الموضوع
~~~~~~~~~~~~~~
محمد كان في الشركة و محكاش لي احمد شي
محمد : ياااربي كيف بنقولك شن بندير مخديتش راي حتى نيروز لكن بندير الصح والساكت عن الحق شيطان اخرص
محمد يرن علي احمد
احمد : وهوا راقد هااا يدراه شن تبي من صبااح ربي شن فيه
محمد : اسمع اني في الشركة نبيك في موضوع مهم تعاليلي لشركة
احمد : صباح يافتاح شن فيه
محمد : انت غير تعالى وبعدين ساهل
أنت تقرأ
#فَتٰاةً_آرهَقتٰهَا_الحَيٖاةً
Roman d'amourقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
