#فَتٰاةً_آرهَقتٰهَا_الحَيٖاةً
الحلقة 👈 التانية والعشًرون
محمد بيد نيروز وهيا طالعة ؛ انتي فاهمة غلط خليني نشرحلك واللهِ يلي شفتيه كله مالياش فيه دنب
نيروز : نحي يدي وهيا تبكي شبحتله "وعيونها مليانة دمووع .. خلاص يلي بيننا انتهي
محمد : لا يانيروز غير اسمعيني
نيروز : خلااااااااااص شفت يلي شفته وسمعت يلي سمعته لو سامحت معاش اضايقني خليني في حالي
نيروز طلعت قدام الشركة وكان خلفها محمد وماشية للكافي
محمد : نيروز نيروز واااك اسمعيني
نيروز : اقلب علي وجهي معاش تلحقني خير
محمد وقف مالحظش روحه انه مش لابس سوريته ورجع لشركة
هناء: لمحت محمد طالع خلف نيروز حي جاي وراها .. و مشت هربت للحمام
هناء : طلعت خيرك شن فيك نيروز تبكي
نيروز : ترعشش خلينا نروحو
هناء : فهميني صاار ياروحي
نيروز : اني طلعت تبي تلحقيني علي راحتك
هناء : باهي باه استني نخلص يلي خديته ونقيم حاجات نيروز نيروز استني
ورجعو لحوش هناء
هناء : قوليلي خيرك حبيبتي
ونيروز تتنهد وتبكي وسكرت فونها ..اخخخ لو تعرفي شن شفت وحكتلها .....
هناء : خزي ع الحيوان المنحط التافه هدا مايستاهلكش وو....
نيروز ؛ متقوليش عليه هكي
هناء : انتي حمارة عبيطة يامهبولة شفتيه بعينك يخون فيك ومزال مش راضية فيه
نيروز : وااااااك نبي نكدب عيوني بس اني مفهمتش حاجة وحدة علاش قعد يقولي انتي فاهمة غلط واسمعيني يعني عنده حاجة بيقولها واني مش فاهمة
هناء : انتي غبية نعرفك هدا بيضحك عليك بكلمتين وانتي زي الهبلة بتصدقي ..وعبتلها راسخا زيااادة
نيروز ؛ اتصلي بـ توفيق يروح بيا خلاص مش طايقة روحي
هناء : باهي باه
~~~~~~~~~~~~~~
بونيروز : فررح وين نيروز
فرح ؛ بابا اني كيف واصلة كنت مع خوي خالد توا كيف ضلمت الدنيا
بونيروز : ممشتش معاكم هيا
فرح : لالا هيا مشت لي صاحبتها رفعهاا توفيق
يونيروز : اها .. اهو صوت الباب بري افتحي
وخشوو توفيق ونيروز على طوول لغرفتها
بونيروز : بسم الله الناس ترد السلام ..توفيق خيرها نيروز مش على بعضها
توفيق : وين نندري عليها هيا سلامات توا طالع مع الشباب
بونيروز : وين ماشي غير تعشى قبل
توفيق : مني بيدير العشي ولا اني ههههه لالا اني ماشي باي باي
~~~~~~~~~~~~~~
نسرين : ههههه ياربي جنابي
حاتم : واللهِ الا هكي و تدكري لما اول مرة تلاقينا وهداكا الموس يلي خش فيا ياريته جت بكري هديكا الحادتة و شفتك سحرتيني وكان احلى لقاء متفاجئ ..
نسرين : اي ههههه تعرف لو نحكيها لحد يضحك علية وصددفة تجنن ومتوقعتش نرتبط اني وياك وتطور علاقتنا
حاتم : حبيبتي توا المهم انك قلتي لي اهلك علية واني عطيتك كلمتي امي واختي يلي برا
نسرين : اي اني نعرفك انت شني مش حتضك علية
حاتم : لا اني منبيش نشكر روحي بس خليهم يسألو عليا من حقهم اني من البداية قتلك غرضي شريف ومانبيش نوطل بالخطوبة
نسرين : اني قلت لي ماما وقالت لي بابا اكيددد مش حيلقو نسيب لي بنتهم افضل منك حنين وطيب وكل الصفات الحلوة فيك
حاتم : اس اس اني عندي هلبااا سلبيات غير متعرفينيش كويس
أنت تقرأ
#فَتٰاةً_آرهَقتٰهَا_الحَيٖاةً
Lãng mạnقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
